¹ Yezu, erhi aba amasokera omubwarho, ayicira enyanja, anaci gendera omucirungu cage. ² Na labaga, bamulerher'omuntu wecirema bagweshezize okuncingo, Yezu anlolereza obwemere bwabo, abwira eco cirema: “Ciseze mwana wani, ebyaha byawe bya babalirwe.”

³ Carhuma baguma babalya bashemuka baci duduma mumirhima yabo: baderha, ci, oyu muntu amajacira Nyamuzinda. ⁴ Yezu amanyus' engererezo zabo aderha: Bulyagurhi mugwerh'intimanya imbi intya mumirhima yinyu? ⁵ Bulya bici bizibu mukagarhi kokuderha: ebyaha byawe bibabablirwe n'okuderha: Yimuk'ogende?” ⁶ Ci, lyomuhasha okumanya kwo omwana womuntu agwerhe obuhashe bwokubabalir'ebyaha; abwira olya muntu ohozir'ebirumbu; yimuka rhol'obushiro bwawe ogend'emwawe.” ⁷ Honaho ayimuka agenda emwage. ⁸ Akasanzi olubaga lwabonag'ebyobijiro, baajamwe'coba, bakuza Nyamuzinda, owa haga abantu obubuhashe.

⁹ Erhyaba inka gendekera kuli bwenene, Yezu aban'omushemuka muguma adahire ahantu h'omukange' gwikoli, waderhagwa Matayo. Amubwira: “inshimba.” Ayimuka amushimbulira. ¹⁰ Konoko, Yezu abakolali ku meza acirhabala omunyumpa eci gugu ca bantu balibwire n'okalamo kabi bayisha badahala haguma naye' balya kumeza n'abigirizibwa bage.

¹¹ Abafarisayo mpu babone, babwira abigirizibwa: “Cirhumir'omwigiriza winyu agwerhe alya n'abantu barhali bashinganyanya n'abakalamu kabi?”

¹² Yezu mpu abiyunve, aderha: “Abantu barhalwaziri barhakalonza munganga, ci abalwazire bobaka mulonza. ¹³ Mugende muhugulirwe okuderha: Inciyunvirhe obushagaluke okw'ineema ci arhali omu ntulo. Bulya ntayishaga ahanyanya z'abokuli, ci enyanya z'abanabyaga.”

¹⁴ Hanyuma zaho, abigirizibwa ba Yohana bayisha embere za Yezu, bamubwira; “bulya gurhi rhwe' n'abafarisayo rhuci yimaokulya, n'abawe bigirizibwa barhabijira colyusiku luguma?”

¹⁵ Yezu abashuza: kaabira b'omuhya mulume bakwanine oku ci rhindibuza banali haguma n'amwira wabo? Insiku za ciyisha ezomuhya mulume abarhenga m'o lyo nabo bakaciyima okulya.

¹⁶ Ntaye wakaheb'ecirere comushangi muhyahya oku mukulukulu, bulya ogo muhyahya gwa na bera bwenene ogwabo mukulukulu. ¹⁷ Kobarhakana heba amanvu minja mumu gaka, bulya birha garhakaciba minja, ci kone bishinganine oku gusha amahyahya n'agaciri minja lyo gabikwa bwinja.

¹⁸ Yezu aciria bayerekeza eyi myanzi, labaga, omurhambuzi guma ayisha, afukama emalanga gage anaderha: Mwali wani acifa bonabuno, ci nkuyinginzire oyishe, omulambulire kwamaboko, analama. ¹⁹ Yezu ayimuka, anamukulikira haguma n'abigiribwa bage. ²⁰ Na lolaga, omukazi wokurhenga omuko myaka ikumin'ibirhi amuyish'enyuma, anamuhuma okukishumiro comushangi gwage; ²¹ Bulya akazagi cidesa omu ndalala zage: Erhi n'ankahika okuhuma oku musha ngi gwage kone, nayami fuma.”

²² Yezu aci galukira, anaderha, erhyamubona: Ciseze, mwali wani, obwemere bwawe bwakufumize'. Honah'omuzire anyami fuma.

²³ Akasanzi Yezu ahikag'omunyumpa yo mukulu muguma, abona abka lasa orhurhera n'olubaga lunene balya jir'olubi lunji; ²⁴ iderha: “Mucigendere buly'oyu mwana nyere arha firi, ci kone ahunire.” Cyabantu bamushekera. ²⁵ Enyuma zoku hiva ololubaga embuga, adaha, agwarh'okuboko kolya mwananyere, n'olya mwana nyere ayimuk. ²⁶ Bya yalagala ngasi hoshi mweco ci hugo.

²⁷ Erhi baba bamarhenga aholalira, Yezu akulikirwa n'empurha zibirhi, ezakagi yama: Orhubabalire mwana wa Daudi! ²⁸ Erhi bahika eka, zilya mpurha zayegera Yezu azibwira: Kamuyemire ko nana kol'ebyo? “Neci, Nahamwirhu, bashuza.”

²⁹ Intyo, abahum'ebusu, aderha: “Bibe bere Nkokwo bwemere bwinyu buli.” ³⁰ Nago masu gabo gayugulwa. Yezu abahamiriza bwenene aderha: “Harhabag'ogomuntu yshishi waya menye iyi myanzi.” ³¹ Ci, bacijaa hambuga baja yalagaza omucihugo coshi.

³² Okw'ababashemuka baci genda, balerhela Yesu omuntu wa bazimu baduma. ³³ Abazimu erhi babaga bamahinvwa, akaduma kaderha. N'olubaga lwa rhangala n'okuderha: coli olusiku luguma rhu rhali soki bona ebiri nkebi omu Iziraeli!

³⁴ Ci abafarisayo bakaderha: Bulya ali mukulu wa bazimu cocirhumire akul'abazimu.”

³⁵ Yezu akajagenda genda omu birungu n'ahandi hoshi, anaja yigiriza n'omubishagala, aja derh'ahanyanya zobwami n'okuja fumya ngasi malwala n'obulema. ³⁶ Olubaga mbu lubone, lwa ci shinga bwenene, bulya balikola barhindibusire n'okurhama: Baliyosire nka bibuzi birha gwerhe mwengere. ³⁷ Abwir'abanafunzi bage: “omwimbu gulimuunji ci abakozi bali basunguli. ³⁸ Intya muhune N'omwimbu arhume abimbuzi.”