लिउ १९
1
तजाेला येसुकि ति ताम तिवा सानि सिनसुङ, येसु गालिल नेसुर थेनसुङ, यर्दन ज्युङकि फार्केन छ्यला यहुदियाकि साद साक लेसुङ ।
2
अाला जाेबु मिकि येसुला तिङ्ङ्यासुङ, येसुकि तिवाला टेक चिसुङ
3
फरिसितिवा येसुकि चाला लेम्निते येसुला खक्पा ल्हाहिदाङ सासुङ, “काङ मिकि लाला (कारण) कि किसाला दाक्पि पेर्मिला ताेङु तिला (न्यायसङ्गत) गिउइ?”
4
येसुकि कालेन क्यानिते सिक्यासुङ, “काङ खिरेकि (पढे) क्याबु मेत, सिकि तिवाला जाेसुङ, काेन्ज्यककि तङ्नेसुरराङ तिवाला ख्यकपेजादा पुमपेजा जाेसुङ?”
5
तेमे सिकि तिवाला जाेसुङ तिकि दिनकगाङ सासुङ, 'दिकि किसाला मिकि तिकि पापा दाङ मामाला ताेङुइ तेमे तिकि पेर्मि तानि डिग्निते ति मेरा ङिकार जुबुचिकराङ हुङुइ ।'
6
दिकि किसाला तिवा ता मिरा ङि मिन, जुबुचिकराङ हिन । दिकि किसाला काङ चाेवा काेन्ज्यककि ख्यापतङमा थिदु वाइ, तिवाला सिसाङ माेडाेल्सित ।"
7
तिविकि येसुला सासुङ, “तिनक हिनसिन माेसाकि अाेरुङ्ला (त्यागपत्र) टिनि ताेङु का चिला बिनसुङ ते?”
8
येसुकि तिवाला सिक्यासुङ “खिरे रंबु सेम्गि किसाला माेशाकि खिराङ्ला खिरेकि पेर्मितिवा ताेङु (अनुमति) बिन्सुङ, तङ्ने क्याला या दिनक मेदु नक ।
9
ङा खिराङ्ला सिउइ, सिकि (कामुक) (अनैतिकता) कि किसा सिना दाक्पि पेर्मिला ताङ्निते राङ्सातानि ज्येन्दि किउइ तिकि (ब्याबिचार) किउइ । तेमे चिन मिकि ति ताङु पुमा तानि ज्येन्दि किउइ तिकि साङ (व्यबिचार) किउइ ।"
10
लाेप्टुक तिविकि येसुला सिक्यासुङ, “तजाे ख्यकिदि दाक्पि पेर्मि तानि दिनक (अवस्था) गिउइ सिसिन, ज्येन्दि मिकिरुराङ ल्यामु हिन ।"
11
येसुकि तिवाला सिक्यासुङ, “तेरिक मिकि दि येनदेन लाङ मुथुइ, (केवल) तिविकि क्याज्यिक लाङ थुक्युइ सुलादि बिदु वाइ ।
12
चिला सिसिन काङ (नपुंसक) तिवाङ वाइ सुदि दाक्पि मामिकि खक्पा नेसुरराङ तिनकराङ केसुङ । काङ (नपुंसक) तिवा वाइ सु मितिवा नेसुर (नपुंसक) जाेबु नक । काङ (नपुंसक) तिवा वाइ सिकि देवाच्येनकि ग्यालखापकि लाषि दाक्पुलाराङ (नपुंक) जाेसुङ । सिकि दि येनदेनला लाङ थुक्युइ, तिकि लाङ्सित ।"
13
ति तिङ्ला येसुकि दाक्पि लाक्पा ज्याङ्नि माेपार क्यानि तेर्सित सिनि येसु चाला पेजा टिक्पे तिवाला टि लेसुङ, तजाेला लाेप्टुक तिविकि तिवाला कारे क्यासुङ ।
14
(तथापि) येसुकि सिक्यासुङ, “टिक्पि पेजा तिवाला हुङचित तिवाला ङेचाला हुङुला माक्याेर चिला सिसिन देवाचेनकि ग्यालखाप तिविदिराङ हिन ।"
15
तेमे येसुकि तिविकि खाला दाक्पि लाक्पा ज्याक्सुङ, ति तिङ्ला येसु त्यासुर थेन्सुङ।
16
ल्हाेसा, मिराचिक मि येसुकि चाला लेम्निते सिक्यासुङ, "(गुरुज्यु), ङेकि (अनन्त जिवन) ङेदुला ङेकि काङ ल्यामु यग कि गाेक्यु?”
17
येसुकि तिला सिक्यासुङ, “ल्यामु काङ हिन सिनि ख्याेरुङ ङाला चिला टिउइ? ल्यामु दक्पुजिक क्याजिक गिउइ, दजाेला ख्याेरुङ मिजिरिङ्ला श्युगु सेम किउइ सिसिन, का तिवा (पालना) कि ।"
18
ति मिकि येसुला सासुङ, “चिन का तिवा?” येसुकि सिक्यासुङ, “मिला मेसेदु, स्यामडेन मुस्युपु, कुन मिकिरु, मिदुप किदुक मेस्येबु,
19
दाक्पि पापादाङ मामाला (अादर) किरु, दाक्पि पेर्मिला दाक्पुला दगेराङ ङिङ्ज्ये किरु ।"
20
ति ज्येदा मिकि येसुला सासुङ, “दि तेरिक का या ङेकि ङेदुराङ वाइ ।ङेकि हारुङाङ काङ कि गाेबु वाइ?”
21
येसुकि तिला सिक्यासुङ, “दजाे ख्याेरुङ (सिद्व) हुङु सेम किसिन, ग्युक, ख्याेरुङ तानि काङ वाइ ति च, तेमे ति (गरिब) तिवाला बिन तेमे ख्यरेकि देवाचेनला गिज्या ङेक्यु । तितिङ्ला लेम्निते ङाला तिङ ङ्य ।"
22
तजाेला ति ज्यादा मिकि येसुकि सिक्याबु ताम ङेनसुङ, ति अाला दुक्पा क्यानिते हाे गाल्सुङ, चिला सिसिन ति अाला गिज्या वदु मि हिदु नक ।
23
येसुकि दाक्पि लाेप्टुक तिवाला सिक्यासुङ, “हुतुङराङ ङा खिराङ्ला सिउइ, छ्युक्पु मिला देवाचेनकि ग्यालखापला स्युगु अाला दुक्पा हुङुइ ।
24
ङा लाेङङ्या खिराङ्ला सिउइ, “छ्युक्पु मिला चाेवाे काेन्ज्याककि ग्याल्खापला स्युगु सिना या (उट) ला खापकि मिरुङ नाङ्ला स्युगु सजिलाे हुङुइ ।"
25
तजाेला लाेप्ठुक तिविकि दि काेसुङ, तिवा (छक्क परे) क्यानि सासुङ, “तिनक हिनसिन सिकि थार्वा तेर्थुक्यु?”
26
येसुकि तिवाला ल्हानिते सिक्यासुङ, “मिकिया दि कि मुथुबु राङ हिन, तजाेला चाेवाे काेन्ज्यककि तेरिक कि थुक्यु ।"
27
ति तिङ्ला पत्रुसकि कालेन क्यानि येसुला सिक्यासुङ, “ल्हाे, ङेरेकि तेरिक काच्ये ताङ्निते ख्यनेरुङ्ला तिङ् ङ्याबु वाइ । तजाेला ङेरेकि काङ ङेक्यु?”
28
येसुकि तिवाला सिक्यासुङ, “हुतुङराङ ङा खिराङ्ला सिउइ, खिराङ सिकि ङाला तिङ ङ्याबु वाइ, साबा केबु छेमुङ तजाेला मि पुज्युङ इस्त्राएलकि च्युपङि (कुल) कि ठिम किइ दाक्पि साेंवाकि ग्यालठाकला देक्यु, खिराङङाङ च्युपङि ग्यालठाकला देक्यु ।
29
सिकि ङे मिनला दाक्पि खाङ्बा स्यिङ, उज्यु नुक, इज्यि नुम, पापा, मामा, अाङातिवा दाङ दाक्पि लुङ्बा ताङु वाइ, तिकि दुम्बा ग्या ङेक्यु तिकि नाम्लाङ मिस्यिबु का ङेक्यु ।
30
दजाेला मि अाला हादा तङ्ला वाइ, तिवा तिङ्ला परेक्यु, मि अाला तिङ्ला वाइ, तिवा तङ्ला हुङुइ