¹ तेमे ति ज्युक्ला कोन्छ्योककी थु चेङीकी येसूला शैतान नेमा खोक्पा ल्हाप्ला ख्येल ज्यितुपला दासा पाङ्थेरीला टिनी गाल। ² ते येसू ङिमा खाल ङ्यी ताङ नुप खाल ङ्यी देसीमा खोला ल्हावा लानोक। ³ ते वेला खोक्पा ल्हाप शैतानती खोकी चाला लेसुङ् दोजो ख्युरूङ कोन्छ्योककी (पुत्र) यिन्सिन दी दोतिवाला सिबाङ डोशीस सीनि सी सिनी सिक्यासुङ। ⁴ तेमे येसूकी तिला दुक सासुङ मितिवा सिबाङकी क्या मार्थारू यिने कोन्छ्योककी सुङगुप तेरीक सुङला ङ्येन्नी क्या थार्क्यु सिनी कोन्छ्योककी टिवु वोइ। ⁵ तिकी तिङला शैतानकी खोला यरूसलेमला टिनी गल्नी ल्हाङाङकी गोला ज्यासुङ देच्यिनकी थुक सिक्यासुङ। ⁶ दोजो ख्युरू कोन्छ्योककी पुत्र यिन्सिन देमा थुला छ्योङ्बाल ग्योप कोन्छ्योककी सुङला दुक सिनी टिवु वोई कोन्छ्योककी ख्योरूङ थोक्ला देवाच्येनकी लेन क्योलुला थुतिवाला क नङ्गिदव तेमे तीवी ख्युरूङला खोप्रे लाक्पाला जेनी ख्योरूङ काङ्बा दोखाला लुम मिज्यिऊ। ⁷ तेमे येसूकी तिला सिक्यासुङ कोन्छ्योककी सुङला दिनक टिवु वोई ख्योरे चोवो कोन्छ्योकला खोक्पा माल्हा।

⁸ लोङराङ शैतानकी खोला री थेन्बुला टिगल्नी जम्बुलिङकी तेरीक ग्येल्खापतिवा ताङ ति ग्येल्खापतिवाला वोतुप डछ्यावुतिबा छ्या तेनी ⁹ ख्योरूङ शावा क्यासिन ङ दी तेरीक ख्योरूला तेर्क्यु सिनी सिक्यासुङ। ¹⁰ तेमे येसूकी तिला शैतान ख्युरूङ ग्युक च्यिलासिसिन कोनूछ्योककीसौङला दुक सिनी टिवु वोइ ख्योरे चोवो कन्छ्योकला तिराङ सोवा तेक खोला तिराङ शब्ज्यी पुल। ¹¹ तेमे शैतानकी येसूला ताङ ज्याक्नी गाल्सुङ गाल्सिमा देवाच्येनकी लेन क्योलुप थुतिवा ल्येपनी येसूला सब्ज्यी पुल्सुङ।

¹² तेमे युहन्नाला जिम्सुङ सिरूप कोनी येसू गालिल लुङ्बाला लक्नी लेसुङ। ¹³ तेमे खो नासरतला क्युर्नी ज्याक्नी कफर्नहुमला गाल्सुङ ते राङ देसुङ ति कफर्नहुमला ति जुब्लुन ताङ नाप्ताली लुङ्बाला वोतुप गालिल (समुद्र) चाला ख्येल्गिनोक। ¹⁴ दी ति गोमाला कोन्छ्योककी लुङ्त्म्बा यशैयाकी तुक सिक्यावु ताम्ङे छेवुला यिन। ¹⁷ ती वेला नेज्युनी येसूकी ख्यिराङ दिक्पा ने सेमस ग्युर च्यिलासिसिन देवाच्येनकी ग्यल्खाप चिक्ला राङ वोइ।सिनी मितीवाला सूङ ख्याप्टाक कितुप गो चुसुङ ।

¹⁸ तेमे येसू गालीलकी (समुद्र) गारी नेमा डोईवोदतुप वेला पत्रुस सिरूप ताङ तिकी नुप अन्द्रियास ति (समुद्र) नाङ्ला जाल क्युरिन वोतुप थोङ्सुङ। ¹⁹ तिवा ति ति ङ्या जिम्बुप मितिवि यिनोक। तेमे खोकी तिला ख्यिराङ ङे तिङ्ला तिङ्यो।तेमे ङ ख्यिराङला ङ्या जिबु मिईन मितीवा जिम्बु जेयोक। ²⁰ खोकी तुक सासीमा तिवा पिन ङिकार ङ्या जिबु जालतिवा क्युर ज्क्यानी खोकी तिङ्ला तिङ यासुङ।

²¹ तेमे खो तेसुर डोई वोदु वेला जब्दियाकी पुज्युङ याकूब ताङ तिकी नुप यूहन्ना पिन ङ्यी खोप्रे पापा जब्दियाकी मुला टि नाङ्ला देनी जाल ल्हेन्दा किईवोदु थोङ्सुङ। तेमे खोकी तिवालाङ् कताङ्सुङ। ²² तेमे तिवा खोप्रे पापा ताङ टु ति तेराङ क्युर ज्याक्नी येसूकी तिङ्ला तिङ्यासुङ।

²³ येसूकी गालिल लुङ्बाला तेकि कोरा ग्याकिन सिरा यहूदी छ्योखाङला सुङ लाप नङ्गुप ताङ कोन्छ्योककी ग्यलखापकी कोर्ला लेन ल्यापु ख्याप्टाक कियी नावु बङीकी नेर्पातिबा ताङ अमोछ्योवुतिवा तेरिकला टेक च्यिसुङ। ²⁴ तुक क्यानी सिरियाकी लुङवाला तेरिकला येसूकी कोर्ला ताम्ने टाम्सुङ। तेमे मितीवा नेर्पु नाबु बङीतिवा ताङ छासे सुक कितुपतिवा ताङ त्ये ग्यपुपतिवा ताङ जाललावुतिवा ताङ काङ्बा लाक्पा शोरूपतिवा तेरिकला खोकी चाला टि वासुङ।तेमे खोकी तिवा तेरिकला टेक च्यिसुङ। ²⁵ तुक क्यानी गालील लुङ्बा ताङ डेकोपोलिस ग्येसा ताङ यरूशलेम ग्येसा ताङ यहूदिया लुङ्बा ताङ यर्दन फार्केन नेज्युन मि मङ्मु आला खोकी तिङ्ला