लिउ १७
1
ङिमा टुग तिङ्ला येसुकि पत्रुस, याकुबदाङ तिकि नुक युहन्नाला दाक्पु तानि टि गाल्सुङ, तिवाला क्याजिक थेन्बु गाङ चिक्ला टिनि गाल्सुङ ।
2
तिविकि गमाला येसुकि दाक्पि (रुप परिवर्तन) क्यासुङ । येसुकि च्याङा ङिमा दगेराङ ठाछ्यालि स्यारसुङ, येसुकि माज्या टाक दगेराङ ठादिङि गाल्सु ।
3
ल्हाेसा, त्या माेशादाङ एलिया येसुतानि ताम किइ वदु तिविकि थाेङ्सुङ ।
4
पत्रुसकि कालेन क्यानि येसुला सासुङ, “चाेवाेे, ङेराङला द्येराङ देदु ल्यामु हुङुइ । ख्याेरुङ सेम किसिन, ङा द्ये डुमा सुम देदु दासा जेउइ दक्पुजिक ख्याेला, दक्पुजिक माेसाला दाङ दक्पुजिक एलियाला ।"
5
तिजाेला पत्रुस ताम किइ वदु बेला, तिजाेला ल्हाेसा, ठाछ्यालि मुसुपकि तिवाला उप्सुङ, “दि ङे (प्रिय) पुज्युङ हिन, दितानि ङा अाला (प्रसन्न) वाइ । दिकि काच्ये ङ्येन ।"
6
तिजाेला लाेप्टुक तिविकि दि काेसुङ, तिविकि दाक्पि च्याङा बानिते अाला जिवा क्यासुङ ।
7
तेमे येसु लेम्निते तिवाला रेङ्निते सिक्यासुङ, “ल जिवा माक्यि ।"
8
ति तिङ्ला तिविकि याे ल्हासुङ, तिजाेला येसुला सिना ज्येन्ला सुलाङ माथाेङ ।
9
तिजाेला तिवा गाङ्नेसुर मामाे हुङिन वदु नक, येसुकि तिवाला दुक सिङदाङ का बिन्सुङ, “मि पुज्युङ सित्पा नेसुर सेन्बा मालाबुसाक दि (दर्सन) सुलाङ मासिसा ।"
10
येसुकि लाेप्टुक तिविकि येसुला दुक सिइदाङ टिसुङ, “तिनक हिन्सिन, एलिया तङ्ला हुङगाेक्यु सिनि शास्त्रि तिवा चिला सिउइ ते?”
11
येसुकि कालेन क्यानिते सिक्यासुङ, “एलिया हुतुङराङ गिउइ तेमे तेरिक काच्येतिवाला साबा जेउइ ।
12
हिनसिनाङ ङा खिराङ्ला सिउइ, एलिया तङ्लाराङ लेम्नि सिंदु वाइ, हिनसिनाङ तिविकि एलियाला ङाे मास्ये । तिकि (बदला), तिविकि एलियाला काङ सेम लासुङ तिराङ क्यासुङ । तुकराङ क्यानि, मि पुज्युङकिसाङ तिविकि लाक्नेसुर दुक्पा खुर्क्यु ।"
13
तेमे येसुकि बप्तिस्मा तेरु युहन्नाकि ताम तिवातानि किइ वाइ सिरु काच्ये लाेप्टुक तिविकि हाक काेसुङ ।
14
तिजाेला तिवा मि जाेबु दासाला लेसुङ, मिराचिक मि येसुकि चाला लेम्नि येसुकि गमाला स्याबा क्यानि सासुङ,
15
“चाेवाे, ङे पुज्युङ खाला काट्रिन क्यानि नाङ, चिला सिसिन तिला नेर्पा रेगु वाइ तिकि किसाला तिकि अाला दुक्पा खुरिन वाइ । चिला सिसिन ति अाला मेदाङ छ्यु ना्ला ल्हुम्ग्यु ।
16
ङेकि तिला ख्याेकि लाेप्टुक तिवि चाला खबिन, हिनसिनाङ तिविकि तिला नेर्पा नेसुर थार्वा तेर माथुप ।"
17
येसुकि कालेन क्यानि सासुङ, “ए फेचाे माेवा वतु तिवादाङ नागालु गिपा तिवा, नामसाक ङा खिरे चाला देदुजा? नामसाक ङेकि खिराङ्ला (साथ) तेरुजा? तिला द्याबा ङे चाला टि स्यक ।"
18
येसुकि तिला कारे क्यासिमा ह्रेडि ति नेसुर फिला थेनसुङ । ति ख्यक पेजा ति तुज्येनेसुर राङ टेकसुङ ।
19
तितिङ्ला लाेप्टुक तिवा सिसाङ माेथाेङु दासाला येसुचाला लेम्निते सासुङ, “ङेरेकि चिला तिला फिला थेन माथु?”
20
येसुकि तिवाला सासुङ, “खिरेकि किमाथुबुदि रबु मेदु माेवाकि किसाला । चिला सिसिन हुतुङराङ ङा खिराङ्ला सिउइ, खिराङतानि (राय) कि डेलु चाेढे क्याजिक माेवा वासिनाङ, दि (पहाड) ला खिरेकि 'द्यासुर टाेनि त्या ग्युक' सासिनाङ ति डिउइ खिरेकि क्यासिन चिनदिङ काच्ये (असम्भब) मेङुइ ।
21
तिकि किसा तिदगे ह्रेडिदि माेपारताङ युङ्ये मेदा फिला मेथेदुइ ।"
22
तिजाेला येसु गालिलला देसुङ, येसुकि दाक्पि लाेप्टुक तिवाला सासुङ, “मि पुज्युङ मि तिविक लाक्पा तेर्क्यु ।
23
तेमे तिविकि तिला सेसिमा ङिमा सुम्गि छेमु लाङुइ ।" लाेप्टुक तिवा अाला दुक्पा क्यासुङ ।
24
तिजाेला तिवा कफर्नहुमला लेबु नक, (मन्दिर) ला (कर) लाेङु मितिवा पत्रुसकि चाला लेम्नि सिक्यासुङ, काङ खिरेकि लाेबेनकि (कर) मेज्येलुइ?”
25
तिकि सासुङ, ज्येल्ग्यु ।" तिजाेला पत्रुस खाङ्बि नाङ्ला गाल्सुङ, येसु तङ्ला तितानि ताम क्यानि सिक्यासुङ, “सिमाेन, ख्यरे सेम काङ वाइ? जम्बुलिङ्कि ग्याल्बुकि सुनेसुर (कर) ङेक्यु? खिरेकि (प्रजा) नेसुर ना परदेशितिवा नेसुर?”
26
तिजाेला पत्रुसकि “परदेशितिवानेसुर" सानि सासुङ, येसुकि तिला सिक्यासुङ, “तिनक हिनसिन, (प्रजा) तिवा नेसुर (कर) ज्येलु नेसुर (मुक्त) गिउइ ।
27
ङेरेकि (कर) लाेङु तिवाला दिक्पा किरु साेङु माजाे सिनि चंबुला ग्युक, (बल्छि) ग्याेप, तेमे चिन्दि ङ्या तङ्ला थेप्क्यु तिला थेन । ख्यरेकि तिकि खा पेसिमा ख्यरेकि ङुलकि डेवाचिक ङेक्युइ । ति खलेक तेमे ङादाङ ख्यरे (कर) लाेङु तिवाला बिन