लिउ १८
1
तिराङ तुज्येला येसुकि लाेप्टुकतिवा येसुकिचाला लेम्नि सिक्यासुङ, “देवाचेनकि ग्यालखापला तेरिक सिना बाेबाे सु हिन?”
2
येसुकि दाक्पि चाला मिराचिक पेजाला का ताङ्निते ति पेजाला तिविकि पार्ला ज्याकसुङ,
3
तेमे सिक्यासुङ, “हुतुङराङ ङा खिराङ्ला सिउइ, खिरेकि (पश्चताप) क्यानिते दि पेजादगेराङ मावबु साक, खिराङ ज्येन चिन्दिङ (रिति) कि देवाचेनकि ग्यालखापला स्युक मुथुउइ ।
4
तिकि किसाला, सिकि दि पेजा टिक्पेकि दगे दाक्पुला ज्यापु जेउइ, ति मिराङ देवाचेनकि ग्यालखापला तेरिक सिना बाेबाे गिउइ ।
5
तेमे सिकि ङे मिनला दिनक मिराचिक पेजाला (अपनाउछ), तिकि ङाला (अपनाउछ) ।
6
तिजाेला ङाला माेवा किरु दि पेजातिवाला सिकि मिराचिक्ला क्याजिक दिक्पा कि जिक्यु, तिकि जिङ्बाला बाेबाे दाेचिक काल्निते तिङ्मु चङ्बुला क्युरु ल्यामु हुङु नक ।
7
(कठिनाइ) तुज्येकि किसाला दि (संसार) ला धिकार! चिला सिसिन दिनक तुज्ये हुङ गाेबु वाइ, तिजाेला ति मिला (धिकार) ति नेसुर दिनक तुज्ये गिउइ!
8
हुतुङराङ ख्यरे लाक्पा मिनसिनाङ काङ्बिकि ख्याेरुङला दिक्पा कि जिक्यु सिसिन, तिला तुम्निते ख्याेङ नेसुर थारे क्युर । लाक्पा ङिकार ताङ काङ्बा ङिकार वनि ते नाम्लाङ मिसिबु मे नाङ्ला क्युरु सिना (लुलाे) मिनसिन युग मुथुबु वनिते मिजिरिङ्ला श्युगु ख्याेरुङ्ला ल्यामु गिउइ ।
9
हुतुङराङ ख्यरे मिगिकि ख्याेरुङ्ला दिक्पा कि जिक्यु सिसिन, तिला थेन, तिला ख्याेङ नेसुर थारे क्युर । ङिकार मिक वनिते नाम्लाङ मिसिबु मे नाङ्ला क्युरु सिना मिक चिक खुर्निते मिजिरिङ्ला श्युगु ख्याेरुङ्ला ल्यामु गिउइ ।
10
हाेसियार) देत, दि टिक्पे मि तिवाला सिकिसाङ (र्घिणा) माकि । चिला सिसिन ङा खिराङ्ला सिउइ, देवाचेनला तिविकि (दुत) तिविकि नाम्लाङ ङे पापिकि च्याङा ल्हेउइ सुदि देवाचेनला वाइ ।
11
चिला सिसिन येसु ताेरु मि तिवाला छाेल लेबु हिन ।
12
ख्यिराङ काङ सेम किउइ? हुतुङराङ लाला मितानि डुमा ग्या लुक वाइ, तेमे तिकि नाङ्ला दक्पुचिक ताेर्नक क्यासिन, काङ तिकि ति (उनान्सय) लुक तिवाला गाङचिगि नामुला ज्याङ्निते ति ताेरु तिला छाेल माेडाेउइ?
13
तेमे हुतुङराङ ङा खिराङ्ला सिउइ, तिकि ति ताेरु लुकला ङेनक क्यासिन, तितानि वदुति (उनान्सय) लुक सिना साङ ति दक्पु चिक्ला अाला गा किउइ ।
14
तुकक्यानिराङ, दि मितिवा दक्पुजिगाङ मिसिसित सिनि नामाेडाेसित सिनि देवाचेनला वदु खिरे पापिकि सेमकिउइ ।
15
ख्यरे नुगिकिकि ख्यरे (बिरुद्व) ला दिक्पा किउइ सिसिन, ग्युक, चिकराङ ठेनिते तिला तिकि (गल्ति) छ्या तेन बिन । हुतुङराङ तिकि ख्यरे ताम ङेन्नक क्यासिन, ख्यरेकि दाक्पि नुकला ङेक्युइ ।
16
तिजाेला तिकि ख्यरे ताम मेङेननक सिसिन, ज्येन मिराचिक मिन्सिन मिरा ङि नुकला दाक्पुतानिराङ टि ग्युक, चिला सिसिन मिराङि या मिरासुम्गि (साक्षि) कि तामनेसुर तेरिक छिक हुतुङ्किराङ वसित ।
17
तिजाेला तिकि तिविदिङ तामाङ ङेदुङ मेङेन्नक सिसिन, दि (बिषय) जाेम्खाङकि मितिवाला सेत । हुतुङराङ तिकि जाेमखाङकि मितिविकितिङ ताम मेङेदुइ सिसिन, ति ख्यरेलागि यहुदि मेदु मिन्सिन (कर) लाेङु दगेराङ वसित ।
18
हुतुङराङ ङा खिराङला सिउइ, चिन काच्येतिवा ख्याेरुङ जाम्लिङ्ला टागुइ, ति देवाचेनलाङ टागुइ । तेमे चिन काच्येतिवा ख्याेङ जाम्लिङ्ला श्यिगुइ, ति देवाचेनलाङ सिगुइ ।
19
हारुङाङ ङा खिराङला सिउइ, तजाे खिरे नाङ्ला मिरा ङिकि तिविकि लाङु चिनदिङ काच्येला दि जाम्लिङ्ला सेबा रिगुइ सिसिन, देवाचेनला वदु ङे पापा नेसुर तिविकि लागि ति किउइ ।
20
चिलासिसिन केन मिरा ङि मिनसिन मिरा सुम ङे मिनला जाेम्ग्यु, ङा तिविकि पार्ला हुङु ।
21
तेमे पत्रुस लेम्निते येसुला सासुङ, “चाेवाे, ङे नुगिकि ङे खाला खेप चाे दिक्पा क्यासिनाङ ङेकि तिला ताङ तेरुजा? काङ खेप दिन?”
22
येसुकि तिला सिक्यासुङ, “ङा ख्याेरुङला खेप दिन सिनि मिसिउइ, (सत्तरि) दुम्बा खेप दिन शाक ।
23
तिकि किसाला, देवाचेनकि ग्यालखापला दिनक चिक ग्याल्बु तानि (तुलना) किथुक्युइ, सिकि दाक्पि यक्पु तिवा तानि दाक्पि (हिसाब) रिगु सेम क्यासुङ ।
24
तजाेला तिकि (हिसाब) लाङु ज्युसुङ, यक्पुजिक तिकि गमाला टि लेसुङ ग्याल्बुला तिला (हजार) च्यु सेरकि (सिक्का) ज्यालगाेबु
25
नक । हिनसिनाङ ति यक्पु तानि (हिसाब) रिगु काङ जुक्ति मेदुकि किसाला, तिकि ज्यिन्दाककि तितानि तिकि पेर्मि, तिकि पेजातिवाताङ तेरिक काच्ये चनि ति छ्यावा च्याेल सिनि सासुङ ।
26
तिकि किसाला, ति यक्पुकि श्यावा किइदाङ तिकि गामाला खाैतङमा श्यावा क्यासुङ, तेमे सासुङ, 'ज्यिन्दाक, ङाला गुनाङ, तेमे ङा ख्याेला तेरिक ज्येल्ग्यु ।'
27
तिकि किसाला, ति यक्पुकि ज्यिन्दाक (दया) कि क्याङुकि किसाला ज्यािन्दाककि तिल ताङनि बिनसुङ तेेेमे छ्याबा ज्येल मागाेबु जाेसुङ
28
तजाेला ति यक्पु फिला गाल्निते तिकि दाक्पि (सहकर्मि) यक्पुचिक ठेसुङ तिकिदि तिलाला (दिनार) ग्या ज्येल गाेबु नक । तिकि तिला जिम्सुङ, जिङ्बाला जिम्सुङ, तेमे सासुङ, 'ख्यरेकि ङाला काङ ज्येल गाेबु वाइ, ति हाे च्येल ।'
29
तजाेला ति यक्पुकि टिमुङ चुनि तिला (बिन्ति) क्यासुङ, 'ङाला गुनि नाङ, तेमे ङा ख्याेरुङला तेरिक छ्याबा ज्येल्ग्यु ।'
30
तजाेला ति माङेन, गाल्निते छ्याबा मेज्येलु साक तिला (झ्यालखाना) ला लुङ्बिन्सुङ ।
31
तजाेला तिकि ज्येन (सहकर्मि) यक्पु तिविकि काङ वबु नक ति थाेङ्सुङ, तिवा अाला (निरास) वसुङ । तिवा लेसुङ, काङ वबु नक ति तेरिक तिविकि ज्यिन्दाकला शा बिनसुङ ।
32
तितिङ्ला ति यक्पुकि ज्यिन्दाककि काताङ्निते सासुङ, 'ख्याेङ दुक्टे यक्पु, ख्यरेकि ङाला (बिन्ति) क्याबुकि किसाला ङेकि ख्यर्ति तेरिक छ्याबा ख्याेरुङला ताङ बिदिन ।
33
ङेकि ख्याेरे खाला च्याम्बा क्याबु दगेराङ काङ ख्यरेकि साङ दाक्पि (सहकर्मि) यक्पि खाला च्याम्बा कि माेगाेउइ?'
34
तिकि ज्यिन्दाक ङ्यार्मा क्यानि तिकि ज्येल गाेबु तेरिक छ्याबा मेछ्येबु साक तिला दुक्पा तेरु तिविकि लाक्पाला बिन्सुङ ।
35
हुतुङराङ खिराङ तेरिककि दाक्पि नुकला (क्षमा) माक्यासिन, ङे देवाचेनकि पापिकिसाङ खिराङ तानि दिनक राङ किउइ