¹ Mugero jojyo Yesu akanungya Mugonda egolo nkya ya sabato; batubageri behe bakojya jalo bakarunela ebuna na nenyira ngano. ² Na mabarisayo bulya babande bakambiela, “Doghjorai batubageri bayyo ekalaga litibyo elighayya nkya ya sabato.”

³ Akababiela mutyati esomaga bulya Daudi akorye na jalo, woo na balugu behe? ⁴ Bulya asharire Nyumba ya Mugwe, akalya migate elya ya wonyesho bobulya lityale lijaregu kwehe emilya anga kwa balugu, yale jagwa makuhani boka? ⁵ Anga mtwati esomaga torati, bobulya nkya ya Sabato makuhani hekaluni badabadabelaga sabato nati bulya bakeba. ⁶ Ale nie nibabielate, bobulya oho hale olya ale mikolo atinga hekalu. ⁷ Ale kola mukemanya, mamuna ya makalaga ryolo, kondate marero, tii sadaka, mutibale elwa na balya mati buhombya. ⁸ Mamuna mwana wa Adamu mwoo Mwegeri wa Sabato.

⁹ Akabokoboka gokyio, akashala Sinagogi ndane lyobo. ¹⁰ Dooghora hale monto ale na kuboko kughobyekire; Mafarisayo bakamuborya yesu bakabuga. “Ale, ndihikire ehorya monto nkya ya Sabato?” bo bulya bale musidagia kwa eghaya ng'adaba.

¹¹ Yesu Akababiela, “Ninoo kate yenyu, ale na ng'ondi emwe, na ng'ondi eyyo etoonyire kisimiri ndane nkya ya Sabato, akelege mlinyigha ne mihumya? ¹² Ale, eng'oni monto atimune angani na ng'ondi rari kalenga? Ale ndijaregu eghayya najaregu nkya ya Sabato.” ¹³ Asuba akabiela monto oyo bobyo, emwa kuboko kwayyo, akakwemia akaholakukaba kujaregu bokwa gokyio kwa kabele, ¹⁴ Mafarisayo naboo boka bokoboka kaemutya nikalagela boo bwemubola habe kolwa.

¹⁵ Yesu bulyua amanyire bobyio akagera gokyio, bantu baneni baka murohya, akabahorya bonse. ¹⁶ Akabagirya bahabe mumanyisha. ¹⁷ Ebuga lihike ekalaga lilya lyabugikweni munabii Isaya, akabuga, ¹⁸ “Doghora, mutomwas wawa olya mulobore, mukondwa wawa, kola yawa eghamerigwe nwuo; nkejitela nkolo yawa egolo lyiehe, nene akekaragerya bantu ngendelu kwa matongo. ²² Mugero jojyo akaletelwa monto ale muhoji, atibanaga, negamba, akamuhorya, nene oyyo atighambaga ne bana. ²³ Kimuhyo kineni wakadeka, bakabuga, “Ale monto oyyo timwana wa Daudi?”

²⁴ Ale Mafarisayo bulya bajirye muujiza bobo, bakabuga “Monto oyyo ahumagya nguru jibeju ale kwa Beelzebuli mkolo wa kiselo kyanse.”

²⁵ Bulya Yesu amanyire kidemi kyiobo, akababiela, “Bwegeri bugwejaga, neghaeka atigantu, anga mujyie anga nyumba yonse yagwa yoka itumune ejoka ema. ²⁶ Na kiryoka ahumwa kiryoka, Mwegeri bwehe bukema kwa nkolo bo mwene. ²⁷ Ni namna kee bwegeri bwehe bwemire? Nanie nahumwa kiselo kyanse, kwa Beelzebuli, ale bana benyu bakahumya kwau? Mamuna mboo baka balya njoko. ²⁸ Ale nie nahumya kiselo kya nsee kwa nkolo ya Mugwe, mumanye Bwegeri bwa Mugwe bubabajela.

²⁹ Anga mboo monto akeshala nyumba ya Monto ale nguru agere binto byehe atimubokire oyyo ale nguru? Ndyo akegera nyumba Yehe.

³⁰ Monto ati hara yawa atinanie, olya atihayawa najaraganagya.

³¹ Kwa bobyo nibabielate, ng'adaba neka nlaga ne rumana bantu bakaghuigwa, ale kweruma Nkolo Museri monto atimune ghuerigwa ng'adaba. ³² Nene monto olya akegamba ekala lya Mwana wa Adamu jyehe jikeghuigwa, ale olya akerama Nkolo museri jyehe jitumune eghuigwa nseeno anga bulya bujate.

³³ Ghjayai mute jujareegu na tunda jyehe njijaregu, anga mughaya mute njubeju na tunda jyehe njibeju, mamuna kwa tunda jwa mute njumanyekanaga. ³⁴ Enyie lubyalo lwa ntyanyi, mkagamba boo bujaregu, kono mule babeju? Mamuna kania kamonto kahumaga kilya kila ndane yehe. ³⁵ Monto mujaregu ale na kibanda kijaregu kihumagya jajaregu; na monto mibeju kibanda kibeju kihumagya kibeju. ³⁶ Ale nibabielate ekalaga lilya lyionse litibwemelu lilya lyonse bantu bakabuga bakehumya netala kilya kyionse babugire nkya oyo ya ³⁷ njoko. Mamuna kwa makalaga jayo uketalelwa nsaba, na kwa makalaga jayyo akelebwa njoko.”

³⁸ Oyo kityue kya Baandishi na mabarisayo bakamujokerya, bakabuga, “Mwalimu tukondate tubane bitito bya dekya eboka wee.”

³⁹ Ale Yesu Akajokya akababiela, “Lubyalo lubeju na lwa busari kisorate kibana eghau, rari kitumune eba bilya keghayya ale kikebana nkilya Manabii Yona akerigwa. ⁴⁰ Bobulya Yona agharerigwe ale nkya esatu musenya na nabudiko kiburi ndane n kya singiri bobyio byio Mwana wa Adamu akekolwa nkya esatu musenya na nnabudiko kwa gate gate kwa nsee. ⁴¹ Bantu ba Ninawi bakema nkya ya njoko hamwe na bantu balubyalo lolo, nabo balebwe njoko bobulya bahombire, bobulya barigokire boo kwekalagerigwa Yona; na oho hale mkolo atighana Yona. ⁴² Malkia wa waharayyeheti akema nkya ya njokon kate gate ka bantu ba lubyalo lolo; nene akebalya njoko bo bulya bahombirye; Mamuna woo ajire eboka lukamba lwa halehu lwa nsee ebuga etyie emanya lya Solomoni, na oho ale mukolo ating'ana Solomoni.

⁴³ Kiselo kya nsee kyahuma monto, kinumgangia mubale hantu hati mai, akisora hantu hati heduduta kihabew bana. ⁴⁴ Na Kyabuga nihondola Nyumba yawa kulya nabokire; rari likeja, lyuabana natigantu, nihagewrwe, nehalohigwa. ⁴⁵ Lenge igagera, aetola neja na kisolo kya nsee kinge muhungati jalya jabeju muno na jya shala jamutwa hoo, na monto oyyo abamubeju eheta bushone bulya ale angete byio kukekolwa kwa lubyalo lolo lya ryolo bobyo lubeju.”

⁴⁶ Bulya akolwe agambate na kimuhyo, dooghora, ng'ina na ndogo jyiehe bakema kaane bakondate egamba nene. ⁴⁷ Monto omwe akamubiela, “Dooghora mwohoo nba ndogo jyaayyo bemire kaane, bakondate egamba nawe.”

⁴⁸ Ale Yesu Akajokya, akabuga olya ahere kusikelo “Maa ninoo? Na ndogo jyawa ninoo?” ⁴⁹ Akaghunyia kuboko batubegeri behe, akabuga, “Doghora, Maa na ndogo jyawa. ⁵⁰ Mamuna balya bonse baghayyagia kighamerya Mugwe wawa olya ale kwegolo oyyo woo mondogo wawa, na muruna wa na maa.”