¹ Yesu akajokya nabo lenge kwa mithali, akabuga, ² “Bwegeri bwa kwegolo bwanganigwa na Mwekorani omwe agharatye mwenihe bighoba. ³ Akatoma batomwa bwehe bakabugela balya bakeja bighoba; nabo bakaleka eja. ⁴ Mwegeri akatoman lenge bantu kwa bange, abugate, ‘Babiele babyo bajate bighoba, “Doghorai ni bagharerya bighoba, Ng'ombe na bilya bijamagu bisubire esenjwa na byonse bisubire erugwa, enjoo bighoba.”’ ⁵ Ale bantu nabo bakakolwa batinabyo, bakagera bakahaba na nabyo, omwe akagera kwa mugondegolo jwehe, na omwe akayya bujurusi bwehe. ⁶ Na balya babatigwa, bakabada batomwa behe, bakabagharya bubeju, nebabogela bakakya. ⁷ Mwekorani oyyo nene akamena, akahira masahu jehe, bakasuba babyo bababoragire akajujagha moki mujye juobo. ⁸ Asuba akabiela batomwa behe, ‘Bighoba birunerere, ale balya babugerwe, tiibobene, ⁹ Ryolo gerai ayyo logolo ya nkondo, balya bonse mukebana babugelei baje bighoba.’ ¹⁰ “Batomwa babyo bakahuma bakagera kwa nkondo ekolo, bakamogania balya bonse babande, babejagu na bajaregagu; bighoba bikojola bageni. ¹¹ Mwekorani bulya asharire akadoghora bbageni behe, akabana hoo monto atyiebekire ngobi ya bighoba! ¹² Mwekorani akabuga, ‘Muhenji, ubasharishari boo otii na ngobi na bighoba?’ Nene akengeranwa. ¹³ Mwekorani akababiela, mughayya milemo, ‘Mubohei miboko na magolo, mutolei mukamute kwea kihundye kwa kaane; kyio kukekolya na lujuru na esha magego.’ ¹⁴ Mamuna bantu balya bariri babugererrwe baneni, ale balya barobore bariri.”

¹⁵ Ndyo mabarisayo bakagera, bakaekalaga, boo baka mugwatya kwa makalaga jehe. ¹⁶ Ndyo Bakatoma kwehe batubageri bobo na Maherodi. Na bakamubiela Yesu, “Mwalimu, tujeebuga wee ole monto wa nsaba, na nkondo ya Mugwe umimanyeregia kwa saba na rari utiryalaga bulya monto ang'ana, mamuna utidoghoraga bulya monto anga. ¹⁷ Ryolo tubiele bulya obone? Ndihikire eleha Kaisari godi, anga tiibyo?”

¹⁸ Ndyo Yesu akamanya bubeju bwuobo, akababiela, “Ale tii mubasumaga, enyie bagamba kubele? ¹⁹ Mbananiai helajya godi.” Nabo bakamuletela dinar. ²⁰ Yesu akababiela, “Niwau bisha eno, na lunyamu lolo?” Bakamubiela “Ndwa Kaisari.”

²¹ Ndyo Yesu ababiela, “Lehai Kaisari bilya Kaisari, Na Muhee Mugwe jalya jya Mugwe.” ²² Bulya bojirye bakadeka, bakamuhaba bakagera.

²³ Nkya eyo bariri ba Masadukayo, bantu babugaga ebuga hati kiyama, bakamutuba bakamuborya. ²⁴ Babugate, “Mwalimu, Musa abugire, ‘Monto akya, akolwa atibana, mondogo wehe nakwee wabaka oyyo, ebuga abyalele mondogo wehe.’ ²⁵ Ale, weto hale na bandogo muhungati, warigisasi akakwa, akakya, na balya atyandi ebyalaga na wabaka oyyo, akahabela mondogo wehe wabaka oyyo. ²⁶ Na byio bobyo, wakabele, nawakadatu, bakang'orehika muhungati. ²⁷ Hayya, ndyo bionse na mugharisha oyyo akwerwe akakya. ²⁸ Hayya kwa kiyama, akekolwa mukehe wau, kwa babyo muhungati? Mamuna bonse bale nene.”

²⁹ Ale Yesu akajokya, akababiela, “Mwobate kwa bulya mutije ekala lya Mugwe. ³⁰ Mamuna kwa kiyama kutikwejagwa anga ekwebwa, ale bonse babejagu bo Malaika Kwegolo. ³¹ Lenge kusikelo kwa kiyama kya Bantu mutyati esomaga ekala libugate nalyakalagirwe Mugwe, ebuga, ³² ‘Nie nde Mugwe wa Ibrahimu na Mugwe wa Isaka, na Mugwe wa Yakobo?’ Mugwe tii Mugwe wa balya bakire, ni Mugwewa balya bale serye.”

³³ Na Kimuhyo bulya bojire, bakadeka kwe marererya lyehe.

³⁴ Ale, Mabarisayo bulya bojirye ababahinga mania babyio masadukayo, bakalagela hamwe. ³⁵ Omwe woobo aje sheria, akamuborya kwe musuma. ³⁶ “Mwalimu kwa Torati ni amuri kee ekolo bulya jyionse kwa sheria?”

³⁷ Akamubiela, “‘Ndazima umukonde Mwegeri Mugwe wayyo kwa serye yayyo yonse, na kwa Nkoloo yyayyo yyonse, na kwa bughara bwayyo bwonse.’ ³⁸ Eno nio amuri elya ekolo na nio ya bushone ³⁹ Na ya kabele elya yangane nayyo, neno ebugate, konda muhara wayyo bo Nkolo yayyo. ⁴⁰ Kwa amururi jiiji ebele jyedinyire Torati na Munabii.”

⁴¹ Na mabarisayo bakamogana, Yesu akababorya. ⁴² Akabuga, “Ale mubone bo kwa kusikelo kwa Kristo? Mwana wau?” Bakabajokerya, “Mwana wa Daudi.”

⁴³ Yesu akababorya, “Ale libababo, Daudi kwa Nkolo abugelate Mwegeri, abuga, ⁴⁴ ‘Mwegeri akamubiela Mwegeri wawa, “Mutya kuboko kwawa kwa kubulyo, rari ndaghare bahoma bayyo, bakolwe nsee ya Magolo jayyo”’? ⁴⁵ Kola Daudi akabugela ‘Mwegeri,’ libaba boo ni mwenihe?” ⁴⁶ Rari hati monto ahikire emujokerya Kinto; na hati monto asungurere lenga akamuborye kinto lenge.