¹ “Mamuna bwegeri bwa Kwegolo bwangane na monto ale na nyumba ahumire kutune egera eha bamilemo ne bahira mugonda jwa misabibu. ² Na bulya bedekeranie na bamilemo ne baleha kwa kyadinari, akabahira kwa Mugonda jwehe jwa misabibu. ³ Akahuma mugero jwa roba egelegela mugero ya kadatu, akabana bange bemire sokoni bati na milemo. Nabo babyio ⁴ akababiela, ‘Gerai nenyie kwa mugonda jwajwa misabibu, na kilya kyienyu nikebaha.’ Bakagera kughaya milemo. ⁵ Akahuma lenge ngero ya roba ema na mugero jwa saa kenda akaghaya bobushone. ⁶ Na gero ya roba eghuma libanga maela ngita, akahuma, akakola bange bemire, akaba bela tii mubema oho musenya jwonse mutii milemo.

⁷ Kwa bulya hatii monto wetuhamilemo, akababiela, Gerai kwa migonda egolo jwa mizabibu.’

⁸ Kwabulya kwerire, mwene wan mugonda akabiela mudoghori wehe, ‘Bugela bamilemo ubalehe kyiobo, urunele wa roba ekela na waroba angama ngita.’ ⁹ Na bulya bajire balya baroba angama ngita baherwe jasha boo dinari. ¹⁰ Balya babushone bulya bajire, bakagera bo bakehebwa bisamu, ale jagha bo bakalehwa dinari imwe kila monto. ¹¹ Bulyua baherwe bakamjigha, bakaregerya monto olya abahere milemo wa nyumba.

¹² Babyio ba bamugero jwa kubera, babaghayya milemo bweeshe gero limwe, nawqe ubabaleha boeshie, nesshie gtubeghomerya sina na ghari ya musenya jwonse.

¹³ Nene akamujokerya omwe wobo, akamubiela, ‘Muhenji, tii kwebate, tutyatii edekerania ke kuleha dinari imwe? ¹⁴ Toola kilya kyayyo ogere, bakonda ehaa oyyo wa kubera bowee.

¹⁵ Tyekonda lyawa agharya byawas kilya akondate? Anga riso lyayyo libaba libeju kwa bulya nie babamujaregu?’ ¹⁶ Na byobo byo wa mudubugheka akeba wa murune lelu, na wamurunelelu akeba wa murune lelu, na wamurune lelu akeba wa mudughukelu.”

¹⁷ Yesu akakolwa akerate kwa Yerusalemu, akagera na matubageri bwehe ekomi na babele hantu ahati bantu na nkondo akebalela. ¹⁸ “Doghorai twayya kwa Yerusalemu, na Mwana wa Adamu nakedabwa nehira kwa bakolage ba makuhani na Baandishi: naboo bakemubolaga. ¹⁹ Na bake muhira kwa bantu bamatongo mugharuna, nemutura kwa mighoba ne muheneka musalabani, na nkya ya kadatu aryoka.”

²⁰ Ndyo ng'ina ya bana ba Zebedeyo akamutuba na benuhe, bakamusegela birugunyi ne mwehela bobyio. ²¹ Akamubiela, “Akondate njii?” Akamubiela, “Buga banuwa baba babele omwe amtyie kuboko kwa bulyo na onge kuboko kwa kumoso kwa bwegeri bwayyo.”

²² Yesu akamujokerya akabuga, “Utimanya tekilya wehelate. Ale, mukehikya enywela kikombe kilya kenywela?” Bakamubiela, “Tukehikya.”

²³ Akababiela, “Mukehika enywela kikombe kilya kinywela; Ale, emutya kuboko kwawa kwa kubulyio nna kumoso tii na amri yebaha, ale bakehebwa balya badagharerwe Mugwe wawa.”

²⁴ Na bobyio ekomi bulya bojire, bakane genia balugu babyio babele. ²⁵ Yesu akababugela akababiela, “Bujeebu bakolage bab bantu batyokokire bamuteragya horiga kwa nguru, na bakolage balya bale egolo lyobo babatiriraga. ²⁶ Ale litumune ekolwa bobyio kwenyu, ale olya akekonda ekolwa mukolo kwenyu, nabe mumilemo wenyu. ²⁷ Na olya akekonda abe wa bushone nabe mumilemo wenyu. ²⁸ Bobulya Mwana wa Adamu atyajire egharigwa milemo, ale najire eghaya milemo nehumya Nkolo yehe elehe ng'adaba jobo. Na bulya abokaga Yeriko kimuhyo kineni kikamurohya.”

²⁹ Mugero eboka Yeriko kimuhyo kineni kikamurohya. ³⁰ Na doghora bantu bati meso babele bamutire mubale jwa nkondo, na bobulya bojire ni Yesu ahedate, bakabugelana bakabuga, “Turere, Mwegeri Mwana wa Daud.” ³¹ Kimuhyo kikabasungura, kikababiela Sisai, Ale boo bakabugelana kwa nguru, bakabuga, “Turere Mwana wa Daudi.”

³² Yesu akeema akababugela, akabuga, “Mukondate bagharye njii?” ³³ Bakamubiela, “Mwegeri, tukondate meso jeto jahingoka.” ³⁴ Yesu akabarerera akabadaba meso jobo; nalyio lyene bakabana, bakamurohya.