¹ “Ndong'orai muhabe ghayabujaregu bwenyu meso egolo bwa bantu. Ebuga mudong'orwe boo, mamuna mwaghayya bibyio mutumwe elehwa ghonio olya ale kwegolo. ² Alewe wahumya sadaka, abebanisha bobulya bebanishagia kwa Masinagogi na kwa nkondo, ebuga badoghorwe bantu. Saba nababielate, basubire elehwa lyiobo. ³ Ale wee wahumya sadaka, rari kuboko kwayyo kwa kumoso kuhabe manya rari kuboko kwayyo kwa kunulyio. ⁴ Sadaka yayyo nibe yayyo weka na nehabe mwanywa, na ighonio olya abana kilya nole na kyio nakekurosa.

⁵ Lenge, mwehela, muhabe eba bwoo bantu balya beghayagia, mamuna boo bakonde ehela na ema kwa masinagogi na mubale jwa nkondol, abuga babane kane nebanwa bantu. Saba nababielate, basubire elehwa lyiobo. ⁶ Ale wee wehela, syiala ndane ya Nyumba yyayyo, na wasuba esyiala hinga mulyangu wehela bushone bwa ghonio olya abanaga nkolo ndane na kekurosa. ⁷ Nenyie mwakolwa mwehelate, muhabe ebanisha bo bantu batije Mugwe, mamuna bo beghayagia kwa makala jobo janeni lee bakojikwa. ⁸ Kwa bobyio, Ale angana nabo, mamuna ghonio wenyu anaje bilya mkondate rari lele mtyijati ehela. ⁹ Riolo enyie ehela bobyio; ‘Baba weto wa kwegolo, Ebina lyayyo ndighorije, ¹⁰ Bwegeri bwayyo buje, ekondwa lyayyo ndighaeka, oho nsee bo gokyio kwegholo. ¹³ ale tuhonokyie na muhoma, kwa bulya Mwegeri bwayyo, na nguru na bukolo Hauu.’

¹⁴ Mamuna mwaghuyya buhombya ba bantu, Mugwe wa Kwegolo aghuyya jienyu. ¹⁵ Ale mutimwaghuyya buhombya wobo, Mugwe wa kwegolo nene Hati aghuyya buhombya bwenyu.

¹⁶ Lenge lya byionse, mwahinga muhabe alegela, muhabe eba boo balya beghayyagia neebanisha busho bwa bishango mamuna bebanishagia mashyio joobo ebuga ubanekana bantu nahingaga, endekelelai nimbabielate, basubire ebana elehwa lyiobo. ¹⁷ Ale wee wahinga, ebire maguta, ebire maguta mtwe wobo na wogyie busho wobo. ¹⁸ Ebuga uhabe ebanekana na bantu nohingire, Mugwe wekja olya ebisire amanye na Mugwe olya ale hantu hebisiri nakekwojorya.

¹⁹ Muhabe edaghara binto nsee eno, olya nonde na gutu biharibate, olya hale bebi babunja neba. ²⁰ Ale edagharai binto kwegolo, kulya bitigharagharaga binto na nondo na gutu na bebi batune bunja neeba. ²¹ Amamuna yehe, hali hale kibondo kyayyo, ng'oo hale nkolo yyayyo ²² Taa ya mubele ni riso, na riso lyayo lya kolwa ndiseri, mubele jwayyo jwakolwa na buseri. ²³ Alele riso lyayo lyaba libeju, mubele jwayyo jwaba na kighundye, ale buseri bulya bule ndane yayyop, akola buhaba kigfhundye, tii kighundye gekyio.

²⁴ Hati ejagha monto omwe akegharya begeri babele milemo, mamuna akesola oyyo, na ekonda oyyo, m anga anyighane na oyyo, na elege sokaoyyo, mutumune gharia Mugwe na binto.

²⁵ Kwa bobyo nibabielate, muhabe tirirekela mtolo bwenyu, mlyie njii anga munyu enjiii, anga mbele jyienyu jyieboher njii, butolo tyie elagela, na mubele tii ebeka ngobi. ²⁶ Doghorai nyonyi jya kwegolo. Jitii hurelaga anga jitii bunaga jitii moganagia bibondoo, ale Baba wenyu wa Kwegolo najirageragia. Ale enyie jitumune baheta wobo? ²⁷ No olya wenyu asumbula akehuikya erosa rari hari kuboko kwehe?

²⁸ Na ngobi jyajoji ejitirirekela? Demeryai bibasho bya mugodegolo, bulya bimelaga bitighayyagia milemo, na bitweringaga. ²⁹ Nanie nababiela, rari Sulemani kwa bughoryani bwehe bwonseatijati ebekagwa bujaregu bo byio. ³⁰ Riolo kola Mugwe aghareragia bobyio manyeka ja mgodegolo, jaleho kyeno na labu jatebwas, nenyi nakelegebabeka enyie balya ule nedekela riri? ³¹ Muhabe tirireka, nebuga, ‘Tulyie jii?’ anga ‘Tunywe jii?’ anga ‘Twebeke jii?’ ³² Mamuna jajyio jonse bantu nbale batije Mugwe bajasoraga; na Mugwe wa Kwegolo naje mkondate byene. ³³ Ale enyie sorai Bwedgeri bwehe na nsaba yyehe na mukeroswa. ³⁴ Riolo muhabe etirireka kwa byalabu, mamuna labu nekehangaikela nehikire kyaya kwa bubeju bwehe.”