लिउ ३
1
ति बेला बप्तिस्मा तेरूप यूहन्ना ति यहूदियाकी दाला पाङ्थेरीला दुक सिनी मितिवाला ख्याप्टाक क्यासुङ
2
ख्यिराङ दिक्पा ने सेम ग्युर च्यिलासिसिन कोन्छ्योककी ग्येल्खाप चिप्ला राङ वोइ
3
च्यिलासिसिन दि मी तिकी कोर्ला गोमाला के कोन्छ्योककी लुङ्तेम्बा यशैयाकी दुक सिक्यावु वोइ दासा पाङ्थेरीला मि दक्पुज्यिकी दुक सिपी वोरू देन्गिवी चोवो कन्छ्योककी खोकी लाम थाका जो।
4
युहन्नकी (उँटको) पुनेसुर जोवु मज्या कोन्गिनोक केल्दाङ्ला ति क कि करा च्यिङ्गिनोक।तिकी (सलह र वन मह) सेनोक।
5
तेमे मितिवा यरूशलेम ताङ यहूदियाकी तेरीक दासा ताङ यर्दन (नदी) नेमा युहन्नकी चिप्ला वानोक।
6
ते तिवी खोप्राङ दिक्छेन यिन सिनी ग्युर्सा लेन्सिन युहन्नाकी तिवाला यर्दन (नदी) नाङ्ला बप्तिस्मा बिन्सुङ।
7
ते फरिसी ताङ सदुकी मितिवा बाङी बप्तिस्मा लङ्गुपला लेवु थोङ्नी युहन्नकी तिवाला दुक सिनी वोरू तेन्सुङ ओ रूल च्यप्रूक दोके दुक्टा वोतुपतिबा बुङ्गुप छालुप कोन्छ्योककी (क्रोध) नेसुर टो सिनी ख्यिराङ्ला सी सिक्यासुङ?
8
ख्यिराङ दाक दाक्पी दिक्छेन यिन सिनी सेम ग्युर्नी कोन्छ्योकला वावु यिन्सिन तिकि पङ्बु ति छ्या तेन।
9
तेमे ख्यिरा सेम्ला आब्राहम ति दाक्पी पाप्पगावा यिन सिनी नासाम मातोङ च्यिलासिसिन कोन्छ्योककी दि दोतिवाला साङ अब्राहमकी गिपा जो थुप्किदव।
10
तन्दाराङ दोङ्बी स्यापला तेरी ख्योल्नी सिनु वोइ तेमे डल्वा ल्यामु मोगोरूप दोङ्वुतिवा रे रे च्येनी मेनाङला क्युर्किदव।
11
ङराङ ख्यिराङला दिक्पा ने सेम ग्युरूपकी थोक्ला छ्यु थ्वोनी बप्तिस्मा तेरिन ल्येवु हिन ङे तिङ्ला फेपुप ति ङ सिनाङ ओङ छ्येवु वोइ। तुक क्यानी ङराङ खोकी शप्चे साङ खुरू छ्योवु मे।खोकी ख्यिराङला चेङी जोपला कोन्छ्योककी थु चेङी याङ मे थ्वोनी बप्तिस्मा तेर्क्यु।
12
खोकी लाक्ला ग्यालुक वोइ तेमे खोकी चेगाङ जोनी टतिवा टाप्नी डुमातिवा ति पङाङ नाङला लुकिदव पुजितिवा ति नाम्साङ मिसिवु मे नाङला लुकिदव।
13
ति वेला येसू यू श्ना नेमा बप्तिस्मा लाङ्गुला गाली नेसुर यर्दन (दनी) लेसुङ।
14
तेमे युहन्नाकी येसूला क्येक्नी गेकेनकी ङला बप्तिस्मा तेर गोवुहिन च्यिला गेकेनकी ङे नेसुर बप्तिस्मा लाङ्गुला लेवु यिन सिनी सिक्यासुङ।
15
येसूकी तन्दा ति दुकराङ कि च्यित दाक्पी दुक राङ क्यानी यूहन्नाकी येसूला बप्तिस्मा तेरू ङ्येन्सुङ।
16
खोकी बप्तिस्मा लानी छ्यिनाङनेमा थेन्सिमा खोला देवाच्येन पेसुङ तेमे कोन्छयोककी थु चाङ्मा ति गम्देर दोके क्यानी खोरे खाला पापुप ति खोकी थोङ्सुङ ।
17
ति वेला देवाच्येन नेमा ति दी ङे ङ्यिङ्ज्येवु पुज्युङ यिन ङ दितानी गालानीवु वोई सिरूप वोरू ज्यीक