¹ Nkya jijyo akabokoboka Yohana mubatizaji agera ekarage kwa bwelo bwa Bayahudi he buga, ² “Rigokai mamuna bwegeri bwa Kwegolo bubasungura.” ³ Kwa bulya oyyo nwo abugirwe Mubani Isaya akabuga, “Ero lya monton ale bwelogo, ‘Ghareriani mkondo ya Mwegeri, emereryia nkondo jiehe.’”

⁴ Nene Yohana mwene ale na ngoi ya ngai, na mughoba jwa ndaghwa kibonekyihe, na belya byihe lyale ng'ala bughomani bweghambola bwa nsengenane. ⁵ Ndyo bamutubire kwa Yerusalemu na Buyahudi bonse, na nse jyionse jya mubale jyionse jya Yordani. ⁶ Nene akababatiza kwa juhe ya Yordani, nebuga ng'adaba jyiobo.

⁷ Bulya abande baneni kategate kamafari sayo na Masadukayo, bajate ebatiwa nwo, akababiela, “Nyie lubyalo lwa ntyanyi abahirire mutee enyie murirere eregia lilya lijate? ⁸ Hai byalai mbeho yangane nerigoka lyienyu. ⁹ Na muhabe ndemi ja Nkolo ndane jyienyu, ‘tule na baba weto Ibrahimu.’ Bobulya babielate lee Mugwe nale ngurui kwa mabwe jaja ejabokya kwa Ibrahimu jabe banana. ¹⁰ Na shoka ndisubire edagharwa halya hale erindo lya mute. Na mute julya juti barire mbeho ejaregu jukyebagwa netebwa moki ndane.

¹¹ Ninsaba nie babatijate kwa mai kwa bulya mubarigioka. Ale olya ajate suha yawas ale nguru atinga nie, rari tihikere etola mirato byiehe, woo akjebabatyiza kwa Nkolo museri na kwa Moki. ¹² Bo bulya kiholela kyiehe kile kuboko egolo kwehe, nene akesabya halya ale, ne emogania ngano jyihe kwa kibondo jale bikundwa akebijagha moki juti rimaga!”

¹³ Mgero jojyio Yesu akahika eboka Galilaya na Yordani kwa Yyohana ebuga abatizwe na Yohana. ¹⁴ Ale Yohana nie kondate ebatizwa nwe, nawe ubaja kubatise? ¹⁵ Yesu akajokya akabuga, “Edekela riolo bobyio, mamuna byio tukondatwe tuhike ryie saba yoonse.” Yohana akemuruhusu.

¹⁶ Nene Yesu bulya asubire, ebatiswa ahika alejela eboka mai, na raberyai, egolo likahingoka kwehe. Na akabana nkolo wa Mugwe aharogate angane negunku, ajate egolo lyiehe.” ¹⁷ Na doghjora, ero likaboka kwegolo libugate, “Oyyo mwaniwa mkondwa wawa ghamerigwe nwoo.”