¹ तेसुर येसू टुला जेनी फर्केन गाल्सुङ खोरे युलला लोक्सुङ। ² ल्हो मितीवी सप्तेन खाला ङियलोकुप लाक्पा काङ्बा शोरूप मि जिक्ला खोकी चाला खुर्नी लेसुङ। तिबी मोबा थोङ्नी येसूकी ति लाक्पा काङ्ब शोरूप तिला सिक्यासुङ, पुज्युङ ङाडेङ की। ख्योरे दिक्पा (क्षमा) गालुप् वोइ।

³ ल्हो ताङ ते शास्त्रीतिवी तिबी पार्ला दुक सिनोक दिकी याङ कोन्ज्योकला के मारे तोङ्गिनोक सिनी नासाम ताङ्सुङ। ⁴ तिवीकी तुक्यानी नासाम ताङ्गुप् ति येसूकी हाक्कोनी तिवाला दुक सिक्यासुङ, च्यिला ख्यिराङ सेम्ला दुक क्यानी मेलेबा नासाम तोङ्गिवी। ⁵ ख्योरे दिक्पा तासुङ सिरूप ताम ताङ ख्योरूङ लानी यु सिरूप ताम ति माङ जोल्हमु यिन? ⁶ ङ मि पुज्युङला दि जम्बुलिङ्ला दिक्पा तोङ ज्यितुप ओङ्ज्येन् वोइ सिरू ख्यिराङला हिक्को ज्यितिन।तेमे खोकी ति लाक्पा काङ्बा स्योरूप् तिला ख्योरूङ खोक लो तेमे ख्योरे सप्तेनतिबा खुर्नी ख्योरे खाङ्बाला ग्युक सिनी सासुङ। ⁷ खोकी तुक सासिमा ति मी ति खोक लानी खोरे खाङ्बा गाल्सुङ। ⁸ ति थोङ्सीमा मी माङ्छ्योक ज्यिवा क्यानी मितिवाला दिनक् ओङ्ज्येन नङ्गुप् चोवो कन्ज्यक्ला सोवा तेक्सुङ।

⁹ तेसुर येसू डोई किरूवेला मत्ति सिरूप से दुतुप मि ज्यिक से दुतुप् दासाला देन वोतुप् थोङ्सुङ ।खोकी तिला सिक्यासुङ तिला ङे तिङ्ला तिङ्यो तेमे ति खोक लानी खोकी तिङ्यासुङ। ¹⁰ तेमे येसू ताङ खोकी लोमातिवा मत्तीकी खाङ्बाला सामा साला देसुङ्। ते से दुतुपतिबा ताङ यम्बा दिक्छेनतिवा साङ बाङी वानी लोमातिवा तानी सामा सोसुङ्।

¹¹ ति थोङ्नी फरिसीतिवी येसूकी लोमातिवाला ख्यिराङ गेकेन च्यिला से दुतुप् तिबा दिक्छेनतिबा तानी देनी सामा सोवु यिन्? सिनी टिसुङ।

¹² ति कोनी येसूकी तिवाला सिक्यासुङ नेजु मेतुप् तिवाला याङ (वैद्यको) मोगोवी, यिने नेर्पुतिवाला याङ गोकिवी। ¹³ ख्यिराङ गाल्नी ङला गोवु ति बुल्बा मिन यिने च्यम्बा यिन। सिरूप सुङगी तेन्दोक ति काङ यिन सिनी ल्यामो लोप्। च्यिलासिसन ङ ति खुरूङ राङ मि टेङ्बु यिन सिरूप् तिवाला लेबु मिन, खुरूङ दिक्छेन यिन सिरूप तिवाला कतुङ्गुपला लेबु यिन।

¹⁴ बप्तिस्मा तेरूप यून्नाकी लोमातिबाला येसूकी चाला लेप्नी दुक सिक्यासुङ ङियराङ ताङ फरिसीतिवा नरी ङयुङ्ने देकीनोक तेमे ख्योरे लोमातिवा ति च्यिला ङयुङ्ने मेदेनोक?

¹⁵ येसूकी तिवाला सिक्यासुङ माक्पा खोप्रे चाला वोतुप् बेला साङ जेन्दिकी डेन्बुतिबा दुङ्ल किवी र? तेमे माक्पाला तिवी चानेमा थारे डोप जुसीमा ति बेला तिवी ङयुङ्ने देकीवी।

¹⁶ सि साङ माज्या ङिङ्बाला ल्हेन्दा साम्बा मेग्यकिवी, ग्यप्सिन ल्हेदा साम्बा ति कुम्नी माज्या ङिङ्बा ति माङ रल्गिवी। ¹⁷ क राङ क्यानी सि साङ क्वा ग्यिपु ङिङ्बी नाङला गुन्डुम छ्याङ साम्बा मुलुकी।लुक्सिनाङ क्वा ग्यिवु फेक रल्नी गुन्डुम छ्याङ पेकिवी तेमे क्वा ग्यिवुसाङ ना डिवी गुन्डुम छ्याङ साम्बा ति क्वा ग्यिवु साम्बी नाङ्ला लुक्सिमा ति ङिकार लुकिवी।

¹⁸ येसूकी ति ताम तिबाला सिकिरू बेला यहूदी छ्योखाङकी मि छ्ये च्यिक खोकी चाला लेप्नी पुमुङ साला चुनी ओ गेकेन ङे पुम् हान्दाङ शिसुङ। गेकेन लेप्नी तिकी गोला खोकी लाक्पा ज्याकनी नोङ ति लोङ सेन्बु लङिगीवी सीनी सिक्यासुङ। ¹⁹ ति कोसीमा येसू लानी तिकी तिङ्ला गाल्सुङ तेमे खोकि लोमातिबा साङ खोकि तिङ्ला गाल। ²⁰ ल्हो च्यिङ्ङी नेमा नेज्युन ठाक थेन्दुप् नेजु वोतुप् पुम्पेजा ज्यिक येसूकी तिङ नेसुर लेप्नी खोकी माज्याकी नामूला रेक्सुङ।

²¹ च्यिलासिसिन तिकी सेमला खोकी माज्याकी नामूला रेक्सिनाङ ङे नेजु ति टेकिवी सिनी नासाम ताङ्नोक।

²² तेमे येसूकी तिङ्ला ग्युर्नी ति पुम्पेजा तिला ल्हानी ओ पुम् ख्युरूङ ङाडेङ कि। ख्योरे मोवा क्यावु की ख्युरूङ टेक्सूङ सिनी सासूङ। ति पुम्पेजा ति टेक्सुङ।

²³ तेसुर येसू ति यहूदी छ्योखाङकी मि छ्यकी खाङ्बाला लेसुङ ते ग्येलिङ फोप् मितीबा ताङ मि माङ्छ्योक ङुप्राङ ताङ हराङ हुरेङ कि वोतप् थोङ्सुङ। ²⁴ ति थोङसिमा खोकी तिबाला ख्यिराङ तेरिक फिला पाङ्ला ग्युक।दि पुम् ति शेप मिन, ङिलोकुप् तिराङ यिन् सिनी सिक्यासुङ। ति कोसिमा मितीवि खोला मार्च्या क्यानी गोटो क्यासुङ। ²⁵ तेमे मि माङ्छ्योकला फिला पाङ्ला तेनी ताङ्सिमा येसू नाङ्ला शुनी ति पुमकी लाक्पाला जिम्सिमा ति पुम् ति खोक लासुङ। ²⁶ तेमे ति ताम ति लुङ्बाकी तेरिक दासाला टाम्सुङ।

²⁷ तेसुर येसू डोईकिरू बेला मिक मोथोङ्गुप् मेरा ङ्यिकी खोला तिङ् ङानी बोमु वोरू तेनी ओ दाऊदकी गिपा येसू ङिराङ्ला च्याम्बा की सासुङ। ²⁸ ते येसू खाङ्बी नाङ्ला लेम्नी ति मिक मोथोङ्गुप् तिवाला साङ खोकी चाला लेसुङ। तेमे येसूकी तिवाला काङ ङे दि थुप्किवी सिनी ख्यिराङ मोवा किवी? सिनी टिसुङ। तेमे तिवी लासे चोवो ङिराङ मोवा किवी सिनी सिक्यासुङ।

²⁹ तेमे येसूकी तिवी मिकला रेक्नी ख्यिरेकी मोवा क्यावु दोके ख्यिराङला डोशी सिनी सिक्यासुङ। खोकी तिवी मिक ति सेसुङ। ³⁰ तेमे येसूकी तिवाला दि ताम ति सुला साङ मासि सिनी क नाङ्सुङ छ्या से दि ताम कला सुला साङ छ्या मेङिनसित् सिक्यासुङ। ³¹ तिवा ङिकार फिला गल्नी येसूकी क्याबु लाकाकी कोर्ला लुङ्बा तेरिकला टाम्सुङ।

³² तेमे तिवा ङिकार तेसुर थेन्नी गल्सिमा, मितीवि डे रेक्नी कुबा गलुप् मि ज्यिक येसूकी चाला टिनी लेसुङ। ³³ तेमे येसूकी ति डे तिला तेन्सिमा ति मि कुबा ति ताम कि थुपुप् गाल्सुङ।ति थोङ्सिमा मि माङ्छ्योक छासे हलेवा क्यानी “इस्राएल लुङ्बाला दिनोक लाका नाम्साङ नाम्लाङ माथोङ सिनी सिक्यासुङ।"

³⁴ तेमे फरिसीतिवी दुक सिकिनक तिक डेकी ग्येल्वु शैतानकी जिन्दाग्कि नेमा राङ डे तिवाला देन्गिनोक सिनी सिक्यासुङ।

³⁵ तेमे येसू तेरिक ग्येसा ग्येसा ताङ युल युलला गाल्सुङ। यहूदी छ्योखाङतिवाला येन्देन नङ्नी कन्ज्यककी सुङ ख्याप्टाक कियी तेमे नेजु नम्बा, नेर्पातिबा ताङ आमोछ्योवुतिबा तेरिकला टेक च्यिसुङ। ³⁶ मि माङ्छ्योक थोङ्सिमा येसूकी सेमला ङ्यिङ्ज्ये लानोक, च्यिलासिसिन तिवा गोठाला मेतुप् लुक दोके दुक्पा ङ्येनी यर्मिन मर्मिन गाल्नोक। ³⁷ खोकी खोरे लोमातिवाला दुक सासुङ सप्ले दु गोवु ति बङी वोइ तेमे सप्ले दुतुप् मितिबा च्येजिक क्या वोई। ³⁸ तुक क्यानी सप्लेकी ज्यिन्दाक कन्ज्यकला स्वा: तोप् सप्ले दुतुप् मितिवा तोङ सिनी गोङ्बा