¹ Aho shikaba hitite mukati ke mileneñi ya Ampipolisi ne Apolonia, niba kezya mu muleneñi wa Matesalonika, omo kamwina e sinagoge ya Bajuda. ² Paulus, shina ko mukwa wakwe, a kuya kwabo, mi ka mazyuba e Nsabata wo tatwe aku ambaura nabo kuzwa mu mañoro. ³ Ka apaura mañoro noku toroka kute ye kaku botere kwa keresite kute ye a shande mi noku buka ku bafu. A kute ye, ''Ozyu Jeso ndi amba zakwe kwenu nde keresite''. ⁴ Bamwi ma Juda niba goreswa mi boku li shanganya ne Paulusi ne Silasi, oku bikaho Bagerike kaba shini okuba muchizo chabo, bungi bwa bakentu bayendesi ne chinalyanga chinene. ⁵ Kono aba Juda kaba zumini, ko kufwa muna, boka hinda a bantu babbi mu musika, niba kopanya e chinalyanga hantu honke, noku burumuna bashi mureneñi. Mu kurwisa be njuo ya Jasoni, kaba shaka kureta Paulusi ne Silasi kunje ya bantu. ⁶ Kono aho shiba kangwa oku bawana, boka kokorora Jasoni na bamwi bayenze habuso bwa bayendesi bo mureneñi, niba lira, '' Aba bantu shibana zoli e fasi bana kezyi nabo. ⁷ Aba bantu na tambura Jasoni shibana zokeli marawo ya Siza; bawamba kute ye kwina zyumwi o nfumu-Jeso''. ⁸ E chinalyanga na bayendesi bo mureneñi aho shiba shuwe zi zintu, boku seswa. ⁹ Aho shiba tonda kapa akwesi mashereni oku booza Jasoni ni bonshe, boku bareka. ¹⁰ Oro rusiku a bakwabo boku tuma Paulusi ne Silasi kwa Bereya. Aho shiba kahura ko, nibaka kabira mwi sinagoge ya Bajuda. ¹¹ Hanu abo bantu kabena o buniti chaha kuhita bo bena mwa Tesalonika, kakuli niba tambura ezywi mu ku libakanya ke nzunu, oku tatuba a mañoro e zyuba ne zyuba oku bona ye ezi zintu mbulyaho kazina. ¹² Kabulyaho bungi bwabo niba zumina, o kuhinda bamunya bakentu ba Bagerike bakwesi nsusuezo ni bana bungi. ¹³ Kono a Bajuda ba Batesalonika shiba lituta ye Paulusi neye kaya bu sumuna ezywi lya Nyambe kwa Bereya, niba ya ko noka ba lyanganisa noku sesa e chinalyanga. ¹⁴ Haho bulyo, a bakwakwe boku tuma Paulusi okuya kwi wate, kono Silasi ne Timoteya boku kara haho. ¹⁵ Abo kaba hindite Paulusi niba mutwara kure mbwe ku mureneñi wa Asenisi. Aho shiba nasiyi Paulusi, boku hewa e ntaero ye Silasi ne Timoteya bakezye kwakwe haho bulyo. ¹⁶ Paulusi aho kaba lindile mwa Asenisi, o muzya wakwe shika wu filikene mukati kakwe aho ka bwene o mureneñi uzywire zi swaniso. ¹⁷ Aku ambaura mwI sinagoge na Bajuda nabo kaba rapera Nyambe nabamwi hape ka shangana e zyuba ne zyuba mu musika ¹⁸ Kono hape bamwi bali azyalira ba Bapikuriya naba Sitoyiki boku shangana neye. Mi bamwi bokuta ye, "Nchinji a yereka ku amba zyu shi gavagava?" Bamwi bokuta ye, A bonahara kuba o mukutazi we mizimu kayi zyibahali," kakuli akuli ku kutaza kaza Jeso nizo kubuka ¹⁹ Boku hinda Paulusi noku mureta ku Baariopagusi, niba wamba ye, "Katubotere kuzyiba kobu buzyiizi obuya obo ko wamba? ²⁰ Kakuli oreta ezintu katuzyi mu matwi etu. Kabulyaho, tushaka kuzyiba e ntaruso yezo zintu." ²¹ (Aho bonshe ba Baasenia na babara bakara mo kali niba shinya e nako yabo kono kaba sumuna kapa ku teeza ku zintu ziya.) ²² Cware Paulusi aku zyimana mukati ka Baariopagusi nokuta ye, "Enwe mu bantu ba Asenisi, ndibwene kute ye muli barumeli chaha munjira zonshe. ²³ Kakuli aho nda kuhita noku bona ezintu ze mirapero yenu, ndawani kute ha katara hañoretwa ñoretwa, "Kwa Nyambe ka zyibahali." Nchinji aho mu rapera nemu derangiza, ezi ndizi mi sumwina. ²⁴ Nyambe ozyo na bumba e fasi nezo zina mo, shinaho ali Nfumu we fasi ne wiru, ka hali mu ma tempere a zyakitwe na maanja. ²⁵ Kapa oku tuswa ku maanja a bantu, nanga kwinecho ka shaka, kakuli eye mwini aha bantu buharo no muzya ni zonshe zintu. ²⁶ Mi kuzwa ha muntu yenke na panga e mishobo yonshe ya bantu ihara hanshi, ndeye na ba tendera e nako zo mwaka na maninja e zibaka bahara. ²⁷ Kabulyaho, bashake Nyambe hamwinya bawora kuhura kwakwe noka muwana, mi ke niti kali nkure ena ni yenshe wa hetu. ²⁸ Ke baka lyakwe tu hara noku yenda noku buntu bwetu, shina mbulyaho kaba wamba bashi mpeto benu, 'Kakuli neswe tuli bana bakwe.' ²⁹ Kabulyaho, shinaha tuli bana ba Nyambe, twasha azyali ye e mifwanino ya Nyambe ifwana mbwe nji gauda kapa e chilibera kapa a mabuwe, chi bezyetwa nomwi ngazyaro yo muntu. ³⁰ Kabulyaho Nyambe kali na tonda kwezina zeyina enako kaba deranguza, kono aku raera bonshe bantu konshe ye ba bake. ³¹ Kakuli na bika e zyuba elyo na ature e fasi mu kuchena ko mukwame na keta. Nyambe naha o bupaki bozyu mukwame kubantu bonshe koku mubusa ku bafu." ³² Cware a bantu ba Asenisi aho shiba shuwa zo kubuka kwa bafu, bamwi boku shwahura Paulusi; kono bamwi bokuta ye, " Mbotu teeze kwako hape kuamana neyi ntaba." ³³ Okuzwa ho, Paulusi aku basiya. ³⁴ Kono bamwi bantu boku shangana neye noku zumina, okubikaho Dionisiusi wo Ariopagite, o mukentu we zina lya Damarisi, na bamunya nabo.