लिउ २
1
ग्येल्बु हेरोदकी घ्येला कतुप पेला येसू यहूदिया लुङ्बाकी बेथलेहेम युलला क्येनोक।ती वेला सरकी थाका नेमा कर्मा ल्हानी चि कोरूपतिवा यरूशलेमला वानी मितिवाला सिनी टिसुङ
2
यहूदितिवी ग्यल्वु क्येवु ति ङयिरा खो क्येकिवी सिनी छ्या देन्दुप कर्मा ति शरकी थाकाला थोङ्नी खोला शावा कितुपला वायिन
3
ति ताम्ङे थोसिमा ग्येल्वु हेरोकी सेम ति छासे तेमे यरूशलेमकी तेरिक मितिवा साङ दुकै राङ गाल्नोक।
4
हेरोदकि तेरिग् क्षोने गेर्पु ताङ् क्षोला खामु हतुप् मेतिबाला रुनि “क्येक्यु सिक्याबु ख्रीष्ट ति खेनि वे?” सिनि टिसुङ्।
5
तिबिकि खोला “यहुदियाकि बेथलेहेमला क्येक्यु च्यिले सिसिन् लुङतेम्बातिबि तुक् सिनि टिनि वे,
6
तेमे यहुदाकि लुङ्बाला, ओए! बेथलेहेम, यहुदाकि ओङ्ज्येन क्यिरुप् तिबा सिनाङ् ख्योरुङ खाङ् ठा मेत्, च्यिले सिसिन् ख्योरुङ् नेसुर ओङ्ज्येन् क्यिरुप् मि ज्यिक् गित, तिकि ङे मि इस्राएलला ल्हेत ।" सिनि सिनि सिक्यासुङ् ।
7
ती थोसिमा हेरोदकी ति कर्मा ल्हानी चि कोरूपतिवाला छ्याकला काताङ्नी ति कर्मा ति चो वेला थोङसुङ सिनी टिसुङ।
8
तेमे हेरोदकी तिवाला दुक सिनी बेथलेहेमला ताङ्सुङ ख्यिराङ गाल्नी ति आङा ति लेमो क्यानी छोल तिला ङ्येसिमा ङला लेन खूरनी श्यक ङाङ गाल्नी तिला श्यावा क्यिउ।
9
तेमे तिवा ग्येल्वी ताम्ङे खोनी गाल तिवा डोईकितुप वेला श्यारकी थाकाला थोङ्गुप ति क्र्जेङ् ति तिवी थोङ्सुङ। ति क्र्जेङ् तिवि गोमा गोमाला गाल्नी आङा क्येवु दासाला देसुङ।
10
तेमे ति क्र्जेङ थोङ्सिमा तिवी सेम्ला गालानोक।
11
तिवा ति खाङ्बी नाङ्ला स्युनी आङा ति माअमा (आमा) मरियमि तितानी वोतोप थोङ्सुङ तेमे ति आङाला स्यावा क्यासुङ। तेमे खोप्रे खुरूप तेर्गाम खपनी से ताङ टि जङ्बु खाप पो ताङ मुर्र ति आङा (सुन सुगान्धित धूप र मूर्र) क्येका पुल्सुङ।
12
तेमे तिवाला मिलामला ग्येल्वु हेरोदकी चालालोक्नी माडो कोन्छ्योककी सावु वाथेउ ङ्येसिमा तिवा राङसा लाम्लानेसूर राङ राङीगी लूङ्वाला लोक्सुङ।
13
तेमे तिवा लोक्नी गल्सिमा चोवोकी लेन क्योलुप थु योसेफकी मिलामला दुक सिक्यासुङ खक्लो आङा ताङ आङी माअमाला टिनी ख्योरूङ मिश्र लुङ्बाला टोनी ग्युक ङेकी सिमाक्यावु सक ख्यिराङ तेराङ दे च्यिलासिसिन हेरोदकी ति आङाला सेतुपला छोलीन वोई।
14
तेमे योसेफ लानी ति नुप्लाराङ आङा ताङ आङी माअमाला टिनी मिश्र लुङ्बाला टोनी गालसुङ।
15
गाल्शिमा मासिवातिवा तेराङ देसुङ दिती ङे पुज्युङला मिश्र लुङ्वा नेसुर कताङुहिन सिनी कोन्छ्योककी खोरे लुङ्तेम्बा नेसूर सुङ्गुप छेवुला यिन।
16
कर्मा ल्हानी कोरूपतिवि खोरूङला जुन्कजोवु हाक्कोनी ग्येल्वु हेरोद ङेर्मा क्यासुङ तेमे तेकी कर्मा ल्हानी कोरूपतिवी नेमा हाक्कोवु तुजे नेसुर बेथलेहेम ताङ ति युलला (क्षेत्र) वोतुप पुज्युङतिवा तेरिक सेच्यिसुङ।
17
तुक क्यानी कोन्छ्योककी लुङ्तेम्बा यर्मिया नेसुर दुक सिनी सुङ्गुप सुङ ति छेसुङ
18
रामाला ङुप्राङ ताङ सेम्दुक लावु वोरू थोसुङ ते राहेल खोरूङ आङातिवी थोक्ला ङुसुङ तेमे तिकी टोङ्गु साङ माङ्येन च्यिलासिसिनतिवी आआङातिवा ति मालुनोक।
19
तेमे हेरोद शिसिमा योसेफकी मिलामला चोवोकी लेन क्योलुप थु यि छ्यर्नी दुक सिक्यासुङ
20
खोक्लो। तेमे आङावताङ आङी माअमाला टिनी इस्राएल लुङ्बाला लोङ ग्युक च्यिलासिसिन आङाला सेतुप छोलुपतिवा सिनी सिन्सुङ ति कोसिमा
21
योसेफ लानी आङाताङ आङी माअमला टिनी इस्राएल लुङ्वा लेसुङ।
22
यिनी हेरोदकी दासाला तिकी पुज्युङ अर्खिलाउसकी याहूदिया लुङ्वाला ग्येला (शासन) किनोक सिरूप कोसिमा योसेफ ते डला ज्यिवा क्यासुङ। तेमे याम्बा मिलामला कोन्छ्योककी सुङगुप ति ङ्न्नी गालील लुङ्वाला गाल्सुङ।
23
तेमे तिवा नासरत सिरूप ग्येसाला गल्नी ते देसुङ तुक क्यानी कोन्छ्योककी लुङतेम्वा नेसुर सिनी सुङगुप सुङ ति