¹ Asuba Yesu akahirwa ni Nkolo museri kwa bwelo egolo ebuga sunwe na muhoma. ² Akahona kyaa milongeena msenya na nabudiko, mugoro jwa hika akojyia jalo. ³ Msuma akaja akamubiela, “Kola wee ale Mwana wa Mugwe, ebuga mabwe jaja jabe mkate.” ⁴ Nene Yesu akojokya akabuga na akamubiela, “Yandekirwe, ‘Monto atumutola kwa mugate gioka, ale kwekalaga luibokire kania ka Mugwe.’” ⁵ Asuba muhoma akamutola akamuhira mujyied juseri, akamuidagha egolo lya (kijyeri) jwejwe ya Hekalu, ⁶ akamubiela, “Kola ule Mwana wa Mugwe egane kwa nsee, Kwa mamuna yandekirwe, ‘Akemutomela n malaika jyehe,’ na ‘Miboko egolo lyiobo bakutole, ubabe erijwa kugolo kwayyo nebwe.’” ⁷ Yesu akababiela, “Lenge yandekirwe, ‘Abesuma Mwegeri mugwe wayyo.’”

⁸ Asuba, muhoma akamutola na eghora ngita ndehu muno amubanishia bumeri buonse bwanse na bijaregagu byiehe byionse. ⁹ Akamubiela, “Bibi byionse nikekuha washuma akasegela mirugunyi.” ¹⁰ Ndyoo Yesu akamubiela, “Gera jyiayyo Kiryoka! Mamuna yandekirwe, ‘Ghumela Mwegeri Mugwe wayyo, umeghore wee weka.’” ¹¹ Asuba muhoma akamuhaba, doghorai, Malaika jakahika emugharyia milemo.

¹² Ale Yesu bulya ajiryie Yohana nababohwa, akagera kwegalilaya. ¹³ Akaboka Nazarethi akaja akamulya Kapernaumu, mujyie julya jwa mai erindo, mubale jwa Zabulonio na Naftali. ¹⁴ Ebuga lihike ekalaga lilya lyabugirwe nabii Isaya, akabuga, ¹⁵ “Nsee ya Zabuloni na nsee ya Naftali nmkondo ya maiegolo, hareyyo ya Yordani, Galilaya na mijyie! ¹⁷ Eboka mugero jwa Yesu arunerere ekaragerya, “Nebuga rigokai, kwa mamuna Mwegeri bwa Kwegolo buba sungura.”

¹⁸ Nene lilya ageraga mubale jwa maiegolo jaa Galilaya, akabana balugu babele, Simoni abugelagwa Petro na Andrea mwondogo wehe, bakagana mtegu maiegolo, bo bulya balya bale bategi ba singiri. ¹⁹ Yesu akababiela, “Enjoo murohyai, nanie nikebaghayya bategi ba bantu.” ²⁰ Bakabaha mitegu jyiobo, bakamurohya ²¹ Na yesu akagera bushone, akabana balugu bange babele, Yyakobo na Zebedayo, na Yyohana mwondogo wehe, bale meli egolo na Zebedayo, na Yyohana mwondogo wehe, na ese wobo, na baghareragia mitegu jiobo. Akababugela, ²² Hating'na bakajihaba egolo egolo mesee wobo, bakamurohya.

²³ Yesu ageraga kughobya kwa galilaya yyonse, amanyereratie kwa Masinagogi nane nekaragerya kusikelo kwa kuholo kwa Bwegeri na ehorya malwala na birwalu bilya byio byonse bile na bantu. ²⁴ Na kusikelo kwehe kukahika nemanyekana kwa Shamu yonse, balya badabirwe marwari mangima na netirireka, balya bale mihoji na nsaba na balya baghobikire. ²⁵ Na ekorani lineni likamurohya, eboka Galilaya, na Dekapoli Yerusalemu na Buyahudi na hareyyo ya Yordani.