¹ Akokasanzi Yezu ahekwa n'omuka omwirungu lyoagendirhangulya na Lyangombe. ² Enyuma zoku mala ensiku maku gani mushi n'obudufu, arhalya ishali lyamuhuma. ³ Omurhanguzi amuyegea aderha: “Erhiwangaba oba mwana wa Nyamuzinda; hangula agamabuye gabe migati.” ⁴ Ci Yezu amushuza: “biyandisirwe,” omwana w'omuntu arha ka lama hanyanya z'omugati gone, ci bwenene hanyanya zakanwa ka Nyamahanga. ⁵ Lyangombe amuhek'omucirungu amuheba ahantu hayinamusire hakanyamuzinda ⁶ Ana mubwira: “Erhi wangaba oli mwana wa Nyamuzinda, cikwebe okwidaho; bulya biyandisirwe: “Ahangula bamalaika bage bakulnge " bana kuheke omu maboko gabo inkakulya okugulu kwawe kurhaka sarhala coli okwibuye.” ⁷ Ci Yezu amubwira: Biri biyandike “k'orhaka rhangula Nyamuzinda mulemi wawe.”

⁸ Lyangombe amuheka kandi okumurhezi muliri bwenene, amuyereka amami goshi g'eligulu, n'obukuze bwago, ⁹ amubwira: “Ebibintu byoshi nanaguhe byo, erhiwanka nfukamira onacinkube” ¹⁰ Honaho Yezu amubwira: Rhenga embere zani lyangombe, kulya kuba biyandisirwe: “Wanacikumbe Nahamwirhu Nyamuzinda wawe n'okumukolera yenene.” ¹¹ Intyo lyangombe amuleka na, dolaga, bamalaika baisha bana mokolera.

¹² Akasanzi Yezu amenyusibwa ko Yohana baamuhanyire, acirhengera omu Galilaya. ¹³ Arhenga e Nazareti aji lama E Kapernaumu hantu hayegerire Enyanja Y'e Galilaya mukaya ka Zabuloni na Nafutali. ¹⁴ Lyo bihikirira ebinwa bya derhagwa n'omulebi Isaya, budesire: ¹⁵ “Ecishagala ca Zabuloni n'e ca Nafutali, hofi n'enyanja, eburhambi na Yorodani, Galilaya lubaga lwabapagani! ¹⁷ Kurhondera ako kasanzi, Yezu arhangira ahubiri n'okuderha: “Mciyunjuze, bulya obwami bw'empingu buli hofi.”

¹⁸ Nkoko aligwerhe agenda eburhambi bw'Enyanja y'e Galilaya, abona bantu babirhi ba nda nguma, Simoni wa hagamalagwa Petoro namwene wabo Andereya. Balikazagi lash'olweshe lwab'omunyanja; bulya bali badub. ¹⁹ Yezu ababwira: yishi munkulikire na bajira badubi babantu.” ²⁰ Buzira kurhindirira basiga orhweshe rhwabo banamukulikira.

²¹ Aholalira Yezu agendekera kuli hisunguli, abona bandi bantu babirhi ba ndanguma nabo, Yakobo, mugala Zebedayo, na Yohana mwene wabo. Bali omubwaarho n'ishe wabo Zebedayo; balyahanga orhweshe rhwa. Abahagamala ²² honaho, barhenga'omubwarho bwabo haguma n'ishe banamukulikira.

²³ Yezu erhi aja gera gera omu Galilaya moshi aja yigiriza omubishagala, aja han'omwanzi mwinja gw'obwami anaja afumya amalwala n'obulema bwa ngasi lugero, omulubaga. ²⁴ Emyanzi yage ya yalagala omu Siriya moshi, bamulerhera ngasi ye wakazagi rhindibuka n'endwalaza ngasi lugero, n'ebirema, abalwaziryabazimu n'ebindi anakabaci. ²⁵ Bantu banji bwenene bamukulira kurhenga e'Galilay, n'e Dekapori, e' Yerusalemu, e'bu Yahudi n'ezindi ntambi z'Eyarodani.