¹ Ngara Yesu bulya asubire abuga makalaga jonse jajyo akababiela bamanyerigwa behe, ² “Muje anamuna ya nkya ebele mkukeoba na sikukuu ya Pasaka na Mwana wa ADamu akehumigwa ebuga asulubiwe.”

³ Hinja bakolo ba makuhani na balakolo bantu bakakolana hamwe kwa Makao jwa Kuhani mkolo, ulya ale ebugwa Kayafa. ⁴ Kwa limwe bukapanga njama ye mudaba Yesu kwa kibisi emubulaga. ⁵ Kwekolwa abugire “Ihabeghaeka ngara jya sikukuu ihabe ghubuka hamwa na bantu.”

⁶ Ngero Yesu abale Bethania kwa Nyumba Simoni mkoma, ⁷ Bulya ale enyooshirye mezegolo, wabaka umwe akaja kwehe ebare mkebewa alabasta ile na namaguta jarobijya nkolo na akaja kubula egolo ya mtwe jwehe. ⁸ Ale mamenyerigwa behe bulya babande ekalaga lelyo, bakasola nebuga, “Ninji bibi bwa hasara eno? ⁹ Jaja jale jatebwa kwa robijya jikolo na ehebwa masikini.”

¹⁰ Ale Yesu, akakolwa aje lele, akababiela, “Shininji mubasumbuha wabaka oyo? Kwekolwa abaghajya kinto kijaregu kwawa. ¹¹ Maskini mule nabo nkya njionse ale niye mutimune kolwa nanye Kala na kala. ¹² Kwekolwa mbulya abakubula maguta jaja egolo ya Mubele jwa wa aghairye bobyo kwa ajili yeryekwa lwawa. ¹³ Ndyasaba nimbabielate, halya honse injili eno ikehubiriwa kwa nseeno juonse, kubugu aghairye wabaka oyo. Kikekolwa kibugatwe kwa ajili ye terya.”

¹⁴ Mbyo umwe wabalya ekomi na babele, ale abugwa Yuda Iskariote akagera kwa bakolo bamakuhani, ¹⁵ na akabuga mkenga njii na busaliti bakamugitela bipande ekomi edatu bwa robijya. ¹⁶ Eboka ngara eyo akasora bwe Msaliti.

¹⁷ Ejagha nkya ya mkate itigiterwe butororu bamanyerigwa bakagerela Yesu na bakabuga, “Ngaha ukondate tuku andoirele ulye Pasaka?”

¹⁸ Akababiela, “Gerai mujyene nane kwa monto FGulani na mubelei ‘Mumanyerya abugate, “Ngara yawa nibahikela. Niketimiza Pasaka na bamanyerigwa bawa Kwa nyumba Yajyo.”’” ¹⁹ Bamanyerigwa bakaghaji Kola Yesu bulya abugatre na bakendaa belya bya Pasaka.

²⁰ Bulya ibahikire ryakwera akumtya elya ebelwa hamwe na Bamanyerigwa ekoni na babele. ²¹ Bulya babale balagelate belya akabuga, “Ndyasaba nimbabielate umwe wenyu nakensaliti.”

²² Bakamena muno Kila umwe akuanza emuborya? “Ale tiniye, Jaghamba?”

²³ Akabajokya, “Ulya akeshwarya kuboko kwehe hamwe nanye nwo akensaliti. ²⁴ Mwana wa Adamu akegera kola bulya yandekirwe. Ale ole wehe monto ulya akensaliti Mwana wa Adamu yale ya kolwa bujaregu egera atibirwe.” ²⁵ Yuda, alya abale amusaliti akabuga, “Ale, ni niee Mugwe?” Yesu akamubiela, “Ububuga ekalaga lelyo weka.”

²⁶ Bulya alegelate belwa, Yesu akajuhumya mkate, akajubariki na ejulya. Akabagaba Bamanyerigwa behe akebuga, “Tolai, lye. Jojo nimubele jwawa.” ²⁷ Akahumya kikombe na eshukuru, akebaha na akabuga naakabuga “Nywai bonse kwa keke. ²⁸ Kwekolwa eno ndaghami ya Agano lyawa ikeetwa kwa ajili ya baneni kwa musamaha jwa ng'adaba. ²⁹ Ale nimbabielate, ntimune nywa lenge matunda jwa mzabibu jojo hadi kyelya kenywa jumbya hamwe nenye kwa bwekorani bwa Baba yawa.”

³⁰ Bulya basubire eghuja nyimbo, bakahuma akagera kwa ngita egolo jwa Muzeituni.

³¹ Mbyo Yersu akababiela, “Nabudi bobo enyonse meekerijaka bulya yawa kwa bulya yandekirwe nikemuasega musema ng'ondi embuga mujaregane. ³² Ale anamuna ye eryioka lyawa, nike bahetela egera Galilaya.”

³³ Ale Petro akamubiela, “Rari ikakolwa bonse babakulega kwa makalagaga lwa jakeghubuka, niye ntimunelega.”

³⁴ Yesu akamjokya, “Ndyasaba nakubiela, nabudi bobo kabla gugu itani wika ukendega kadatu.”

³⁵ Petro akamubiela, “Ejagha kolwa nahikire ekya nawe, nimune lega kulega”, na Bamanyerigwa bange bonse bakabuga bobyo.

³⁶ Hange hariri Yesu akagera nabo hantu habugwa Gethesemane na akababiela bamanyerigwa behe mityai lele gerate ehela. ³⁷ Akamtola Petro na bana babele ba Zebedayo akaanza ehuzunika na emena. ³⁸ Mbyo akababiela, “Nkolo yawa ile huzuni nkulu muno, ejagha kiasi kyekya. Tigalai oho na mkeshe hamwe nanye.” ³⁹ Akagera bushone hariri akagwa kisuha na ekehela. Akabuga “Baba wamweto kola nikewezekana kikhombe keke kinjekere ihabe kolwa bulya ikondate niye bali kola bulya ukondate wee.” ⁴⁰ Akabagerela bamanyerigwa behe na kabakola mbarare tolo na kakumubiela Petro “Shii ninji mtiandi hikya ekesha nanye kwa ngende emwe? ⁴¹ Keshai neehela kusudi muhabe shala majaribuni. Nkolo ile tayari, ale Mubele ni ijudhaifu.”

⁴² Akagera jihe lya kabele ehela, akabuga, “Baba wamweto kola kibugu keke kitimune enjekera ni laazima kinywe kikombe keke makondo jayo gatimizwe.”

⁴³ Akajokela lenge akakola mbarare tolo kwe kolwa meso jobo jale jarito. ⁴⁴ Mbyo akabahaba lenge akagera jiehe akehela lya kadatu akabuga makalga jalya jalya. ⁴⁵ Hange hariri Yesu akabagereela bamanyerigwa behe na akababiela, “Bado muharare sei etabugate? Raberya, ryolo ngende nibatigara, Na Mwana wa Adamu nakesalitiwa miboko egolo jya Bantu bale ng'adaba. ⁴⁶ Bokai, tugere. Raberyai, oyo asalitiate aba hikela.”

⁴⁷ Ngara bulya aghambate, Yuda umwe wa balya ekomi na babele akahika. Ejyo lineni hamwe nene nene libokelate kwa bakolo ba makuhani na balakolo ba bantu. Bakaja na malojyo na raguta. ⁴⁸ Lenge monto ulya akondaga emusaliti Yesu akaja abahere eng'asa, akabuga, “Oyo kemubusu nuwo mumudabe.” ⁴⁹ Lelyo akagera kwa Yesu na akabuga, “Nikugashatye mumanyerya!” na akamubusu.

⁵⁰ Yesu akamubiela, “Muhenji, ghayai lilya likuletire?” Mbyo bakeja emughunjerya bila Yesu, na akamudaba. ⁵¹ Raberya monto umwe abale na Yesu akabokerya kuboko kwehe naakajubula lojyo lwehe akamusega mtomwa wamakuhani bakolo na emukeba kusikelo kwehe. ⁵² Mbyo Yesu akamubiela, “Jokya lojyo lwajyo halya uba luhumirye, kwekolwa bonse balya batumiaga lojyo bakesubwa kwa lojyo. ⁵³ Mugeta ebuga timune hikya ebugela Babawa mweto, nene akantomela Majeshi zaidi ya ekomi na babele ya Malaika? ⁵⁴ Ale ngo namuna ke bobyo byo ikondatwe ihumele.”

⁵⁵ Ngara eyo Yesu akababiela bantu, “Ale! Mijire na malojyo naraguta edaba ukegera nde ntujani? Kila nkya namitirye hekaluni manyerate, na mutiandi ndaba! ⁵⁶ Ale jaja jonse jaghairye ebuga Yandekirwe jatimie.” Mbyo Bamanyerigwa behe bakamuhoba na bakaroha.

⁵⁷ Balya baba bamudabire Yesu bakamuhira kwa Kayafas, Kuhani mukolo, hantu halya balya bandekaga na balakolo bakusanyikire hamwe. ⁵⁸ Ale Petro akamutubegera suha kwa kulehu hadi kwa bukumbi bwa makuhani bakolo akashala kwa nyumba na akamitya hamwe na balinzi abane kilya kikehumela.

⁵⁹ Basi ngo Balakolo ba makuhani na baraza lyonse bale basorate bushahidi bwa bwerehi dhidi ya Yesu Kusudi babanebwe mubulaga. ⁶⁰ Yakolwa begubukirye Mashahidi baneni batyandi ekonda bulya ilya yonse. Ale hande hariri mashahidi babele bakeghubukya bushone ⁶¹ na akabuga, “Monto oyo abugire, ‘Nakehikye ebana hekalu lya Mugwe na elyoboka lenge nkya esatu.’”

⁶² Kuhani mkolo akema na akamuborya, “Utihiketye ebuga? Baba bamanyatye ninji dhidi yajyo.” ⁶³ Ale Yesu akasisa kuhani mukolo akamubiela, “Kola Mugwe bulya atolaga akaamuru utubele kana wee ule Kristo, Mwana wa Mugwe.”

⁶⁴ Yesu akamujokya, “We weka ubabuga ekalaga lelyo. Ale Nikubielate, ebokela lelyo na kuendelea ukemubana Mwana wa Adamu amutirye kuboko kwa Kubulyo kule nguru, na akeja katika Mawingu jya Kwegolo.”

⁶⁵ Ndyo kuhani mkolo akakerosola ngobi jiehe na akabuga, “Amekufu! Ale, nkehitaji lenge bushaidi bwanji raberyai tayari mubojya akufuriate. ⁶⁶ Ale! Muwazate njii?” Bakamujokya na bakabuga “Akondate lokyo.” ⁶⁷ Mbyo akamtyela mata busho na emusega nkundi na emutura Makofi kwa miboko jiobo, ⁶⁸ Na bakabuga “Tutabirie, wee Kristo. Ni noo akakutura?”

⁶⁹ Na ngara eyo Petro abale amitirye kwa kaane kwa bukumbi na mtomwa wabaka akamugerela na akamubiela, “We ejagha ubale hamwe na Yesu wa Galilaya.”

⁷⁰ Ale akalega bushone boobo bonse, akabuga, “Ntije kinto ubugate.”

⁷¹ Bulya abahumire kaane kamulyangu mtomwa unge wabaka akamubana nakamubiela balya baba lajyo “Monto oyo enjagha abale hamwe na Yesu was Nazareti.”

⁷² Akalega lenge kwa kiapo, “Niye ntimuje monto oyo.”

⁷³ Ngara ndinko baadaye, jalya jabale jemirire hadinko bakamugerela na ebuga na Petro, “Kwa hakika ejagha we ule umwe wobo kwekolwa ejagha egamba yayyo nibanishatye.”

⁷⁴ Ndyoo akeanza elaani na ebaha, “Niye nimuje monto oyo,” na ngareyo gugu ikajura.

⁷⁵ Petro akaterya makalaga jalya ababe rwe ni Yesu, “Kabila gugu itihikire ukendega kadatu.”