¹ Abon'olubaga, Yezu anasoka okuntondo. Erhyaba adamire, e'ntumwa zamuyegera. ² Anayigula akanwa anabayigiriza aderha: ³ “Iragi lyabagalaganda bumurhima bulya obwami bw'empingu buli bwabo.

¹² Musime muna muna shagaluke, buly'oluhembo lwinyu lwa ishi balunji o'mumpingu bulya kobajiraga abali barhanzi o'mwigulu embere zinyu.

¹³ Mwehe muli munyu gw'igulu, c'amango gwa marhera ilala lya go, gurhi gwankjijirwa? Hasigalire kw'one oku kabulirwa e'mbuga n'okulabarwa n'abantu. ¹⁴ Mwehe muli bulangashane bw'igulu e'cirungu ciri hanyanya ly'entondo cirhankafulikwa. ¹⁵ Barhanayasa itara mpu bali heb'idako ly'olurhanda cikw'oki banali hebe o'ku karhala lyo liyakira abantu bali omunyumpa b'oshi. ¹⁶ Kw'onokwo obulangashane bwinyu bubonekane embere z'abantu l'yo babon'ebijiro binyu binja banakuze Larha winyu oli omumpingu.

¹⁷ Murhamanyag'oku nayishiri shab'irhegeko kandir'yobulebi, ntayishigi shaba cikuhikiriza. ¹⁸ Cikw'oki okuli mbabwizire kuhikir'empingu nigulu birhaka gera harhakablikana ciru ehikunyikunya n'omusingenyere ly'olwandiko kuhik'amango byosho byana hikirire. ¹⁹ Ngasi g'yo lya wana zaze higuma ciru hisungunu hyaga marhegeko n'owanayigirize abantu okujira byonebyo, ana hamagalwe musungunu omu bwami bw'empingu. Cikoki oyo wana ziyigirize abandi oyo anahamagalwe mukulu omu bwami bwani bw'empingu. ²⁰ Bulya imbabwizire ok'ubushinganyanya bwimyu burhanga rhaluka o'bwa ba sandukayo n'abafarisayo, mukayinjira omubwami bw'empingu.

²¹ Mwayunvirhe baderha oku kasanzi kageraga: “o'rhirhaga”, na: “Ingasiye waka yirha ashinganin'obuhane.” ²² Ci ko niehe mbabwizire ko ngasi yeshi yeshi wanaj'omuburhe ahanyanya za mwene wabo ashinganine ahanwe nabatwa manja; n'owana bwire mwene wabo: “ntakamaro” akwanine ahanw'embere ze ndeko yabashemuka. N'owanabwire mwene wabo: “cinganyi!” ashinganine n'omuliro gwe cihenama. ²³ Amango oliwa rhula entulo zawe okulutari obuli kengera kw'o mwene winyu agwerhi akanwa nawe, ²⁴ siga 'entulo zawe embere z'olutari ogende murhangi yunvikana lyo galuka ohikiriz'entulo yawe. ²⁵ Yunvikana n'omubulanyi wawe akasansi muciri omunjira n'oboba ly'orha hebaga oku batwa manja n'abatwa manja barha ku hebag'embere z'abimangizi babo barhishi kuheb'omumpamiko. ²⁶ Okuli nkubwisire orhamurhenga buzir'okulipa ecihimbi cobuzinda.

²⁷ Mwa yunvire ebyadesirwe,” Orha gonaga.” ²⁸ Ci kone niehe mbabwizire ok'owana lolekeze omukazi n'oku cifinja ye' mira angonaga nay'e omumurhima. ²⁹ Erhyangaba isu lyawe lyokulyo, lyankaba intondero yawe y'okuhirima, kula lyo ona likabulire kuli; bulya buli bunguk'emwawe ecirumbu cawe ciguma ci sherere kulusha ko mubiri gwawe goshi okuja omucihenama. ³⁰ N'okuboko kwa we kw'oku lyo gwakarhuma watembegane, kutwe ona kabulire kuli nawe; kulya kuba buli bunguke kuli we kwe cihimbi ciguma comubiri gwawe ci sherere ahalik'omubiri gwawe goshi gukabulirwe omucihenamu.

³¹ Mwa yunvirhe byaderhwa: “ngasi ye wanka yimula mukage anamuh'amaruba gokulekana.” ³² Ci kone mbabwizire ngasi ye lekana namukage nkarhali akasanzi ahabir'okubugonyi, erhyamujijire mugonyi; na ngasi ye wakamurhola enyuma z'okulekwa, eryalyagona naye.

³³ Kandi mwayunvire o'kwo byadesirwe oku bamira 'mpu “orha cigashaga ecihango cikon'embere za Nyamuzinda.” ³⁴ Ci mumenye, murha ci gashaga n'empingu bulya erintebe ya Nyamuzinda, ³⁵ Erh'okugwigulu bulya ho Nyamuzinda aheb'amagulu gage; erhyoku Yerusalemu bulya ciri cirungu c'omwami mukulu.

³⁶ Murhana cigashaga kwirhwe linyu, bulya murha gwerh'obuhashe bwoku hindula col'oluviri lwinyu luguma okuba lwiru erhi lweru. ³⁷ Akasanzi mulya derha, ebinwa binyu bibyokuli “Neci, neci” erhi “Nanga, nanga” Ngasi ebyanga yushuk'ahanyanya erhi byarhenga emwolya mulyalya.

³⁸ Mwayunvirhe byadesirwe oku “isu okw'isu, erin'okulino.” ³⁹ Ci kone nie ndesire, murha higisanagya n'abagoma; erhi omuntu ankaku shurha omwirhama lyo kulyo, ona muhindulire irhama lyolumosho. ⁴⁰ N'erh'omuntu anka kuheka lubanja hanyanya ly'ecishuli cawe cinja, onamulekere n'olubega. ⁴¹ Erhi omuntu anka kuseza 'mpumuluse kugulu kuguma, jira magulu cihumbi naye. ⁴² Ohe ngasi oku hunire orhana yimaga ngasi ye wanka kuhoza.

⁴³ Mwayunvirhe badesire “osime omulungu wawe, onagaye omushombani wawe.” ⁴⁴ Ci nie mbabwizire muzigire abashombani binyu mugishe ababa daka mubajirire aminja mubahunire balya balyalyanya n'aboku barhindibuza. ⁴⁵ Lyo mwa yishiba bana ba Larha oli omu mpingu bulya anyasi izuba oku babai n'oku binja, ana niese enkuba oku bashi nga nyanya nabarhali shinganyanya ⁴⁶ Bulya erhi mwa nkasima ababa simire, luhembo luci mwa nka yankirira? Ntalo bulya abahooza nabo intyo kwo bajira. ⁴⁷ Erhi mwanga lamusa benewinyu bone, bici muba mujijir'ebisomerine? Coli abanabyaha kwo nabo bajira. ⁴⁸ Intyo ninyu mube bimana nko kwo Larha winyu oli mumpingu ali mwimwna.