¹ Orha twiraga owinyu olubanja lyo nawe barha yishi kutwira lo. ² Bulya bnakutwire olubanja nkoko nawe otw'olowinyu; na bulya olugero ogerer'owinyu lo nawe bakugerere ko. ³ Na gurhi wanka bon'ecihosho ciri omwisu lya mwene winyu, orhana langire olukungu luli omulyawe? ⁴ Erhi gurhi wakabwira mwene winyu mpu: ndeka inkukule olukere luli imwisu lyawe, na mulyawe muciri olukungu? ⁵ Ndialya! Rhangy'okule olukungu luli omwisu lyawe ly'ohasha okukula ecihosho ciri mulyowinyu.

⁶ Orha haga nakabwa ebintu biesibwa, murhna kabulirag'amagerha ginyu embere z'engulube, lyo zirha zilabarhaga n'amagulu gazo n'okuhinduka n'okubaberabera bihimbi bihimbi.

⁷ Muhune, mwahabwa, mulongereze mwabona, mukomombe mwa yigulirwa. ⁸ Bulya ngasi ohuna anashobole, na ngasi olonza, anabone, ngasi okomomba anayigulirwe.

⁹ Ka hali mukagarhi kinyu ye omwana wage ankahun'ecihimbi co mugati, naye amuhibuye? ¹⁰ Erhyamohun'ensamaki, amuh'injoka? ¹¹ Nkoku mwe bana babantu mwe murha shinganini mwakamenya okuh'abana binyu ebinja akasanzi babahunire, kanga sho winyu oli omumpingu arhabajirira bwinja bwenene kubalya bamuhunire?

¹² Nkoko, ngasi byo mwalonza abantu bajire ahanyanya zinyu, mukwanini mubajirire intyo; Bulya lir'irhegeko n'obulebi.

¹³ Muinjire omumuhango mufunda; bulya guba omuhango mugali n'enjira eri ngali ejir'ebuhezi. Nobu bali banji abagerera m'ogo muhango. ¹⁴ Ci kone omuhango guli funa n'enjira efundire ejir'omubuzine. Nabasungunu baibona.

¹⁵ Mumenye abalebi bobunywesi, kulya kuba banayishe emwinyu bayambirhe oluhu lwe cibuzi, ci endalala bashushi ne na kabwa k'emuzirhu. ¹⁶ Mwabamanyir'oku malehe n'ebijiro byabo. Kawankatwa amalehe g'omuzabibu oku migenge erhi etini oku murhi mubi? ¹⁷ Konoko ngasi murhi mwinja gurhenge kwa malehe minja, c'omubi guna kule amalehe mabi. ¹⁸ Omurhimwinja gurhanka kulaamalehemabi, ciru n'omurhi mubi gurhanka kula amalehe minja. ¹⁹ Ngasi murhi gurha gwerhi amalehe minja, guna kubwe na gu kabulirwe omumuliro. ²⁰ Kulyoko, mukwanine mubamanyire oku malehe n'ebijiro byabo.

²¹ Arhali ngasi bambwira: “Nahamwirhu, Nahamwirhu,” banaje omubwami bwe mbingu, ci balya bone bajira obulonze bwa Larha oli mu mpingu. ²² Banji bana yishi mbwira olo lusiku “Nahamwirhu, Nahamwirhu, karhurha lebaga okwizino lyawe, rhwa yimula abazimu n'okujira ebijiro bisomerine okwizino lyawe? ²³ Aholalira nayishi babwira oku bwalagale: “Inta soki bamanya coli olusiku luguma! Gendi kuli nani, mwe bankola mabi!”

²⁴ Cocirhumire, ngasi oliwa yunva eyimyanzi ingwerhe naderha anayi hebe omubijiro anabe nkomushemuka muna bwenge wayubakag'enyumpa yage oku musingi gwibuye. ²⁵ Enkuba ya niya, habolujaga n'empusi yadunda eyo nyumpa; ci cone bulya yali yubasirwe okwibuye erhabaga gurhi. ²⁶ Ci kone oyunvirhe eno myanzi ndesire arhana yisezizi kwanali nkamuntu muhuinja wayubakaga enyumpa yage enyanya z'omushenyi. ²⁷ Imvula erhi iyishi nia, inyinji n'empusi yagera yadunda eyo nyumpa, bulya erhali sezire yayihongola n'okuhirima kwaba kenene.

²⁸ Byahikir'oku Yezu amala aderha ebyo, orhutu rhwa bantu rhwa somerwa n'enyigirizo zage, ²⁹ Bulya kuba agzagi ba yigiriza nk'ogwerhe obuhashe c'arhali ngabigiriza babo.