¹ तेमे येसू (भिडलाई) थोङ्नी पम्दोकला गाल्सुङ तेमे खोकी लोमातिवा खोकी चाला लेसुङ। ² तेमे खोकी मिवाला खा पेनी दुक सिनी लाप्सुङ ³ मोलाम थोपुप यिनो थुला चोवो कन्ज्यकला छोलुपतिवाला च्यिलासिसिन देवाच्येनकी ग्येल्खाप ति तिवी ति यिनो।

¹² ति वेला ख्यिराङ गाकिसा आलाराङ (खुसी) च्यिलासिसिन देवाच्येनला ख्यिराङ छ्यक्तक ग्येर्पु ङेकित। ख्यिराङ सिनाङ गोमाला गालु लुङ्तेम्बातिवाला साङ मितिवी तुक राङ क्यानी दुक्पा बिन्सुङ।

¹³ ख्तिराङति जम्वुलिङकी छा यिन तेमे छाकी छेटोक तोर्सिन चुक क्यानी दिला छाटोक जवाजा र? तिला कोमेछेवु गाल्सीमा फिला पाङ्ला क्युर्नी मि काङ्बी वोक्ला लेपुप ति क्या यिन। ¹⁴ ख्यिराङ दि जमाबुलिङकी (ज्योती) यिन पम्दोकला वोतुप ग्येसा ति नाम्लाङ बानी ज्यक मुथुवोई। ¹⁵ सि साङ कोपी च्येनी शोमगी वोक्ला मोज्योकिवोइ दिनी खाङ्बी नाङ्ला मितिवा तेरिक थोङ्गुप दाशाला ज्योकिवोइ तुक क्यासिन खाङ्बी नाङ्ला वोतुतिवा तेरिकला ठछ्येली थोङ्गित। ¹⁶ ति दोके ख्यिराङ (ज्योती) ति मितिवी पार्ला चिप्ला ग्यक च्यिनी तिवी क्यिरे क्यावु लाका ल्यामु थोङ्नी देवाच्येनला वोतुप ख्यिरे पापा कन्ज्यकला सोवा देक च्यित।

¹⁷ ख्यिरे ङला मोशाकी ठिमतिवा ताङ लुङ्तेम्बातिवी लापुप तामतिवा नातोगुपला लेपुप सिनी नासाम मातोङ ङ तिला नातोगुपला मिन तिवा तेरिक (पुरा) सिना किरूप लेपुप यिन। ¹⁸ वुतुङराङ ङ ख्यिराङला सिऊ देवाच्येन ताङ जम्बुलिङ तोर्नी मागुल्बु साक्ला ति ठिमला वोतुप छिक च्यिक साङ मातोर्बा तेरिक छेकिवोइ। ¹⁹ तेमे ति सि खोरूङ साङ दि ठिमला वोतुप तेरिक सिना टिक्पे दिला माङ्गेन्बा मि याबातिला साङ तुकराङ किरूप लोप्कितोव तीला देवाच्येनकी ग्येल्खापला तेरिक सिनाङ छ्युङा सिनी सितोव सि खोरूङ साङ दि कतिवाला ङ्येन्नी मि याबातिवाला तुकराङ किरूप लोप्कितोव तिला देवाच्येनकी ग्येल्खापला छ्ये सिनी सितोव। ²⁰ तुक क्यानी ङ ख्यिराङला सिऊ ख्यिराङ ति फरिसी छोक्पाकी मितिवा ताङ यहूदी छ्योकी गेकेतिवावी सिनाङ माङ टेङ्बु मेसुङ सिसिन देवाच्येनकी ग्येल्खापला शुकुप मेङ्येतोव।

²¹ तोङ्ला (समयमा) चोवो कन्ज्यककी दुक साबु कोदुथेङ मि माशे सि मी सेतुपतिला ठिम फोकितोव ²² ङ ख्यिराङला सिऊ दाक्पी उज्युनुपतिपा तानी ङ्येर्मा किरूकी ज्येन्गी ठिमला फोकितोव तेमे दाक्पी उज्युनुपतिवाला कोमेछेबु सिवे तीला ठिम्खाङला क्योल्गिवी तुकराङ क्यानी दाक्पी उज्युनुपतिवाला अम्बारङ्शिङ सिवे ति दि ङ्याल्बाकी मे नाङ्ला शुकुगोकितोव। ²³ ति तप्की दोजो ख्युरूङ कोन्ज्यकला ब्ल्वा बुलुप वेला ख्योरे तेन्दोकला ङ्यिर्मु लङ्गुप ताम नासाम शार्सुङ सिसिन ²⁴ ख्योरे बुल्वा ति बुलुप दाशाला राङ ज्याक्नी गोमाला ति उज्युनुपतिवाला गल्नी तिवी मुलाप क्यि तेमे ति ज्युक्ला लोङ वानी कन्ज्यकला बुल्वा पुल। ²⁵ ख्युरूङला क्येन तेरूप मि ताङ मुलाप क्यि ठिम्खाला डोप वेला लामला राङ तिकी मुलाप क्यि।मिसियाङ तिकी ख्युरूङला ठिम तोङ्गुप तिला च्याक तेर्कीतोव तेमे ति ठिम तोङ्गुप तिकी ख्युरूङ्ला (अधिकारी) लाक्कला च्याक बिनी चोन्खाङ्ला उप्नी ज्यकितोव। ²⁶ वुतुङराङ ङ ख्युरूङला सिऊ ख्योरे डेवा च्यिक साङ मालुवा क्यानी ख्युरूङ ति चोन्खाङ नेसुर थेन मुथुप्तोव ।

²⁷ तेमे तिविकी दुक सिक्यावु ति कोनोक श्याम्डेन माकी ²⁸ तेमे ङ ख्यिराङला सिऊ पुम्पेजाला श्याम्डेन किरूप नोनी ल्हेवोइ तिकी गोमाला के ख्योरे सेमला श्याम्डेन क्यावु यिन। ²⁹ तेमे ख्योरे यावी थाकाकी मिककी ख्युरूङला दिक्पा किज्यिन वोसिन तिशमिक ती थेन्नी क्युर।ख्योरे तेरिक ङयाल्वाला लुगु सिनाङ जुवुकि येन्लक च्यिक मेतु राङ ल्यामु यिन। ³⁰ तेमे ख्योरे लाक्पा यावी ख्योरूङला दिक्पा किज्यिन वोसिन तीला च्येनी क्युर ख्योरे जुवु तेरिक ङयाल्वाला लुगु सिनाङ जुवुकी येन्लक च्यिक मेतु राङ ल्यामु यिन।

³¹ तेमे ख्योरे पेर्मीला क्युर्नी ज्योकिन वोसिन तिकी ति पेर्मीला टालुप यिगी टिनी तेर गोकिदव सिनी टिवु वोइ ³² तेमे ङ ख्यिराङला सिऊ स्याम्डेन क्यावु मिसिन ख्योरे पेर्मीला क्युर्नी ज्योकिन मज्यागु तिकी पेर्पीला स्याम्डेन की किरूप यिन तेमे क्युर्नी ज्यकुप पुम्पेजाला जेन्दी किवोइ सिसिन तिकी साङ स्याम्डेन क्यावु राङ यिन।

³³ तोङाला मोशाकी ठिमला ख्यिरे हङ्गातिवाला ख्योरे जिनोक जोनी न माकायोल तेमे चोवो कन्ज्यकला न क्यालुप ति तेरिक की। ³⁴ तेमे ङ ख्यिराङला सिऊ न किरूङ माक्यी देवाच्येनकी मिङला साङ न माक्यी च्यिलासीसिन ति ती चोवो कन्ज्यककी ग्येल्ठिक यिन।

³⁵ तेमे जम्वुलिङकी मिङलल साङ न माक्यी च्यिलासिसिन ति ती कन्ज्यककी ख्योरे (पाउदान) ज्यकुप दासा यिन यरूसलेमकी मिङला साङ माक्यी च्यिलासिसिन ति ग्येल्वु कन्ज्यककी ग्येसा यिन।

³⁶ ख्योरे गोला साङ न माक्यी च्यिलासिसिन खिराङ दाक्पी राह करमु जिगाङ नक्पु जोमुथुवोइ ³⁷ ख्यिरे ताम्ङने ति यिन्सिन यिन मिन्सिन मिन तोजोयी तिराङ सि। ति सिनाङ ल्हक्पा लापुप ति दुक्टा नेमा लेवु यिन।

³⁸ तिवीकी दुक सावु कोनोक मिककी थोक्ला मिक ङ्येन लङ्गुप साकी थोक्ला सा ङ्येन लङ्गुप ³⁹ तेमे ङ ख्यिराङला सिऊ ख्यिराङला मेलेवा किरूपतिवाला काङ साङ ङयेन मालाङ सि ख्योरे डावा यावाला लिसिन तिला येन्बा थाकाकी डावा साङ सेनी बिन। ⁴⁰ तेमे सिसिङ ख्योरे तेन्दोकला लानी ठिम्खाङला शुवा ग्येप्नी ख्योरे तेतुङ ठकुप छोल्सिन तिला ख्योरे छ्योवा तिङ बिन। ⁴¹ तेमे सिसाङ ख्योरूङला तिकी तानी किलोमिटर च्यिक डप सिनी वुच्युर्म ग्यप्सिन तिकी तानी किलोमिटर ङ्यी साक् ग्युक।ख्योरूङ तानी लोङ्गुपतिवाला बिन ⁴² तेमे ख्योरूङ तानी छ्यावा किरूतिवाला छ्यावा मेतेरू सिनी मासि।

⁴³ तेमे ख्योरे युल्वातिवाला ङ्यिङ्ज्ये की डतिवाला ति ङ्यिङ्मार की सिकायावु ति तिवीकी कोनोक। ⁴⁴ तेमे ङ ख्यिराङला सिऊ ख्यिरे डतिवाला ङ्यिङ्ज्ये की ख्यिराङला दुक्पा तेरूपतिवाला मोपार की। ⁴⁵ तुक क्यासिन ख्यिराङ देवाच्येनकी वोतुप कन्ज्यककी पेजातिवा च्युङ्गितोव च्यिलासिसिन कन्ज्यककी मि ल्यामु ताङ मेलेवा ङ्यिकारला ङिमा स्यार ज्यिकितोव तेमे मि टेङवु ताङ मेटेङ्वु ङ्यिकारला छ्यार्वा ग्यक ज्यिकितोव ⁴⁶ तेमे ख्यिराङला ङ्यिङ्ज्ये किरूतिवाला तिराङ ख्यिरा ङ्यिङ्ज्ये किऊ सिसिन ख्यिराङला काङ छ्यक्तक थोप्किवोई र काङ से दुतुपतिबी साङ तुकराङ मिकिऊ र ⁴⁷ ख्यिराङ रङगी उज्युनुकतिवाला तिराङ ताङ्देन किवोइ सिसिन ख्यिराङ मी सिनाङ माङ काङ ल्येमु वोइ र काङ यहूदीतिकी साङ तुकरिङ मिकीवोइ र। ⁴⁸ तुक क्यानी देवाच्येनला वोतुप ख्यिरे कन्ज्यककी तेरिक टेके वोतुप दोके ख्यिराङ साङ तेरिक टेके राङ