¹ Yesu bulya abonire kimuhyo klwa bantu, akalenjela taregolo, na bulya asubire muntia, Batubegeri byehe bakaja. ² Akahingola kania kehe na akabamanyererya, akabuga, ³ “Eng'oni balya basorate egala lya Nkolo, mamuna bwegeri bwa kwegolo Bwobo.

¹² Ghamelai nekelekela kwa bulya mukelehwa lineni kwegolo mamuna byuo baghareryie manabii balya bale mushone bwenyu.

¹³ Enyie mule shumbi jyia nseeno. Ele shumbi yaharebeka ekejitelwa jii rari yojyie? Etumine eghusa lenge lionse, ekahika gyioko etebwe ne ghanjaghajwa bantu. ¹⁴ Enyie mule syiagha jyia nseeno. Mujyie jutumune ebisa kola jule egolo lya ngita. ¹⁵ Na rari bantu batyiokajya taa ne mdaghara hantu hebidire ale ghantu nagelegelu hegolo. Nayyo yabasha bantu bonse balya bale nyumba ndane. ¹⁶ Nenyie byio bobyio syiagha jyienyu njibaserie bantu, ebuga babane ngendelu jijaregu baghore Baba Mugwe wenyu olya ale kwegolo.

¹⁷ Mutibegera najire ekerya syiria anga Manabii. Yango, twatija ekerya, ale najire eghaya bilya byandekirwe. ¹⁸ Kwa mamuna edekela, nikubielate, hai egolo na nsee lyekera, na kitobyio kimwe na mworwa jya syaria jutumunekera, ebuga byionse bihike. ¹⁹ Mamuna monton olya akebunja syaria emwe na jiiji jiriragi, nemanyeria bantu bobyo, akebugerwa muriri kwa bwegeri bwa kwegolo. Ale monto akejighaya nejimanyereria, oyyo akebugelwa mkolo kwa Bwegeri bwa kwegolo. ²⁰ Mamuna nibabielate bobyo etalelwa saba lyenyu lalege hija etalela nsaba lya Mafarisayo na Baandishi, mutumune rari kwa bwegeri bwa Kwegolo.

²¹ Mubojya bantu bakala bulya baberirwe, ‘Habe bolaga’ na ‘Monto abolaga, nene alebwa anjooko.’ ²² Ale nie nibabielate, olya akeregerya mwondogo wehe akelebwa njooko. Na monto olya akekobiela mwondogo wehe mbori, ‘Nwe hira egorani!’, na monto amubiela sima, oyyo akehikwa moki jwa Jehanamu. ²³ Hai waleta sadaka yayo madhabahuni, na kono nibaterya mwondogo wayyo no muhoberye. ²⁴ Haba sadaka yayyo bushone bwa madhabahu, ugere nkondo wayyo. Mkojanie na mwondogo wayyo, na wehondole uhumyie sadaka yayyo. ²⁵ Edekerania na musidakya wayyo, mugero julya mlehame mkondo, musidakya habe kuhirija kadhi, na kadhi akuhire kwa sigari, utebwe jela. ²⁶ Edekela nikubielate, atunehuma ayyo akeng'ore ehumya robiyya jyoonse.

²⁷ Mubojire bulya kwa bugire, ‘Habe sara.’ ²⁸ Ale nie nibabielate monto oyoo adoghore wabaka ne murere, nasubire musara nkolo ndane yehe. ²⁹ Riso lyayo kubulyo lya kughaya okahombya, likole ulite halehu nawe. Mamuna ndikuhikire kimusa kyayyo kimewe kiyobe anga mubele jyayyo juonse jutebe moki ndane (jehanamu). ³⁰ Na kuboko kwayo kwa kubulyo kwa kuhomberya, kukebe ukute kulehu nawe. Kwa mamuna ndihikire kimussa kyayyo kimewe kyobe ale mubele jyayyo jyonse juhabe tebwa jahanamu.

³¹ Kwa bugirwe lee, monto ahaba olya akehaba mukehe, na muhe mborwa yehabana. ³² Ale nie nimbabielate, monto olya akehaba mukehe, tii kwa kusikelo kwa busuji, na amughayya abe musarwai na monto olya abamukwa oyyo ahabirwe, nabamusara.

³³ Lenge ojyai bantu bakala bulya baberirwe, ‘Habe sima bwerehi, ale hikerya mwegeri masima jayyo.’ ³⁴ Ale nie babielate, muhabe sima lyonse rari kwegolo, kwa mamuna niyyo horiga ya bukolo bwa Mugwe, ³⁵ Rari kwa nsee, mamuna ngoo hedaghara magolo jehe, anga kwa Yerusalemu, mamuna jyoo mjye jwa Mwegeri mkolo.

³⁶ Rari habe sima kwa mtwe jyayyo, mamuna utumune hikya eghayya lujyele lumwe lube lwelo anga luiero. ³⁷ Ale makalaga jienyu jabe, ‘mbyo, mbyo, tibyo, tibyo.’ Mamuna jarija jajyio jaboka kwa muhoma.

³⁸ Mubojyia ebuga kibugirwe, ‘Riso kwa riso, na egego kwe egego.’ ³⁹ Ale nie babielate, muhabe ng'irania na monto mubeju; Ale monto akugega mbaru jya kubulyo, mubolole na kumoso. ⁴⁰ Na monto olya akekudakya nekutuja kanzu yayyo, muhabele na joho nayyo. ⁴¹ Na monto akusimererya egera maiti emwe, gera nene ebele. ⁴² Kwa monto Weherwa segera, nene olya akekulya sire, habe muha kanie.

⁴³ Mubojya kijabugirwe, ‘Konda muhara wayyo, ale usore muhoma wayyo.’ ⁴⁴ Ale nie nimbabielate, kondai bahoma benyu, behelei balya babahomberagia. ⁴⁵ Ebuga mube bana ba Baba weto olya ale kwegolo. Mamuna nuo abaseragia ryiobo lyehe babejagu na bajaregagu, ne barobania mbura batale lya nsaba na balya bati nsaba. ⁴⁶ Mamuna mwakonda balya bakonde enyie, mukebana njii, rari batoza ushuru lee? Na boo batighagia byio? ⁴⁷ Na mwagesha ndogo jyienyu jyika, mughayatie ngendelu jinge? Rari bantu batiuje Mugwe? Ale! Bantuba matongo naboo batighagia bobyo. ⁴⁸ Nenyie mukeba bemelu, boo ghonio wa Kwegolo bulya mwemelu.”