¹ Amango Yezu ayandagalaga arhenga okuntondo, orhu tu rhabantu rhwamushimba. ² Sinza, haisha owolushomyio; amufukamira aderha: Nahamwirhu; okalonza ocese.

³ Yezu alambula amaboko gage aderha: nonzize; ocesibwe. Honaho olushomyio lwage lwahwa. ⁴ Yezu amubwira omenye wanka bwira omuntu yeshiyeshi. Cikone ojiciyerekana emw'omujinji wakanamuzinda ohane yo entuko; inkakulya Musa ahanguloga n'okwirhegeko lidesire.

⁵ Namango Yezu alikola arhenga e Kapernaumu, mukulu mumguma amushigana. ⁶ Amuyinginga erhi, Nahano, mwambali wani agweshire anahozire ebirumbu ali ahangaika bwenene.

⁷ Yezu amubwira erhi nqyisha imufumye.

⁸ Oyo mukulu amubwira; erhi Nahano, ntashinganini oje omunyumpa yani, cikone oderhe akanwa gaguma, omuntu wani afuma. ⁹ Bulya nani ndimukulu wabasoda, inkanabwira musoda muguma erhi genda anage de nalya nakabwira erhi yisha anayisha n'owundi erhi jira intya anakujire.

¹⁰ Yezu asomerwa aderha: erhi ntsingi bona omwemezi nkoyu omu israeli. ¹¹ Nani mbabwizire, banji ba rhenga ebuzukiro bwizuba n'ebusokero bwalyo bana yishi damzibwa haguma na Abrahimu, Isaka, na Yakobo oku meza mubwami bwa Nyamuzinda. ¹² Cikone abana bobwami bayi kabulirwa embuga mucihulu, aho kulaka n'okushishirha amino. ¹³ Yezu abwira olya mukulu: gende! Obwemere bwawe bwamufumize.

¹⁴ Akasanzi Yezu ahikaga emwa Petro, arhigana nazala alimwishushira. ¹⁵ Yezu amuheba kwa maboko, ishushira lyamurhenga mo, anafuma azuka anabakolera.

¹⁶ Nerhi biba bijingo bamulerhera banji ba; limo abazimu abafumya oku kanwa kage. Afumya nabandi baliho boshi. ¹⁷ Impuly'akanwa kaderhagwa na Isaya kahikirira. Erhi Yene abarhula endwala zirhu n'obuzamba bwirhu.

¹⁸ Akasanzi Yezu abonaga akatu kabantu kamuzunguluka, arhegeka oku bayicire ishiriza lye Galilaya. ¹⁹ Mwandisi muguma ayisha amubwira erhi mwalimu nakushimba ngasi hoshi wankaja.

²⁰ Yezu amushuza erhi banyambwe bagwerhe amalumba n'orhunyunyi rhugwerhi enyogo cikono mwene muntu arhagwerhi hwakalaz'irwe.

²¹ Owundi omubigirizibwa bage aderha; erhi ompe oluhuma ngendi bisha larha.

²² Cikone Yezu amubwira: “Inshimba.” Leka emifu ebish'emifu yabo.

²³ Ashona obwarho, abagirizibwa bage bamushimba. ²⁴ Labaga, akalaba kanji omu nyanja, ciru obwarho bwarhondaera okulohoma; Yezu erhi aliro. ²⁵ Abigirizibwa bage bamugendera bamuzusa banaci derha: Nahano, rhu cize rwamasherera!

²⁶ Yezu ababwira, cimwama yobohamwe ba nyakubula bwemere; ayimuka akangamira akalaba, kahulika.

²⁷ Abantu bazuka baderha: erhi muntu muci oyulira coli empusi yenyanja yamamukenga?

²⁸ Naye erhi ahika ishiriza, omucihugo ca bagerisi; bantu babirhi baliko empusi bamurhimana, barhenga omubyushu, balangi bwenene inkakulya nat muntu yeshiyeshi wankacigezir'eyomunda. ²⁹ Sinza barhondera okululukira baderha: bici rhukugwere mwene Nyamuzinda? Gurhiko wayishi rhurhindibuza nakasanzi kirhu karha cihikirira? ³⁰ Eburhambi hali obuso bw'engulube zakazagi lya.

³¹ Ezompusi zamuyinginga mpu orharhu hive, leka rhuje mwezi ngulube.

³² Yesu ababwira erhi: “Gendi!” mulizo'. Zoshi zayandagalira omunyanja zaja emuhengere omumishi, Zâhirigirha. ³³ Cikone abangere balibirha baj'eka baderha elyamyanzi yoshi na yezo ngulube nabo bantu baligwerhwi nazilya mpusi. ³⁴ Labaga abantu boshi bocihugo bashuna Yezu. Bamuyinginga arhenge mweco cihugo.