¹ “Mbyo Bwegeri bwa Kwegolo bukegiganigwa na Banawali ekomi balya bale batore taa jobo na egera egere pokea Jaghamba wa Bukwa. ² Batano kate yobo bale baraghanu na batano bange bale na busara. ³ Banawali baraganu bulya batore taa jyiobo, batiandi tola maguta jalya jonse. ⁴ Balya bale banawali bale na busara batore byombo bile maguta hamwe na taa jyiobo. ⁵ Ryolo ngara Jaghamba wa bukwa adegrie ehika bakondabwa nerema baka lala.

⁶ Ale ngara nabudi bwa manane kale na ryari, ‘Raberya, jaghamba wa bukwa! Humai kane mukamuhire.’ ⁷ Mbyo bana wali babyo bakaboka bonse na bakebasha taa jyiobo.

⁸ Balya bana wali baraganu bakababiela balya bale na Busara, ‘Mutabehe hantu hamaguta jenu kwa bulya jiribate.’ ⁹ Ale balya bale na busara bakabuga nebabiela kwekolwa jatituhitete eshe nenye gerai kwa balya batejate mwegole bulya mukondate kwa ajili yenyu. ¹⁰ Ngara elya babagera kokye egola Jaghamba wa bukwa akahika, na balya bonse bababele tayari bakagera nene hale na sherehe ya bukwa na mulyangu jukahingwa.

¹¹ Hange hariri balya banawali bange hakahika nebuga, ‘Jaghamba, jaghamba, tuhingole.’ ¹² Ale akajokya na nebuga, ‘Ndya saba nimbabielate, nie tibaje.’

¹³ Kwa rilyo raberyai kwekolwa mutije nkya anga ng'ende.

¹⁴ Kwekolwa ni sawa monto akondate egherya egera nse jinge. Abubugere batomwa behe ebaha butajiri bwehe. ¹⁵ Umwe wobo akehebwa talanta eshano, unge akehebwa talanta ebele na ulya unge akehebwa talanta emwe. Kila emwe ekehebwa engana na buwezo bwehe na monto ulya akagera jihe. ¹⁶ Mapema ulya aherwe talanta eshano akagera ejiwekeza na ejibyarisha talanta jinge eshano. ¹⁷ Bulya bulya ulyua aherwe talanta ebele akebyarisha jinge ebele. ¹⁸ Ale mutomwa ulya aherwe ebwe akagere jihe eisimela kisima nse nane naa akabisa robiya jya jaghamba wehe.

¹⁹ Nas anamuna ya ngero ndehu, Jaghamba wa batomwa babyo akajoka neghararerwa mahesabu nabo. ²⁰ Mutomwa ulya watalanta eshano akanuja akaleta talanta jinge eshano. Akabuga, ‘Jaghamba wa ngere talanta eshano. Raberya babana faida ya jinge eshano.’

²¹ Jaghamba wehe akamubiela, ‘Hongera, mutomwa mujaregu na Mugwanu! Uboba mugwanu kwa binto biriri kekuha Bwegeri ja binto nineni. Shala katika eghamela Lya jaghamba wajyo.’

²² Mutomwa aulya aherwe talanta ebele akabuga, ‘Angere talanta ebele raberya nibabana faida ya talanta jinge ebele.’

²³ Jaghamba wehe akamubiela, ‘Hongera, mtomwa mjaregu na mugwanu! Waba muigwanu ka binto biriri. Nikwekuha bwegeri egolo ya binto bineni shaka katika eghamela ja Jaghamba Wajyo.’

²⁴ Hange hariri mutomwa ulya aherwe Talanta emwe akeja akabuga, ‘Jaghamba ninjije ebuga wee ule monto mghomi wahaga hantu utihurere, na wa baburaga egha utiandi eojya. ²⁵ Niye baryarire, nkagera jiawa eibisa talanta yajyo katika leri. ‘Raberya, ninde oho ilya ile yajyo.’

²⁶ Ale jaghamba wehe akamubiela, ‘We ule mutomwa mubeju na mzembe wamajire ebuga jahaga hantu nihurere na bunaga hantu tiyojagia. ²⁷ Kwa bobyo wakakondgwa ubahe bantu ba benke robijya na nkya yejoka lyawa nale nahebwa robijya yawa na Faida. ²⁸ Kwa rilyo, mutujei talanta eyyo na mumuhe ulya ale na talanta ekomi. ²⁹ Kila monto ulya alenakya akeroswa muno enjagha erosa muno. Ale kwa ulya wonse atina kinto ejagha kilya alenakyo naketujwa. ³⁰ Mtei kwa kaane kirimamu nane mutomwa oyo atigwasaga akuko kukekolwa na ejura neeshama gego.’

³¹ Ngara Mwana wa Adamu akeja katika ndiagha wehe na Malalika bonse hamwe nenye, mbyo akemuntya egolo jya kiti kihe kwa ndiagha. ³² Matongo jonse jakemogona bushone bwehe nene akebuteganisha bantu kola bulya mkijori aba akeranagia ng'ondi na mbori. ³³ Akebagitela ng'ondikuboko kwehe kwa kubulyo, na mbnori akegitela kubokokwa kumoso.

³⁴ Ryolo Mwekorani akababiela balya bale kuboko kwehe kwa kubulyo, ‘Enjoi, babya mubarikirwe na Baba yawa, mubogabi bwa Bwekorani bulya bugaterwe kwa ajili yawa egitelwa misingi jya nseeno. ³⁵ Kwekola nale na jalo muungere belya; nale Mugeni namkakaribisha; ³⁶ Nale kibojo mukambeka ngobi; nale narware mukamitya; nariye na bohirwe mukanjijela.’

³⁷ Mbyo balya bale na nsaba bakejokya na bakakubielate, ‘Jaghamba, ndee twabande ule jalo na ekuragerwa? Anga uleghaba tuka kuha mai? ³⁸ Na ndee twabande ule mgeni tukakukaribisha anga ule kibojo tukakubeka ngobi? ³⁹ Na ndee twabande ule urware anga kwa kubohwa na tukakujela.’

⁴⁰ Na Mwekorani akebajokela na akebabiela, ‘Ndyasaba nimbabielate kilya mughairye kwa omwe wa ndogo jiawa buriragi, maghaererye niye.’

⁴¹ Mbyo akebabiela balya bale kuboko kwehe kwa kumaso ekera imwawa balwa mule anirwe gerai katika moki jwa kala na kala julwa judaghare kwa ajili ya kiryoka na Malaika behe, ⁴² Kwa bulya nale na jalo mtiandi ega belwa nale na naghaba mtiandi enga mai; ⁴³ Nale mugeni ale mutiandi ekaribisha nale kibojo ale mtiandi ebeka ngobi; Nale narware na nale bohirwe, Alemtiandi emahela.

⁴⁴ Mbyo babyo obyo bakemubiela na ebuga, ‘Jaghamba, ndee kwa twakubande ulenajalo, anga ule naghaba, anga ule mugeni, anga ukeba hati ngobi, anga urware, anga uhigwirwe na tutiandi ekuhudimiela?’

⁴⁵ Kisha akebabiela na akebuga ndyasaba, nimbabielate kilwa mutyatighajya kwa umwe bwa Baruna benyu, mtiandi eghari niye.

⁴⁶ Baba bakagera adhabu ya Kala na kala balya bale na saba katika buzima bwa kala na kala.”