¹ Apolosi aho kena munaha ya Korinte, Paulusi kahitite munaha inanukite mumureneñi wa Efese, aku wanako avarutiwa vamwi kuko. ² Paulusi aku aamba kwavo, ''Mani ni mwatambura o Ruho Rucenete aho ni mwazumina?'' Voku muta ye, ''Vo kukakana, kwazya eco ni twashuwa ku amana no Ruho Rucenete.'' ³ Paulusi akuta ye, ''Munji ni mwa korovezwa?'' Vo kuta ye, ''Munkorovezo ya Johani.'' ⁴ Cware Paulusi aku vooza, ''Johani naa koroveza ke nkorovezo yo kuvaka. Ka sumwina vantu ye va zumine kozyo asikezya murushara rwakwe, eye, Jeso.'' ⁵ Vantu aho vashuwa vulyaho, vo kukorovezwa muzina lyo Nfumu Jeso. ⁶ Aho Paulusi aho shavavika maanja, Ruho rucenete rokukezya haavo vo ku tanga kuamba mu mishovo imwi no ku porofita. ⁷ Kavonshe kavali ve kumi ni vo vire. ⁸ Paulusi nakaya mu Masinagoge akaamba na gorete ke myezi yo totatwe. Kaeterere engamboro kugoresa vantu kuamana ne muvuso wa Nyambe. ¹⁰ Kono vamwi va Juda kava lizyuminize no kusa zumina, vo kutatika okuwamba kovubbi mwi njira ya Keresite havuso bwe cinalyanga. ⁹ Cware Paulusi akuvareka naka eterere vazumina kuzwa kwavo. A kutanga kuaamba zyuva ne zyuva munjuo yoku zyiira ya Tairanasi. Eci cokuzwira havuso ke myaka yo vire, Ezywi lyo Nfumu aho shiva lishuwa vonshe avo kavahara mwa Asia, va Juda na va Gerike. ¹¹ Nyambe kapanga ezintu ezinene kaanja a Paulusi, ¹² kutaye avo kavarwara kava hozwa, myuzya emibbi kaizwa, aho sheva hinda akatauro ne kabwika vumo ha muviri Paulusi. ¹³ Kono kakwina vañanga va ma Juda kavahita ne vaya mu munzi vuhindite zina lya Jesu ko kuli sevelisa omo vashakira. Kavaya vuliwamba kwavo vasi myizya e mibbi; kavata ye, ''Ndiku raera ke zina lya Jesu ozyo kakutaza kakwe Paulusi ozwe.'' ¹⁴ Avo kavapanga zi kavali ve yanja ni vovire vana vo purisita omukuru wo mushovo we Cijuda, Skeva. ¹⁵ Muzya mubbi okutava, Jesu ndi muzyi, ne Paulusi ndimuzyi; Cware enwe ndinwe vani?'' ¹⁶ O muzya mubbi kozyo ka cuuna, kuva ñanga okuva koma, no ku vadama. Cware vo kuvutuka munjuo yavo mapunu vuremene. ¹⁷ Eci coku zivahara kwavo vonshe, a va Juda nava Gerike, avo kava hara mwa Efese. Vo kuva vatiite hawa, ne zina lyo Nfumu Jesu lyo kurumbwa. ¹⁸ Vungi bwavo kava zumina vo kulineera no kuliha kezintu zibbi ezo ni vapanga. ¹⁹ Vungi bwavo avo kavapanga enkezo za mavivo vo kureta mbuka zavo hantu honke vo kuzihi mumesho ani neni. Aho vavara ovuremu bwazo kazilika otupisi twe silva tuli 50 000. ²⁰ Kavulyaho ezywi lyo Nfumu lyo kuhwera okuhasana munjira igorete. ²¹ Aho shamana musevezi ovutumwa Paulusi mwa Efese, a kuliketere mu muzya wa kwe ye ahitire mwa Masedonia ne Achaia munjira yakwe kuya kwa Jerusarema; aku tiye aho sendina koo, ndiswanezi kavona ne Roma.'' ²² Paulusi akutumina ku varutiwa vakwe vo vire kwa Masedonia, Timotea ne Erasitasi, avo ni va mutusa, Kono eye akusiyalila kacenya mwa Asia. ²³ Keina nako kokuva no kulyangana kunene hawa mwa Efese kuamana yo njira. ²⁴ O mufuli we silva zyo kakuwiwa Demetrius, zyo kapanga eziswaniso za Diana, ni ya reta musika munene kuva vezyi. ²⁵ Aku kopanya va vereki voshe voo musevezi aku tiye, ''Enwe, haho muzyi ye mou musika tupanga mali mangi. ²⁶ Haho muvwene ye, kali mwa Efese monke, kono ne Asia yonse, eci nceco kaamba na gorese Paulusi mi akucinca vantu vangi. Aho atiye kwazya emilimu eyo ni ya pangwa na maanja. ²⁷ Mi kali ye nji konzi muvuulisi bwetu eyo kaishakahari, kavulyaho ne tempere yo mulimu munene wa Diana ushavi we ntuso. Kuta ye amininwe ovunene bwakwe, o Asia neva sifasi lyonshe va varumbeka. ²⁸ Aho vashuwa zizo, vo kuvenga no kulila , ne va aamba, ''Munene Diana wa va Mafese.'' ²⁹ O mureneñi wonshe okulyanganiswa, vantu vo ku hwerera mucizanino. A vo kavasindikize Paulusi mumusipiri vo kuvazyimikw, Gaius ne Aristarchus, avo kavazwa kwa Masedonia. ³⁰ Paulusi kashaka kuka kavira mucinalyanga, va rutiwa vakwe vo ku mukanisa. ³¹ Kavulyaho, vamwi avaendesi va Asia avo kavali vashere vakwe ko kugora vo ku mutumina mbuzi kumukumbira ye asha kaviri mucizanino. ³² Vamwi kava huweleza cimwi, vamwi navo cimunya, cinalyanga sika cilyangene. Vamwi mani kali shika vezyi ye ncinji vana kunganeri. ³³ Va Juda vo kureta Alexander kuzwa mucinalyanga kumuvika havuso bwa vantu. Alexander akukoveta ke yanja lyakwe ye atoroke ku vantu. ³⁴ Cware aho shiva remuha ye kali mu Juda, vonshe ni va lila kezywi lyonke munako zo vire, ''Diana wa Maefese munene.'' ³⁵ Cware aho muñoli sa lyumisa cinalyanga, aku tiye, ''nwe vantu va Efese, ndini kwenu ozyo kazyi ye mureneñi wa Maefese ye mba vava reri we tempere ya Diana ne ci swaniso eco ni cawa kwi wiru? ³⁶ Kokuvona ye zintu kazi oreseki kuzikana, muswanezi kulyuma no kusapanga cimwi kokuhwera. ³⁷ Kakuli vantu avo mwareti kunu kali mbasa mutempere kapa okunyansa omulimu. ³⁸ Cware ho, heva Demetrius nava vezyi avo kavena kwa kwe heva vana hambilizi zyumi, va zekisane ava zimanini kuvena muva reke va kihambike vo veni. ³⁹ Heva kocina eco musishaka kuamana neimwi ntava, cira rukiswa munjira ya vulyaho. ⁴⁰ Kavulyaho twina muvukavavu kuamana neli zyuva lye nziezi. kakuli kwaazya eco cireta oku kulyangana, mi kali netuore kucitoroka.'' ⁴¹ Aho shamana kuaamba zizo, aku rukurura omukopano.