¹ च्याङ्से देता कन्ज्यककी ख्यिराङला किसि सिनी नोक क्कयावु लाका ल्यामुतिवा किरूवेला ख्यिराङ मितीवि मिङ्गाला छ्या देन्दुक माकी देवाच्येन वोतु ख्योरे पापा कन्ज्यक नेमा ख्यरूङला काङ साङ छ्यक्तक मोथोपितोव। ² तेमे ति ख्यिराङ कतुकारला ख्येलुपतिवाला काङ रे च्यिक रे तेरूवेला खोनक्पुतिवी मी नेमा ताङ्देन ङेतुवेला यहूदी छ्योखाङ ताङ लामला कीरू दोके मी मिङ्गाला छ्या मादेन वुतुङ के ङ ख्यिराङला सिऊ तिवाला थोपगोवु छ्यक्तक ति गोमाला राङ तेरिक थोम सिन्नी वोइ। ³ तु क्यानी ख्यरूङ कतुकारला ख्येलुपतिवाला काङ रे च्यिक रे तेरूवेला ख्योरे लाक्पा यावि क्यावु ति लाक्पा येन्बी हाक्का मोकोसिस्। ⁴ ख्योरे कतुकारला (दान) तेरू ति छ्याकला ज्योक तेमे छ्याकला ख्योरे क्यावु लाका थोङगु ख्योरे पाप्पी ख्यरूङला छ्यक्तक तेर्कीतोव।

⁵ ख्यिराङ संदेपूप् बेला खोन्क्पुतिवा दोके माकी तिवा मितीवि थोङ्सीस् सिनी यहूदी छ्योखाङला ताङ मितिवा बाङी युकुप लामकी गारिला लानी संदेपूप् गाकितव हुतुङराङ ख्यिराङला थोपगोवु छ्यक्तक ति गोमालाराङ थोम सिन्नु वोइ। ⁶ तेमे ख्यिराङ संदेपूप् बेला खाङ्बी नाङ्ला गल्नि गोच्येनी छ्याकला वोतु ख्योरे पापाला संदेपूप् कि तुक क्यासिन छ्याकला ख्योरे क्यावु लाका थोङ्गुप ख्योरे पापीकि ख्योरूङला छ्यक्तक तेर्कीतोव। ⁷ तेमे ख्यिराङ संदेपूप् वेला यहूदी मिन्दुपतिवाला दोके पेतेक पेतेक सिनी संदेपूप् माक्यी च्यिलिसिसिन तिवीकी बाङी संदेपूप् ताङ रिङ्बु क्यासिन खोप्रे क्यावु संदेपूप् ति ङ्येगु सिनी नासाम तोङ्गिनोक। ⁸ तेमे तुक क्यानी ख्यिराङ तिवा दोके माकी च्यिलिसिसीन ख्यिराङ लोङ्गुप सिनाङ गोमाला के ख्यिराङला काङ गोकिवे सिनी ख्यिरे पापाला छ्या वोइ। ⁹ तेमे तुक क्यानी ख्यिराङ दुक सिनी संतोप ओ देवाच्येनला वोतु ङ्यिरे पापा खोकी मिन ति चेङि वोसिस्। ¹⁴ च्यिलासिसिन ख्यिराङला दोजो मितिविकि दिक्पाला (क्षमा) बिन्सुङ सिसिन देवाच्येनला वोतुप् ख्यिरे पापीकी साङ ख्यिराङला (क्षमा) तेर्कितोव।तेमे दोजो ख्यिरेकी तिवीकी क्यावु दिक्पा तिवाला साङ ख्यिरेकी (क्षमा) बिन्सिन देवाच्येनला वोतुप् ख्यिरे पापीकी ख्यिराङला (क्षमा) तेर्कितोव। ¹⁵ तेमे ख्यिरेकि तिवी दिक्पातिवाला (क्षमा) माबिनसिन ख्यिरे पापीकी साङ ख्यिरे क्यावु दिक्पाला (क्षमा) मेतेरू मिक्यिऊ।

¹⁶ ख्यिराङ ङ्युङ्ने हुङ्गुप् वेला खोनक्पुतिवा दोके च्ये नाक्पु जोनी मादे च्यिलासिसिन तिवा मितिवाला ङ्युङ्ने हुङ्गुप् छ्या देद्दुपला च्ये नाक्पु जोनी देकिदव। ¹⁷ ङ ख्यिराङला सिऊ तिवी थोप गोवु छ्यक्तक ति गोमाराङ के थोम सिन्नु वोइ तेमे ख्यिराङ ति ङ्युङ्ने हुङ्गुप् वेला खा टुनी खा स्याल्नी गोला नुम कुनि देत। ¹⁸ तुक क्यानी ख्योरे ङ्युङ्ने हुङ्गुप् ति मितिवाला थोङ माच्यीनि छ्याकला वोतुप् ख्यिरे पापीकी थोङ्नी तेमे ति छ्याकला वोतुप् ख्यिरे पापीकी ख्यिराङला छ्यक्तक तेर्कियुऊ।

¹⁹ ख्यिराङ थोक्ला जम्बुलिङला टोङ्बा मासोम मुक्पा ग्यकिवोइ चा छ्यानि नाडिवोइ कुन्जेनकी खुर्नीडिवोइ। ²⁰ बरू ख्यिरा टोङ्बा ति ख्यिरे थोक्ला देवाच्येनला सोम ते मुक्पा साङ मेग्येकुई चा छ्यानी ना साङ मोडोवी कुन्जेनकी साङ खुर्नी मोडोवी ²¹ च्यिलासिसिन ख्यिरे (धन सम्पत्ति) नोके ते ख्योरे सेम त्ये गिवी ²² मिक ति जुवूकि ला कोपी यिन। दोजो ख्यिरे मिक ल्यामु थोङ्सिन ख्यिरे तेरिक जुवु ठछ्येली डिवी ²³ तेमे ख्योरे मिक ल्यामु मोथोङ्सिन ख्यिरे तेरिक जुवु नक्तोमी डिवी। तुक क्यानी ख्यिराङ तानी वोतुप् ठछ्याली ति नक्तुमी गाल्सिन ति नक्तुमी ति चो नक्तुमी डि ताङ।

²⁴ सि साङ ज्यिन्दाक ङ्यिला शब्ज्यी कि मुथुपी च्यिलासिसिन तिकी ज्यिन्दाक च्यिकला ति ङ्यिङ्मार किवी च्यिकला ति ङ्येङ्ज्ये किवी। याङ्न च्यिकला ति ताङदेन किवी च्यिकला ति बेप्किवी ति दोके ख्यिराङ चोवो कन्ज्यक ताङ (धन सम्पत्ति) ङ्यिकारला शब्ज्यी कि मुथुपी।

²⁵ तेमे ङ ख्यिराङला सिऊ ख्यिरे मिजिको कला काङ साप काङ थुङ्गुप् ताङ जुवुकी कला काङ कोन्दुप सिनी पाप् माकी काङ मिजी ति साप सामा सिनाङ कोछ्येवु मिन र तेमे जुवु ति कोन्दुप माज्या सिनाङ कोछ्येवु मिन र ²⁶ नामगी च्येच्युमतिवाला ल्हो! तिबीकी न थोर्कु न ङागु तेमे पङ्ला नाङला दुम्बुप साङ मुदुम्बिवी तिवाला देवाच्येनला वोतुप् ख्यिरे पापीकी राङ तिवाला ल्हेवी। काङ ख्यिराङ ति च्येच्युमतिवा सिनाङ माङ कोछ्येवु मिन र। ²⁷ ख्यिरे पार नेसुर पाप् क्यानी राङगी छे चेजीक काङ रिङ्बु जो थुप्किवी र ²⁸ तेमे ख्यिराङ च्यिला कोन्दुप माज्यि कला पाप् किवी सकी पाके मेन्दोकतिवाला ल्हो चुक क्यानि क्येकिवे तिकी यक साङ मिकिवी माज्याङ साङ मेच्येमुवी। ²⁹ तेमे ङ ख्यिराङला सिऊ छासे ल्यामु ल्यामु माज्या कोन्दुप ग्येल्वु सोलोमोनकी साङ ति मेन्दोकतिवी नाङ ने च्यिक दोके ल्यामु कोन मुथुप्नोक। ³⁰ दोजो हारिङ वोतुप् ताङ साह्ला मेला रेह्कुप् साकी चाला साङ चोवोख्यिराङला कन्ज्यककी तुक क्यानी छ्यानेगिवी ओ तेपा अला मेतुतिबा याङ खोकी माङ छ्यानी म्येगिवी र ³¹ तुक क्यानी ख्यिराङ काङ साप ताङ काङ थुङ्गुप् ताङ काङ कोन्दुप सिनी पाप् माकी। ³² च्यिलासिसिन दिवा तेरिक ति यहूदी मिन्दुपतिवि छोल्गिवी तेमे देवाच्येनला वोतुप् पापाला ख्यिराङला ति तेरिक गोकिवी सिनी छ्या वोइ। ³³ गोमाला ख्यिराङ खोकी ग्यल्खाप ताङ खोकी टेङ्बुला छोल तुक क्यासिन खोकी ति तेरिक ख्यिराङला ग्यप्नी तेर्किवि। ³⁴ तुक क्यानी साली ला पाप् माकी साली पाप् ति सालाराङ क्योङ्गिवी। हारिङ खुर गोवु दुक्पा हारिङ राङ