¹ Yesu akababugela Batubageri behe ekomi na babele akabaha nguru jyiehija nkolo jibejagu, hajihumya, nehorya malwala joonse na bilwalu byionse. ² Na mabina ja batomwa ekomi ne belejaja; walimwe ni semini olya abugelagwa Petro, na Andrea mwondogo wehe Yakobo, na Mwondogo wehe Zebedayo na Yohana mwondogo wehe: ³ Filipo na Bartholomayo, Thomaso na Mathayo mudosa Bushuru: Yakobo na Alfayo, na thandayo. ⁴ Simoni Mkananayo, na Yiuda eskariote, nene nuo alegire Yesu.

⁵ Babyo ekomi na babele boo Yesu atomire. Nene akababiela akabuga “Mwabegere hantu halya batole bantu ba nsee na muhabe egera mjyie jyonsew jwa kwa Basamaria. ⁶ Anamuna yehe, mugerate kwa ng'ondi jilya jyiobire jya Israeli. ⁷ Na bulya mugerate, karagereryai nebuga, ‘Bwegeri bwa Kwegolo bubahika.’ ⁸ Horyai malyala, ryioka i biryoka, horyai bukoma, humyai nkolo jibejagu, muberwe bionse, humyai uhabelehwa, ⁹ Muhabe hira goro, anga robiyya, anga hela moghobe egolo jyienyu. ¹⁰ Anga mibogo jya sabari, anga magodi abele, anga birato, anga musengi, mamuna mughayya milemo ahikire hebwa byielya jiehe. ¹¹ Na Mujkye jwonse anga kayya konse kalya mukeshala, sorai nuo hene olya monto mjaregu na mtyai oho kyayahika mugere. ¹² Nenyie mwashala nyumba mwamigesha, ¹³ ale nyumba eyo, yahikya sayo yenyu emutye, kola etumune hikya sayyo yenyu nebajokele. ¹⁴ Na kwa babyo alege bedekeria nabategerya makalaga jienyu mwaehumu Nyumba eyyo, anga mujye jojyio, riribani bubughi bwa Magholo jienyu. ¹⁵ Edekelani, nibababiela, ikekolwa ndibosobnoso nsee ya Sodoma na Gomora ehikya eturwa kyaya yelehwa, eheta mujyie jojyio.

¹⁶ Doghorai, nie nabatoma boo ng'ondi gate gate ka boobwa, ale kolwai na bughara boo tyanyi, nekolwa basisuboo egukuu. ¹⁷ Emahelei bantu, mamuna bake bahira makorani, na kwa masinagoghi joobo hebafura. ¹⁸ Nenyie mketolwa nehirwa bushone bwa bakolo na bwekorani kwebina lyawa, ebuga libe bwejibe kwobo bantu balwa ba matongo. ¹⁹ Eba babahira hube demeribulya mukebuga mamuna mkehebwa mugero jojyio kyiebuga. ²⁰ Bobulya tienyie mukegamba, ale ni Nkolo Museri wa ghonio wenyu akegamba ndane yenyu. ²¹ Ndogo akelega mwondogo wehe ebuga abuga abolagwe, na mulakolo akelega mwenihe, na mwana akebokela esee na nijina nebabolaga. ²² Nenyie mkesolwa na bantu boonse kwa bulya munyighire ebina Lwawa. Ale ulya wonse akevbumilia mugero juhike noo akehonoka. ²³ Ngero babekeranie katika mujye jojo, rohelai junge, mamuna ni nsaba nie nibabielate, mutumune esuba mijyie jya Israeli, atyatija Mwana wa Adamu.

²⁴ Mutubegeri hatihetaga Mumanyi wehe, anga mumilemo atihetaga Mwegeri wehe. ²⁵ Ndihikerere Mutubageri angana na Mwegeri wehe, namughayya milemo angana na Mwegeri wehe. Nakola nie mwene wa nyumba bababugela beeLzeebuli, jagha enyie balya banyumba yene!

²⁶ Rari, muhabebaryala, mamuna hati ekalaga lilya llyebisire, likelegemanyekana, anga kibisirwe, kilege manywa. ²⁷ Lilya mbabielate enyie kihundye ndane, libugei hobiji, kilya mwojate kwa kibisi libugei nyumba yonse yyojyie. ²⁸ Haberira balya babolagaga mubele, batumuhikya ebola Nkolo, eng'oni muryale olya ahikagia ebolaga mubele na Nkolo na ebita Jehanamu. ²⁹ Ale na bijii bibele bitigoranigagwa kwa sumuni emwe? Nanga rari kamwe katitonyaga nsee alege manya Mugwe wenyu. ³⁰ Ale enyie rari lujyiele jya mitwe jyienyu jitarirwe jyionse. ³¹ Mubaherira ngoo, ong'oni enyie mutumune angana na nabijjii bineni. ³² Ryolo monto olya akebuga mushone bwa bantu, nanie nikumta bushone bwa Baba yawa wa kwegolo. ³³ Ole, monto ulya woonse akedega mushone n bwa bantu, nanie kemulega bushone bwa Mugwe wawa olya ale kwegolo.

³⁴ Muhabegera nie najire leta sayo nseeno, yyango, atyaji eleta sayyo, ale ndohyio. ³⁵ Mamuna najire ekerania monto ne ese, na mwana baka na ng'ina, na namorin ya monto na mori yehe. ³⁶ Na muhoma wa monto balya ba mwobo. ³⁷ Nene ulya akonde esee anga ng'ina ating'eteryie nie, atumune semela nie, anga olya akonde mwanabaka wehe, ating'eterryie tiinene. ³⁸ Anga olya atumuneebala Msalaba njwehe akandohya atumune jemela. ³⁹ Olya akeebana mubele jweehe akejoobya; na olya akeobya mubele jweehe na kejubana.

⁴⁰ Olya ababedekela enyie, ajedekere nie. ⁴¹ Na nene olya ajedekere nie, edekere olya atomire. Olya edekere Nabii bobulya nabii, akelehwa nabii, nene olya akedekela monto olya tarerwe nsaba, akelehera nsaba. ⁴² Na monto ulya abe noo akeha nee bagusha mai, oyyo wawa muriri, rari ng'oni mai jajiriru, bobulya mutubageri wawa, edegela bababiela, atimune ebola elehwa lyiehe.”