¹ Yesu akababiela kkimuhyo na batubageri behe akabuga, ² “Baandishi na mabarisayo ba bamuterya kiti kya Musa. ³ Na kyionse kilya makebabiela, nyighai neghayya ale Kwa Mwanganu jwa ngendelu jyobo muhabe eghayya, Mamuna boo babugaga ale batumune eghayya. ⁴ Boo babohaga bantu maringa jaritagu nebebarya bituru egolo alebo batune jebala ejadaba kwa byala byobo. ⁵ Na ngendelu jyiobo jyionse, bajighayagia ebuga badoghorwe bantu; na bebohaga tepe jyandekire sheria kisubukeryo kwa busho bwuo bo na miboko jyiobo na bisabu wa magodi joobo. ⁶ Bakonde emutya horiga jya bushone jya karamu ne mutya bushone kwa Masinagogi, ⁷ Ne egera kugesigwa kwa sogoni, ne ebugelwa bantu ‘Rabi.’ ⁸ Ale enyie muhabee edekela ebugelwa ‘Rabi,’ Mamuna Mwalimu wenyu noomwe. Nenyie enyinse mule ndogo. ⁹ Na rari muhabe ebugela monto nseeno baba, mamuna ghonio wenyu noomwe olya ale Kwegolo. ¹⁰ Na rari muhabe ebugelwa ‘bekorani,’ mamuna wenyu noomwe, Na Kristo. ¹¹ Na olya ale mukolo, nwuo mumilemo wenyu. ¹² Na olya wonse akekorya, nakenyihigwa na olya akenyihya, nakekorigwa.

¹³ Emai enyie Baandishi na mabarisayo, bagambakubele, mamuna muhigelate bantu bwegeri bwa kwegolo, nenyie bene kono mutumuneeshala, na rari barya bakondate eshala mutiikonde bashala. ¹⁴ Emai enyie Baandishi na mabarisayo, bagambakubele, mamuna mugeraga kulagela nyumba jya masinwani, na bulya mule bagamba kubele mwehelaga lilehu, kwa bobyio joko yenyu neneni muno.

¹⁵ Emai enyie baandishi na mabarisayo, bagamba kubele, mamuna mugharaga kughobya kwa Mai egolo na kwa nsee jomo ebuga monto omwe olya mubabana abe Mwongofu, na Mwasube mughayya, mwamughayya abe Mwana wa Jahanamu lya kabele litinga enyie.

¹⁶ Emai enyie bekorani ngakuri, enyie balya mubugaga, ‘Monto asima kwa Hekalu, tii kinto ale olya akesima kwa dhaahabu ya hekalu na beboha.’ ¹⁷ Mule ale mweghayyatye ng'akuri, Mamuna neho elya ekolo, ni dhahabu anga ni hekalu lisabagia dhahabu kwa Mugwe? ¹⁸ Lenge, ‘Monto olya akesima kwa dhahabu, tii kinto, ale monto olya akesima kwa dhahabu, asimaga kwa yyene, na kwa Binto binse bilya bileegolo lyehe.’ ¹⁹ Enyie mule ng'akuri, mamuna kehe kilya kikolo, sadaka anga dhahabu nio esaabagia sadaka Kwa Mugwe? ²⁰ Mwanya olya asimaga kwa dhahabu, asimaga kwa yyene, na kwa binto bionse bilya bileegolo lyehe. ²¹ Nene olya asimate kwa hekalu asimatekwa hekalu na olya amutire kwa lyene. ²² Nene olya asima kwa egolo asima kwa olya amterye egolo lyene nanio horiga ya Mugwe olya ale kwegolo yehe.

²³ Emai enyie bamwalimu ba sheria na mabarisayo, baghamba kubele, mubelaga bantu bahumye kikomi na manyeka jalya jale misera, bizari na jira na kuno muhabire na kono mwahaba sheria bwuo saba erere bantu na edekela, jaja joo mubakondagwa mujaheterye na muhabe obelwa jange. ²⁴ Enyie bule bekorani ng'akuri, muhumagia ngii kwa kilya munyejate, ale mwamela ngaa!

²⁵ Mabarisayo ng'akuri, sabyai kikombe kwa ndane na kwegolo kukekolwa kuseri. Emai enyie bamwalimu basheria na mabarisayo, bagamba kubele musabagia kikombe na kirano, kwegolo ale kwa ndane kile ghororo netuja bantu neeyoka. ²⁶ Mabarisayo ng'akuri, sabyai kikombe kwa ndane na nkwegolo kukekolwa kuseri.

²⁷ Emai enyie, bamwalimu ba sheria na mabarisayo, bagamba kubele, mwanganene na mberera kwegolo jibire shoka ale Kwa ndane ni maguha jabantu basirire. ²⁸ Nenyie nenyie mubarewkanate mule bajaregu kwa kahane nale kwa ndane mwojore bubeju na egamba kubele.

²⁹ Emai enyie, Baandishi na mabarisayo, bagamba kubele, mwobokaga mberera jya munabii ne jaremba na mberera jya bantu bajaregagu. ³⁰ Enyie Mubugaga kola eshie twang'orire etola lilyababa baleho lee tutale twedekirania na boo tukabolage Manabii. ³¹ Kwa bobyo Nandibanishate enyie mule bene ba bana balya babolageire Manabii. ³² Hayya alyabatigarie baghonio ghayyai. ³³ Enyie lubyalo lya tyanyi mwojire busongo, mukegitabo ebuga muhabe eyya kwa moki jwa Jehanamu? ³⁴ Mamuna kyio nie baletelaga Munabii. Bantu bale bughara na bamwalimu, mwababolaga na bange mwababohobiha mitegolo, na bange mwabatura na marimiti kwa masinagogi jienyu neegera kubasora kwa mijyie jyonse. ³⁵ Na bubeju bwonse mukebajela nebabana kwa bulyalya mwetire ndaghami jyobo nseeno kwa bulya bantu bajaregu. ³⁶ Nibabielate saba lubyalu lolo nduketirirwa kwa bubeju bobyo.

³⁷ Yerusalemu ee Yerusalemu, wee ubalagate munabii na balya batomirye kwayyo. Kalenga sumaga emogani baniyyo baje kwawa, bobulya gugu emoganagya benihe nebabeka babaswa jehe, ale walega. ³⁸ Raberya, nyumba yayyo ekehabwa ni bantu anga kinto. ³⁹ Nanie nikubielate, utimune ebana lenge, okeng'orebuga lee, namiserigwe olya akeja kwe ebina lya Mwegeri.”