¹ Baada ya Yyesu akabialwa kwa Bethelehemu ya Uyahudi kala lilya la mwekorani Herode, Doghora mama jusi basoma ba ndoto bakwaryobekela bakahika Yerusalemu bakebugeta, ² “Ale haha oyyo abiarirwe Mwegeri wa Bayahudi? Mamuna tubabanire njoto kwa ryoba ekela neshie tubaje muasegela birugunyi.”

³ Gero Mwekorani Herode bublya ojire bobyo, akatirirrireka, na Yerusalemu yoonse hamwe nayyo. ⁴ Herode kamogonia bakolage ba makuhani boonse na bandekiba bantu, kasora kusikelo kwobo, “Kristo abyarirwe haha?” ⁵ Bakamwubiela, “Kwa Bethelehemu ya Uyyahudi, kwa builya mamubyio byandekire na Nabii, ⁶ ‘Nene Bethelehemu nsee ya Yuda, uti muriri kwa batomwa ba yuda bobulya eboka kwayyo nakebuka Mwekorani olya akesema bantu bawa Israeli.’”

⁷ Nene Herode akabugera bamanyi ba njoto mubale, akalya kusikelo na boo na njoto bulya ya banekane. ⁸ Akabahira Bethelehemu, akabuga, “Rohyaria kondo, mukaborye muno ekalaga lya Mwana. Na mwasuba emubana, mundetele kusikelo, ebugananie gererika musegele birugunyi.”

⁹ Naboo bulyua bojirye makalaga ja Mwekorani, bakarohya nkondo, na doghora na njoto neyyo babanire kwa ryoba ekela ekabahetela na ekagera ekema egolo lya ayyo hale Mwana. ¹⁰ Naboo bulya babanire njoto oyyo, bakaghamela kwa ighamela lineni muno. ¹¹ Bakashia nyumba ndane, bakamubana Mwana na Mariamu ng'ina yehe. Bakaseka birugunyi, naboo bakatingola kilya ba mwebarere, akahumyia tunu, goro na uvumba na manemane. ¹² Naboo bulya Mugwe agambirer naboo kwa kiraryioki batiyati ehondola Herode, hivyo, bakagere kwobo kwa nkondo enge.

¹³ Naboo bulya basubire egera, doghora Malaika jya Mugwe jakaghubukela Yyusufu kwa kiraryoku, akabelya, “Gera, tola Mwana na ng'ina, murohele Misri. Umuntie gokyio ng'ore kubela; bobulya Herode asorate Mwana amubolage.” ¹⁴ Akagera akatola Mwana na ng'ina na budiko akagera kwa Misri. ¹⁵ Akamuntia gokyo Herode akaghore ekya, ebuga lihjike ekala lilya lyabugire Mwegeri kwa butomwa bwa nabii, Bwebuga - “Eboka Misri nabugere mwaniwa.” ¹⁶ Ndyo Herode akabana na baghorunwa batari ba njoto, akamena muno. Akatoma bantu akabolaga bana bonse erunela bana ba milenaela bibele na balya atyati ehikeri, eboka mugero joji jwa batari ba njoto. ¹⁷ Na ndyo nalikahika ekala lilya lyabugirwe nabii yyeremia, abugire, ¹⁸ “Ero likojigwa Rama, lujuru netiririke lineni Raheli ajurerate benihe, Akalaga asisigwe, kwa bobulya batihaleho lenge.”

¹⁹ Na bulya Herode akire, doghora Malaika ja mugwe jakaghubukela yusufu kwa kiraryoku gokyio kwa Misri na akabielwa, ²⁰ “Gera tola Mwana na ng'ina nying'ai nkondo yegera nsee ya Israeli. Mamuna ba bakya balya basorage nkolo ya Mwana.” ²¹ Yusufu Akagera akatola Mwana na ng'ina, akahika nsee Ya Israeli.

²² Ale bulya ojire nene Arkelao abamterya horiga kwa Uyahudi ha Herode esee, akaryala egera gokyio, nene bulya akambirwe nene kwakiraroku, akaya kwa Galilaya. ²³ Na akagera, akaemuntyia mujye jubugelagwa Nazareti. Ebuga lihike ekalaga lilya lyabugirwe manabii, akebugerwa Mnazarayo.