लिउ १०
1
येसूकी दाक्पी लोमा च्यिङ्ङीतिवाला काङ्नी तिवाला डेतिवा स्योरूप् ओङ्ज्येन ताङ नेजु नाम्बा ताङ आमोछ्योवु तेरिकला टेक ज्यितुप् ति ओङ्ज्येन बिन्सुङ।
2
ति च्यिङ्ङी लोमातिवी मिन ति दिवाराङ यिन्।गोमाला पत्रुस सिरूप सिमोन ताङ तिकी नुप् अन्द्रियास, जब्दियाकी पुज्युङ याकूब ताङ तिकी नुप् यूहन्ना,
3
फिलिप ताङ बारथोलोमाइ, थोमा ताङ से दुतुप् मत्ती, तेमे अलफयसकी पुज्युङ याकूब ताङ थेदियस,
4
सिमोन कनानी ताङ यहूदा इस्करियोत ति येसूला जिम्नी तेरूप् मि यिन्।
5
ति च्यिङ्ङी लोमातिवाला येसूकी दुक सिनी ताङ्सुङ।ख्यिराङ यहूदी मिन्दुपिवीमिरिक यम्बाकी मितीवी पार्ला माडो, तेमे सामरीतवी ग्येसाला साङ माडो।
6
बोरू तोरूप् लुकौइबा दोके इस्राएलकी मितीवि पार्ला गाल्नी
7
कन्ज्यककी ग्येल्खाप् चालाराङ वोइ सिनी ख्याप्टाक कि।
8
नेर्पातिवाला टेक च्यित, शेपतिबाला सेन्बु लोङ, जे ग्यपुप् नेजु वोतुतिवाला टेक च्यित तेमे डेतिवाला स्योर थेन। दि लाका किरूप् ओङ्ज्येन ख्यिराङला तिजोराङ ङ्येतुप् यिन, तुकराङ क्यानी ख्यिराङ साङ तिवाला तुकराङ किसा।
9
ख्यिराङ मेबुक् नाङ्ला सेरकी डोबा ङुलकी डेबा सा डेबा काङ साङ माखुर।
10
ख्यिराङ डोप् बेला झोला नाङ्ला पोयप् किरूप माज्या साङ काचा साङ ज्युग्क्पा साङ माखुर, च्यिलासिसिन लाका किरूतिवाला गोवु च्यालकतिबा ङ्येकितो।
11
ख्यिराङ चिन्तिङ ग्येसा याङ्ना युलला डिबे, ते ख्यिराङला ल्यामु क्यानी गासो शोप् मि छोल तेमे तेसुर मागाल्बु साक ति मि तिकी खाङ्बाला देत्।
12
ख्यिराङ ति खाङ्बी नाङ्ला शुकुप् बेला ति खाङ्बी मितीबाला ख्यिराङला कन्ज्यकी लोदिमु नङ्शी सिनी सी।
13
दोजो ति खाङ्बी मितीबी ति लोदिमु वोसिन ति लोदिमु ति तिवी तेकी खाला दोसिस् तिवी ति लोदिमु ङे छ्यालु मेसिन ति लोदिमु ति ख्यिराङला राङ लोक्नी वुङ च्यित ।
14
सिकी ख्यिराङला गासो मुसुबे याङ् ख्यिराङ खेप्टाक् क्याबु सुङ मेङ्येन्बे, ख्यिराङ ति खाङ्बानेबा थेन डोप बेला ख्यिरे काङ्बाङला कोबु थल्दुक ति रूहुनी ज्योक।
15
हुतुङ राङ ङ ख्यिराङला सिऊ, ठिमकी ङिमाला ति ग्येसाला सदोम ताङ गमोरा ग्येसाला ख्येलुप सिनाङ मङ कन्ज्यक नेमा पर्च्या ख्येल्गितो।
16
ल्होसा खटमुतिवी पार्ला लुकतिवा ताङ्गुप् दोके ङ ख्यिराङला तोङ्गितोव।तुक्यानी ख्यिराङ रूल दोके च्यङ्बु ताङ गम्देर दोके क्येन मेतुप् ऊङ गोकितो ।
17
ख्यिराङ मितीबा नेसुर च्याङ्से देता ज्यिलिसिसिन तिबी ख्यिराङला ठिम्खाङ्ला क्योल्गितो तेमे यहूदी छ्योखाङ्ला टिनी पाङ्शर तोङ्गितो।
18
तेमे ङला मोवा क्यावु तिवी ख्यिराङला मि छ्येतिबा ताङ ग्येल्वुतिवी चिप्ला लाङ ज्यिकितो, तेमे तिवा ताङ यहूदी मिन्दुप् मिरिक यम्बाकी मितीबी दोङ्ला ङे थोक्ला पङ्बु तेर्कितो
19
तेमे तिबीकी ख्यिराङ्ला जिम्नी ठिम्ख्ङ्ला क्योलुप् बेला ख्यिराङ्ला चुक सि गोकिवी काङ सि गोकिवी सिनी तिकी कला जिबा माकी, च्यिलिसिसिन ख्यिरेकी काङ सिगोवु यिन ति ती बेला राङ ख्यिराङ्ला तेर्कितो।
20
च्यिलासिसिन ति बेला लापुप् ति ख्यिराङ मिन, ख्यिरे पपीकी थु: चेङि यिन्।
21
मितीवि उजुनुपला जिम्नी सेतुपला च्याक तेर्कितो, तेमे पपी ख्योरे पेजातिवाला ताङ पेजितिवी दाक्पी पापा मामी तेन्दोकला लानी तिवाला सेतुला जिम्नी तेर्कितो।
22
ख्यिरे ङला मोवा क्यावत मि तेरिकी ख्यिलाङ्ला ङियङ्मार कितो। तेमे सिकी तिङ्ङी ङिमाला सु ज्युक्ला सेक तेपा क्यानी हम क्यान देकिवोइ।
23
तिवी ख्यिराङ्ला ग्येसा च्यिकला दुक्पा बिन्सिन ग्येसा ज्रार्माला टोनी ग्युक, वुतुङ के ङ ख्यिराङ्ला सिऊ, इस्राएलकी ग्येसा तेरिकला लेपुप् सिनाङ गोमाला ङ मि पुज्युङ वुङिगतो।
24
लोमा द्क्पी लोबेन सिनाङ छ्ये मेङुवी, तेमे लाबा दाक्पी ज्यिन्दाग्कि सिनाङ छ्ये मेङुवी।लोमा दाक्पी लोबेन दोके ताङ लाबा दाक्पी ज्यिन्दाग्कि दोके च्युङ्सिन टेके गिवी।
25
दोजो तिवी खाङ्बी ज्यिन्दाग्कला बालजिबुला सिनी सिसिन ति खाङ्बी मितीबाला याङ माङ च्युका मेलेबा क्यिउवी।
26
तुक क्यानी तिबाला ज्यिबा माकी, च्यिलासिसिन उप ज्याक्नी मोथोङागुप ताङ बानी ज्याक्नी हाक्मोकोबु ति काङसाङ मेत्।
27
ङे ख्यिराङ्ला नाक्तुमीला काङ सिक्याबे, ति ति ख्यिराङ ठछ्यालिला सि। तेमे ङे ख्यिराङला साताम नाङ्ला क्याबु ताम ति खाङ्बी गोनेमा खाप्टाक कि।
28
तिबाला ज्यिबा माकी ख्यिरे जुबुला सेसिनाङ नाम्सिला ति से मुथुबुपुप् वोइ।बरू जुबु ताङ नाम्सि ङिकारला ङ्येलाला क्युरूप् ति तानी ज्यिबा की।
29
काङ डेबा च्यिकला बन्गिरी ङ्यी मिटिन्वी र? ख्यिरे पाप्पीकी नोबा मेसिन बनगिरी च्यिक साङ साला मुलुम्वी।
30
ख्यिरे ति गोकी रा तिबा तेरिक ङोनी ज्याङ वे।
31
तुक क्यानी ख्यिराङ ज्यिबा माकी च्यिलासिसिन ख्यिराङ बाङी वोतुप् बरिन्रीतिवा सिनाङ कोछ्येबु वे (मूल्यवान)
32
तुक क्यानी सि मितीवी मिङ्गाला ङला मोबा किवी सिनी सिवे ङ तिला देवाच्येनला वोतुप् ङे पपी मिङ्गाला तिला ङे मि यिन् सिनी सिऊ।
33
तेमे सि मितिवी मिङ्गाला ङला ङो मेशेवी सिनी सिवे, ङ तिला देवाच्येनला वोतुप् ङे पपी मिङ्गाला ङो मेशेवी सिनी सिऊ।
34
ङ जम्बुलिङ्की मितीवाला डिक च्यिनी लोदिमु तेरूपला लेबु यिन् सिनी नासाम मातोङ। ङ लोदिमु तेरूपला मिन, ख्ये बेतुला खुरपा थकेलुपला लेबु यिन।
35
ङला मोबा किरूप तिबा खोरे पपी मुला, पुमी खोरे मामी मुला, तेमे नामा खोरे ईबी मुला उट लोङ्गुपला लेबु यिन।
36
तुक क्यानी ख्यिरा डेतिबा रङ्गी मितिबा राङ गिवी ।
37
सि ङला सिनाङ खोरे पपामामाला माङ् ङिङ्ज्ये किवे, ति ती ङे तिङ्ला तिङ्योक मोछ्योवी। सि ङला सिनाङ खोरे पुज्युङपुमला माङ ङिङ्ज्ये किवे तिङ ङे तिङ्ला तिङ्योक मोछ्योवी।
38
तेमे सु खोरे ग्यङिशङ खुर्नी ङे तिङ्ला तिङ मोङ्योक बे, ति साङ ङे तिङ्ला तिङ्योक आमोछ्योवी।
39
सि की दाक्पी मिजी ङेकीबे, तिकी मिजी ति तोर्नी डिवितो। तेमे सि की ङे थोक्ला द्क्पी मिजी तोर ज्यिकिबे, तिला नामलाङ मिशिबु मिजी थोप्कितो।
40
सि ख्यिराङ्ला सेमला लाङ्गिबे, तिकी तिकी ङला दाक्पी सेमला लाङगुप् यिन्, सि ङला सेमला लिङिवे, तिकी ङला तोङ्गुप् तिला दाक्पी सेमला लागुप् यिन्।
41
सि की लुङ्तेम्बाला दि लुङ्तेम्बा सिनी सेमला लाङ्गुप् तिला लुङ्तेम्बाला थोपुप् छ्यक्तक थोप्किवी। तेमे टेङ्बु वोतुप् मिला टेङ्बु वोतुप् मि सिनी लाङ्गुप् तिला टेङ्बु वोतुप् मिला थोपुप् मिला छ्यक्तक थोप्किवी।
42
सि दी टिक्पीतिबी पार्ला मिरा च्यिकला ङे लोमा यिनी सिनी छ्यु टङ्गा फर्बा काङ यिन्सिनाङ तेर्किबे, तिला थोपुप् छ्यक्तक ति वुतुङ राङ के तोर्नी