¹ Lilya Yesu a berire batubegeri b ehe ekomi na babele, akaboka gokyio akagera emarerya bantu na ekalaga, egalegalya kuholo.

² Yohana akojya ale gokyio kwa Gerezani bilya Yesu aghayyatye, akatoma batubegeri behe, ³ na bakamuborye, “Wee nwee o, lya ajate, anga tubete unnge?”

⁴ Yesu akabnajokerhya akababiela, “Gerai mukambiele Yohana jalya mwojatye nebana. ⁵ Bantu Balya bati messo babana balya baghobye kire bagerate, balya bale bukoma babasabigwa, balya batyojagia bebojyia na balya bakire baryokigatwe, na balya bati gantu, bakaragerigatwe ekalaga lya kuholo. ⁶ Na eng'oni monto olya woonse atimune ekolwe na kimeni nanie.”

⁷ Na bantubegeri ba Yohana bulya bihondore, Yesu akarunela nekaragerya kimuhyo kusikelo kwa Yohana, “Mubahumire egera kwa bwelo egolo, edoghora njii? Manyeka jaswangijate dububu? ⁸ Ale mubahumire edoghora njii? Monto abohirwe ngobi jihusu? Doghorai bantu balya bebohire ngobi jihusagu bakolagwa nyumba jya bekorani. ⁹ Ale ninjii mwahumire? Ne doghora munabii? Byio nimbabielate, na olya ale mkolo eheta munabii. ¹⁰ Oyyo nuo andekerye jaja, ‘Dogjhora, niee natoma, munabii wawa, bushone bwa busho bwayyo-olya akegharerya nkondo yayyo bushone bwayyo.’

¹¹ Edekelai nibabielate ndya saba, atyati eghubukaga monto wa lubyalo lwa wabaka ale mukolo anga Yohana mubatiza ale olya muriri kwa bwegeri bwa kwegolo ni mukolo eheta Yohana. ¹² Eboka kya lya Yohana mubatiza eghora Ryolo bobyio, bwegeri bwa kwegolo bubanekanaga kwa nguru, nabalya bale nguru bakebuhira. ¹³ Mamuna manabii bonse na sheria babugire mugero jojyo jwa Yohana. ¹⁴ Na kola mukondate edekela, woo nuo eliya olya akeja. ¹⁵ Olya ale masikelo jojya nojyie.

¹⁶ Ale nie njanganie nanjii lubyalo lolo? Kyangane na bana bamutirye sogon, babugilate balugu bobo, ¹⁷ nebuga, ‘Twasegire bilimbi, anga mutyati enonsa, twajurire, anga mutyati ejura neshe.’ ¹⁸ Mamuna Yohana ajire, atilagelaga anga etinywete, bukabuga ale muhoji. ¹⁹ Mwana wa Adamu, ajire, alegelate neenywa, mukabuga, muyyokuoyyo, na mubogitio, na muhenji wa badosa godi na bantu bale ng'adaba!’ neemanya lya manyekane nane na saba na milemo jyehe.”

²⁰ Yesu ndyo akarunela ehasna mijye jilya jyonse jya gharerigwe nebana eghau lyehe lineni, mamuna jityati erigoka. ²¹ “Ema wee, Korasini! Ema wee bethsaida! Mamuna kola eghau lilya Yesu aghaire kwenyu lyaghaikire Tiro na Sidoni, bale barigoka kala, kwebeka ngobi jiboroshokire neebira ebuu. ²² Ale nieenababiela, ekekolwa ndibosoboso Tiro na Sidoni ehikya elehwa, lyobo kyeyyo yelehwa lyobo eheta enyie. ²³ Ale wee, Kapernaumu, weeokekorigwa heheta kwegolo? Ukeharokigwa ung'ore eyya kwa kiselo kyanse, mamuna ghau elya eghaekire kwayyo, naghaikire Sodoma bale barigoka nekolwa mujyie jwene ryolo bobyyio. ²⁴ Ale nibabielate, ekekolwa ndibasobaso nsee ye Sodoma ehikya elehwa lyiehe kya yelehwa eheta wee.”

²⁵ Mugero jojyio Yesu akajokya, akabuga nibakugokerya muhera, Baba mwegeri wa kwegolo na nsee, kwa bulya makalaga jaja ujabisire balya bale kidemi na bughara, ale ukamarerya bana bariragi. ²⁶ Byio baaba, mamuna byio bikughamerye bushone bwayo.

²⁷ Akabuga, niee ng'erwe binse Mugwe wawa, na nati olya aje mwana ale nesee weka, naga atiolya aje mulakolo, ni Mwana weka, na olya wonse Mwana akekonda emuhingola. ²⁸ Enjooi kwawa, enyie nyonse balya mutirire gate ne lemehelwa nmi mizabo nanie nikebaghatalokya. ²⁹ Ejiteleni mighoba yawa, mwemanyerye kulya ndee, mamuna nie jedire Mugwe nemutegeryan nkolo ndane, neenye kukeghamela mibele ndane jyienyu. ³⁰ Mamuna mighoba jyawa jibosoboso, misabojya wa jinaghanaghu.