लिउ ८
1
तेमे येसू पम्दोक नेमा मार पाप्सिमा मि आलाकी खोकि तिङ्ला तिङ्यासुङ।
2
ति वेला ते जे ग्येपूप् मि च्यिक खोकी चाला लेप्नी खाउग्येसुङ तेमे दुक सासुङ ओ चोवो खोकी नोवा वोसिन ङाला टेक ज्यि थुप्किवी सिनी सिक्यासुङ।
3
तेमे येसूकी लाक्पा ज्याक्नी ङाला नो वोइ ख्यरूङ टेक्सिस् तुक सुङ्लुङ्मे तिकी नेजु ति टेक्सुङ।
4
मे येसूकी तिला सिक्यासुङ दी ताम ति सुला साङ मालाप। तेमे ख्योरूङ दाक्पी लामला सु दाक्पुला (पुजारीकहाँ) चाला गाल्नी ख्योरूङला छ्या तेन।तेमे तिवी गोमाला किदुक ओसिस् सिनी मोसाकी ठिमला वोतुप् दोके बुल्बा ति पुल।
5
येसू कफर्नहुमला लेबुबेला ते च्यिककी खोकी चाला लेप्नी दुक सिनी गोङ्बा शुसुङ
6
ओ चोवो! ङे लावा च्यिक काङ्बा लाक्पा शोरूप नेजु ग्यप्नी छासे दुक्पा ङ्येनी ङ्यासाला राङ ङ्यिलोङ वोइ।
7
तेमे येसूकी तिला दुक सिक्यासुङ ङ गाल्नी तिला टेक ज्यिकिवी।
8
(कप्तान) की दुक सिक्यासुङ ओ चोवो! खोला ङे खाङ्बी नाङ्ला ऊङुला ति ङ मेत। खोकी सुङ तिराङ सानोङ ङे लावा ति टेकिवी।
9
च्यिलासिसिन ङ ति ङ सिनाङ मि छ्येकी ओङला देनी वोइ तेमे ओङला साङ (सिपाहीहरू) वोइ ङे च्यिकला ग्युक सिक्यासिन डिवी च्यिकला स्योक सिक्यासिन ति गिवी तेमे लावा तिला दि कि सिक्यासिन तिकी ति तुराङ किवी।
10
येसूकी ति कोसुङ तेमे खो (छक्क) लासुङ तेमे खोकी तिङ्ला तिङ्योकुप तिवाला सिक्यासुङ वुतुङ के ङ ख्यिराङला सिऊ इस्राएल साङ दिनक मोबा वोतुप् सुसाङ माङे।
11
ङ खूयिराङला टेङ्बो सिऊतेरिक जुम्बुलिङकी मितिवा स्यार नुपकी अब्राहाम, इसहाक ताङ याकूबकी तानी देवाच्येनकी डेनला देतुप् ङ्येकितो।
12
ते ग्येल्खापलाला फिला पुज्युङतिवा ति नक्तुमीला क्युर्कितो तेमे तिवा ते ङुप्राङ किङी सा मुर्कितो
13
येसूकी ति कप्तानला सिक्यासुङ ग्युक ख्योरे मोवा क्यावु देके राङ ख्योरूङला च्युङ्गितो। ति वेला राङ तिकि लावा ति टेक्नोक।
14
तेसुर येसू पत्रुसकी खाङ्बाला लेसुङ, ते पत्रुसकी यिबी ति ख्येजार ग्यप्नी ङ्यासाला ङ्यानि वोतुप् थोङ्सङ।
15
तेमे येसूकी यिबी तिकी लाक्पाला रेक्सुङ, रेक्सिमा ख्येजार ग्येपुप् ति तोर्सुङ।तेमे ति लानि खोला शब्ज्यी पुल्सुङ।
16
तेमे गमुङ गाल्सिमा मितिवी डे रेकु मी बङीला येसूकी चाला टिनी लेसुङ।तेमे खोकी सुङ नेसुर राङ डेतिवाला फिला तेन्सुङ सी तिवा तेरिकला टेक च्यिसुङ।
17
तुक क्यानी ति ती लुङ्तेम्बा यसैया नेसुर सावु दिनक सुङ ति खोल्सुङ खोकी दाक्पी जुवुकी आमोछ्योवु ख्योरूङ राङ लासुङ तेमे दाक्पी नेजुतिबा ख्योरे राङ खुर्सुङ।
18
तेमे येसूकि गारि गुरिला मी जोम्वुप् थोङ्सिमा, खोकी लोमातिवाला (समुद्र) फर्केन डोप सिनी सिक्यासुङ।
19
तिकी तिङ्ला मिरा च्यिक खॅकी चाला लेम्नी गकेन गेकेन केनी डव् यिन ङ तेराङ तिङ्योकिन ।
20
ति थोङ्सिमा येसूकी तिला सिक्यासुङ किप्च्याङतिवी ते देतुप् फुक वे नामगी च्यच्युतिवि ति देतुप् ला छाङ वोइ तेमे मि पुज्युङला याङ केनी साङ देसा मिन्दुक सिनी सिक्यासुङ।
21
तेमे ते वोतुप् लोमातिवी पारनेमा मिरा च्यिककी खोला सासुङ चोवो गोमाला गाल्नी ङे पापाला मिक्तुमितुङनाङला कल्दोक की च्यि।
22
तेमे येसूकी तिला सिक्यासुङ ङे तिङ्ला तिङ्यो शेप मीला शेपतिवाला राङ मिक्तुङनाङला कल्दोक कि च्यि।
23
तेमे येसू (डुङ्गामा) खाला जेनी लोमातिवी साङ खोला नाङ्साक तिङ्यासुङ।
24
ति वेला ते ग्येम्छोला शार्क्येक कशेन लुङ छ्यर्वा ग्याप्नी तिवा जेवु (डुङ्गा) ति (समुद्र) छ्यी ऊमनिसिनसुङ् ति वेला येसू ति ङ्याल्नी वथेऊ।
25
लोमातिवा खोकी चाला लेप्नी तेमे खोला दुक सि लाङ्सुङ ओ चोवो ङ्यिराङला थर्चीत ङ्यिराङ स्येवेला गाल्सुङ।
26
येसूकी तिवाला सिक्यासुङ ओ तेपा आला मेतुप् टेङ ख्यिराङच्यिला ज्यिवा किवी? तिकी तिङला खो लासुङ तेमे लुङ छ्यार्वा ताङ ग्येम्छोला वोरू क्यासिमा ते लेमू गाल्सुङ ।
27
ति थोङ्नी लोमा तिवा ति छासे हलेवा लानी खो दि च्यिनक मि यिन? लुङ छ्यर्वा ताङ ग्येम्छोकी साङ खोकी ताम ङ्येन्गिनोक।
28
तेमे येसू ग्येम्छो (समुद्र) फर्केन गदरिनीकी मितिवी लुङ्बाला लेसुङ। ति वेला डेकी कुलुप मि मिरा ङ्यी शेप मिला ज्योकुप तुर्सा नेमा थेनी वुङ्यिन किरू ति येसूकी ठेसुङ। तेमे तिवा आला मितिवाला छासे लङ्गुप तक क्यानी सु साङ ति लामला डो मुथुप्नोक।
29
ल्हो तिवीकी बोमु ताम्ला वोरू क्या तेमे ओ चोवो कन्ज्यककी पुज्युङ ख्योरे ति ङ्यिरा मुला काङ तम्जी वोइ? ठिमकी तुजे माछेवाला राङ ख्युरूङ ङ्यिराङला दुक्पा तूरूला लेवु यिन सिनी सिक्यासुङ।
30
ते चालाराङ तिवेला बङी फाक्पातिवा चोयिनोक। ति डेतिवी येसूला गोङ्बा स्युनोक ख्योरे ङियराङ्ला तेनी तोङ्गुप राङ यिन्सिन ङियराङदा ति फाक्पातिवी नाङ्ला शुकच्यी सिनी सिक्यासुङ।
31
ति डेतिवी येसुला गोङ्बा शुनी ख्योरे ङ्यिराङ् फिला तेन तोङ्गुप् राङ यिन्सिन ङ्यिराङ्ला ति फाक्पातिवी नाङ्ला शुक च्यी।
32
तेमे येसूकी तिवाला ग्युक सिक्यासुङ तेमे ति डेतिवा थेन्नी फाक्पातिवि नाङ्ला शुसुङ।शुसिमा ति फाक्पातिवा तेरिक पाम्दक हगी चे नाङ्ला नुम्नी शिसुङ।
33
ति फाक्पा चपतिवा टोगल्नी ग्येसाकी मितिवाला ति तेरिक ताम ताङ डेकि रेकुप् मितिवाला च्युङ्गुप ताम शेसुङ।
34
ति कोनी ग्येसाकी मितिवा तेरिक येसूला ठेतुपला गाल्सुङ येसूला ठेसिमा तिविकी खोला ख्योप्रे लुङ्बा नेसुर ताङ्नी ग्युक सिनी गोङ्बा