लिउ ७
1
मि (इन्साफ) ठिम मिकी2 तेमे ख्यिराङला साङ ठिम
2
मिकिवी च्यिलासिसिन चुक क्यानी इन्साफ ठिम किबे तुक राङ क्यानी कन्ज्यककी साङ ख्यिराङला ठिम मिकिवी ख्यिरे मीला (इन्साफ) चो बिन वोइ कन्जयककी साङ ख्यिराङला तिजोयीराङ तेर्कीतोव।
3
तेमे ख्यिराङ च्यिले दाक्पी (भाई) मिक्ला वोतुप् (परालको टुक्रा) ति थोङ्गिवी तेमे च्यिला ख्योरे मिक्ला वोतुप् दुङ्मा ति मोथोङ्नोक।
4
ख्योरे मिक्ला दुङ्मा नोक सीनि चुक क्यानी (भाई) ख्योरे मिक्ला वोतुप् (परालको टुक्रा) ति ङे थेन तेरूप् सिनी सि थुप्किवी?
5
ओ खोनक्पु! गोमाला ख्योरे मिक्ला वोतुप् दुङ्मा ति थेन तेमे ख्योरे मिक ल्यमु गल्सिमा ख्योरे (भाई) मिक्ला वोतुप् (परालको टुक्रा) ति थेन थुप्कितोव।
6
चेङि वोतुप् ति किला मातेर तेमे ख्यिरे मोतितिवा फक्पी दोङ्ला माक्युर। तुक क्यासिन तिविकी तिला काङ्बी वोक्ला लेप्किवी, तेमे ग्युर्नी ख्यिराङला फेकिवी।
7
लोङ, तेमे ख्यिराङला तेर्किवी। छोल, तेमे ख्यिराला ङ्येकितो। गोला डक डक ग्योप तेमे ख्यिराङ ला गो बेकितो।
8
च्यिलासिसिन लोङ्गुतिवाला तेरिकला तेर्किवी, छोलुतिवा तेरिकला ङ्येकितो, गोला डक डक ग्येकुपतिवाला तेरिक ला गो बेकिवी।
9
ख्यिरे पार्ला सिसाङ ख्यिरे पुज्यङकी शिबाङ लाङसिन तिला दो तेर्किवी र?
10
याङ ङ्या पुज्युङकी (माछा) लाङ्सिन तिला रूल तेर्किवी र?
11
तुक क्यानी ख्यिराङ दुक्टा वोनी साङ रङगी पेजातिवाला च्युक ल्यामु तेर शेकिवी सिनी देवाच्येनला वोतौप् ख्यिरे पापा याङ खोला लोङ्गु तिवाला माङ च्युक ल्यामु मोलोङवी र मि ख्यिराङला चुक किशी सिरूप नोकवे, तुराङ ख्यिराङ तिवाला कि।
12
दि ति मोशाकि ठिम ताङ लुङ्तेम्बातिबी येन्देन यिन।
13
गो टिक्पे नाङ्ला स्यु। च्यिलासिसिन ङ्येलाला क्योलुप गो ति बोमु वोइ तेमे ते डोप लाम ति जोल्हमु वोइ। ते स्युकुप ति मितिवा बाङी वोइ
14
च्यिलासिसिन नाम्साङ मिशिवु मिजीला क्योलुप गो ति टिक्पे ताङ ते डोप लाम ला डोप मितिवा च्यजिक राङ वोइ।
15
(झुटा) लुङ्तेम्बा नेसुर च्याङ्से देता। तिवा फिला ल्हासिन लुक दोके ल्यामु थोङ्गिवी सेम ति ज्यिबा लङ्गुप खटुम दोके गिवी।
16
डेलु ल्हानी तिकी दोङ्बु हाक्कोवु दोके मितीबी किरूप लाका ल्हानी तिवा च्युक किवे सिनी हाक्कोकिवी। चुक क्यानी चाङी दोङ्बी गोला गुन्डुम याङन छेक्यरक दोङ्बी गोला अन्जीर थिवी र।
17
तुक राङ क्यानी दोङ्बु ल्यामुला डाल्बा ल्यामु गोर्किवी, तेमे मेलेबा दोङ्बुला मेलेवाराङ डाल्बा गोर्किवी।
18
च्यिक दोङ्बु ल्यामुला डाल्बा मेलेबा गोर मुथुवि, तेमे दोङ्बु मेलेबाला डाल्बा ल्यामु गोर मुथुवि।
19
तेरिक दोङ्बुला डाल्बा ल्यामु मोर्गोवे, ति दोङ्बु ति च्येनी तेमे मे नाङ्ला क्युर्किवि।
20
तुक क्यानी ख्यिराङ लुङ्तेम्बा (झुटा) तिवी किरूप लाका ल्हानी राङ तिवा च्यिनक मि यिन सिनी ङो शेकिवी।
21
ङला चोवो चोवो सिरूतिवा तेरिक ग्येल्खापला शुक मुथुकिवी देवाच्येनला वोतुप् ङे पापाकी नो ठिमला युकुतिवा तिराङ ग्येल्खापला शुक थुप्किवि।
22
ति ङिमाला आला मिकी सिऊवी ओ चोवो ओ चोवो काङ खोकी ङोला ङिराङ नम्देर वोहोर माक्या र तेमे काङ खोकी ङोला र्रेहेन्डीतिवा मास्यार र तेमे खोकी ङोला आला लाकातिवा बङी माक्यावु यिन र सिनी सिवि।
23
ति बेला ङ वुतुङ के ख्यिराङला ओ ख्यिराङ दुक्टा किरूतिबा! ङे ख्यिराङला ङोराङ मासे। ख्यिराङ ङे चानेमा ग्युक! सिनी सिऊ।
24
तुक क्यानी तेरिक सि ङे ताम ङेगिवे ति ती दो ग्येर्पु थ्वोनी डम्ज्यी रम्बु तिङ्नी ति खाला खाङ्बा जोप रिक्पा वोतुप् मि दोके यिन।
25
तेमे छ्यर्वा ग्येप्नी टोक्पा ग्यम वानि कशेन लुङ ग्येर्पु ग्येप्नी ति खाङ्बाला फोक्सिनाङ ति खाङ्बा ति मारम्नोक च्यिलासिसिन ती खङ्बाला दो ग्येर्पु तिङ्नी ती खाला जोवु यिन।
26
तेमे ङे सुङ कोनी साङ ती दोके मिकिवु ति ती (बालुवा) खाला खोरे खाङ्बा जोप मी अम्बारङ्शिन दोके यिन।
27
तेमे छ्यर्वा ग्येप्नी टोक्पा लेसुङ तेमे लुङ ग्येप्नी ति खाङ्बाला फोक्सिनमा ति खाङ्बा ति रम्नी ना गाल्सुङ।
28
येसूकी ति तेरिक सुङ् सानी सिनसिमा ते वोतुप् मि येन्देन खोकी सुङला हलेवा क्यासुङ।
29
च्यिलासिसिन खोकी यहूदीतिवा दोके माकयानी तेमे तिवाला (अधिकारसहित) ओङ्ज्येन नेमा राङ सुङ