¹ Erhi buca seezi, abakulu b'abjinji n'abagula b'omu lubaga lw'Israeli booshi bajirigi kuguma mpu bayirhe Yezu. ² Bamushweeka, bayisha bamudwirhe, bamuha Pilato, Kavurunera.

³ Amango Yuda olya wamuhaanaga abona uku Yezu bamamu twira olubanja, aciyunjuza, na zirya nfaranga makumi asharhu ba' muhaga, azishubiza abakulu b'abajinji n'abagula.

⁴ Ababwira erhi: “Maashi, najijire echaaha ene mpaana omweeru kweeru nti afe!” ⁵ Yuda akweeba zirya nfaranga omu nyumpa ya Mungu y'Abayahudi, agenda; enyuma ly'abo aji cimanika.

⁶ Abakulu b'abajinji barhoola zirya nfaranga, baderha mpu: “Amarhegeko giirhu garhadesiri mpu ezi nfaranga zihirwe omu mbiiko y'Enyumpa ya Nyamuzinda, bulya muko za faaga.” ⁷ Erhi baba bamalaagana, zirya nfaranga bazigula ishwa mubumbi muguma aali agwerhe, balijira lya ku kaabishamwo ebigolo. ⁸ Cho charhumire elyo ishwa liderhwa “ishwa lya muko” kuhika ene.

⁹ Ago mango erya myanzi omurhonzi wa Nyamuzinda Yeremiya aderhaga yaba. Adesire erhi: “Barhoola zirya nfaranga makumi asharhu (nfaranga ab'omu lubaga lw'abisraeli balagaananagaokumugula), ¹⁰ bazigula ishwa omubumbi aaliagwerhe, nk'oku Nnahamwirhu akurhegekaga.

¹¹ Yezu ahirwa emalanga ga kavuruneri, kavuruneri amudosa erhi: “Ka we mwaami w'Abayahudi?” Yezu ashuza erhi: “Okudesire.”

¹² Cikone enyuma ly'aho, amango ababkulu b'abajinji n'abagula bamusidaakaga, arhashizagya bici.

¹³ Ago mango Pilato amubwiira erhi: “K'orhayunvirhi ebyo bakusiidakiire byooshi?” ¹⁴ Ci kone nta kanwa Yezu amushuzize kuli ebyo byooshi, chiru kavuruneri asoomerwa bweneene ¹⁵ Oku ngasi idinye lya Pasaka, kavuruneri ayoorhaga aliika chigorogo chiguma, chilya abantu balonzize. ¹⁶ Ahoo, muli ago mango haali muntu muguma chaali chigorogo chijiire irenge, iziino lyaaco ye Baraba.

¹⁷ Lero pilato adoosa abantu baali bashimaaniine erhi: “Nndi mulonzize mmuliikire: ka Baraba erhi Yezu kristu?” ¹⁸ Bulya aali amanyire bwinja oku bamuhaaga Yezu erhi bwaagalwa bwaabo burhuma.

¹⁹ Amango Pilato abaaga akola atamiirage omu itribinali, mukaage arhma emunda aali mpu bamubwire erhi; “Omanye harhabe akantu kooshi kooshi ekarhi kaawe n'oyo muntu mweeru kweeru, bulya obudufu bw'ene, nalibukiire omu biloorho bweneene erhi ye rhuma.”

²⁰ Abakulu b'abajinji n'abagula bayemeeza abantu mpu bahune Baraba abe ye baliika na Yezu ayiirhwe. ²¹ Kavuruneri ashub'iyimuka omu kanwa, abadoosa erhi: “Nndi muli bo bombi mulonzize mmuliikire?” Bamushuza mpu: “Baraba!”

²² Pilato abadoosa erhi: “Najira Yezu odehwa Kristu?” Booshi bashuza mpu: “Omubambe oku musalaba!” ²³ Pilato abadoosa erhi: “Kubi kuchi ajijire obwo?” Cikone barhoondera okuyakuuza bweene n'emisi yaabo yooshi mpu: “Omubambe oku musalaba!”

²⁴ Erhi Pilato abona oku arhaajijire bichi, cikwone ehidugundu hyayiisha hyayuushuka, arhoola amiishi, akalaba enfune zage emalanga g'abantu, aderha erhi: “Ntabwini chibi chooshi kwoyu muntu, amaboko gani garha tumulaga omuko gwage! Mwene biri kwo!”

²⁵ Abant booshi bashuza mpu: “Abe rhweene rhwe rhumuheesibwa rhweeshi n'abaana biirhu!” ²⁶ Ago mango Pilato abaliikira Baraba; ashuurhiisa Yezu orhunyuli, abal'ibaha ye mpu bamubambe oku musalaba.

²⁷ Erhi haba kasanzi abasoda ba pilato bayiisha badwiirhe Yezu omu mwa kavuruneri n'omurhwe gwooshi gwamuzunguluka. ²⁸ Bamuhogola emishangi, bamuyambika iropo lidukula. ²⁹ Enyuma ly'aho, abasoda bahoola orhushami rhw'emirhi y'emishuugi, baluka mwo ishungwe, bamuhira lyo omu irhwe, banamufumbasa akarhi omu kuboko kulyo. Enyuma ly'aho, bakaafukama emelanga gaage n'okukaamushekera, bakaaderha mpu: “rhusengiire mwaami w'Abayahudi!” ³⁰ Bakaamutwiira kwo, banarhoola akarhi bakaamurhimba ko oku irhwe. ³¹ Erhi bayuusa okumushekera, bamuhogola lily'iropo, bashub'imuyambisa emishangi yaage babul'isha bamudwiirhe okuj'imubamab oku musalaba.

³² Amango bagendaga, bashimaana mulume muguma w'Ekureni iziino lyaage y'e Simo; bamuseeza mpu abarhule omusalaba gwa yezu. ³³ Bahika ahantu haguma hadesirwe Goligota, kwo kuderha oku “Hantu ha mpanga.” ³⁴ Aho, banyweekeza ho Yezu idivayi ligushe mwo endulwe; cikwoone erhi ayuusa okulabula kwo, arhalonzagya okulinywa. ³⁵ Bamubamba oku musalaba, bagabana n'emishangi yaage omu ku yiyesheera ensimbi. ³⁶ Enyuma ly'aho, bahatamala okumulanga. ³⁷ Aha nyanya l'irhwe lyaage, baheba h'olwandiko ludesure echarhumaga ahanwa, gadesire mpu: “Oyu, ye Yezu, mwaami w'Abayahudi.” ³⁸ Ago mango, bishuumusi bibirhi byabambwa oku misalaba eburhambi bwa Yezu, muguma ekulyo kwaage n'owundi ekulembe. ³⁹ Abantu bakaag'igera aho, bakaaduunda amarhwebakamujaachira, ⁴⁰ Bakamubwiira erhi: “We wakaag'ilonza okusheereza enyumpa ya Nyamuzinda w'Abayahudi, n'omu nsiku isharhu oyuubake eyindi! Chiichizagye weene, akaba oli mwene Mungu, yandagala kuli ogu musalaba!”

⁴¹ Kwo n'okwo abakulu b'abajinji n'abalimu b'amarhegeko n'abagula, bakaamushekera n'okuderha mpu: ⁴² Achizize abandi, chikwoone arhankahasha okuchiichiza! K'arhali ye mwaami w'Abisraeli? Ayandagalage kuli ogu musalaba, nirhu lyo rhumuyeemera! ⁴³ Achiikubagiraga Nyamuzinda, abul'iderha erhi: Ndi mweene Nyamuzinda. Ahoo! Rhulolage erhi Nyamuzindi alonzize okumuchiza buno!” ⁴⁴ Na birya bishuumusi byaali bibambe oku misalaba ebuhambi bwaage, byamujaachira nabyo okwo kwo na nneene.

⁴⁵ Aha kalengereere, omwizimya gwaba omu chihugo chooshi, gwahika nsa mwnda. ⁴⁶ Erhi kola yaba nsa mwenda, Yezu ayaama bweneene ehi: “Eli, Eli, lema Sabakitani? Kwo kuderha mpu: Nyamuzinda waani, Nyamuzinda wani, bichi birhumire wandeka?” ⁴⁷ Baguma muli abo baali bayimanzire aho bamuyumva, badrha mpu: “amahamagala Eliya!” ⁴⁸ Hon'aho, muguma muli bo akanya, aji'irhoola echihoorholo, achiyunjuza nkalishi, achihira oku irhwerhwe ly'akarhi, enyuma ly'aho, aheereza Yezu mpu anywe.

⁴⁹ Cikwoone abandi baderha mpu: “Lindi rhulole erhi Eliya ayiisha amuchize!” ⁵⁰ Yezu ashub'iyaama bweneene, arhenga mwo omuuka. ⁵¹ Muli ago mango, omushangi gwaali mumanike omu nyumpa ya Nyamuzida w'Abayahdi gwabereka mwo mpande ibirhi, kurhenga enyanya kuhika idako. Idaho lyagera mwo omusisi, amabuye gakaabereka, ⁵² ebyuusho (Nshinda) byafuunuka, n'abantu banji b'omu lubaga lwa Nyamuzinda, balya baali erhi bafiire, bafuuka. ⁵³ Bayoomoka omu byuusho n'erhi Yezu aba amaafuuka baja omu chishagala chimaana, bantu banji bababona.

⁵⁴ Omukulu w'abasoda Muroma, n'abasoda baali balanzire Yezu booshi naye, babaona ogwo musisi na ngasi byooshi byabiire; ago mango bayooboha bweneene, baderha mpu: “Kwobinali, anali mwene Nyamuzinda!”

⁵⁵ Bakazi banji baali aho, bakaalangiira. Baali bashimbuuliire Yezu kurhenga e Galilaya okuja amukolera. ⁵⁶ Baali mwo Mariya w'omu chishagala ch'e Magadala, na Mariya nnina wa Yakobo bo na Yuzefu, na nnina wabene Zebedayo.

⁵⁷ Erhi biba bijingo, muntu muguma w'e Arimateyo ayiisha, aali mugale, izino lyaage ye Yuzefu, naye aali mwigirizibwa wa Yezu. ⁵⁸ Aja emwa Pilato, amuhuuna omurhumba gwa Yezu. Ago mango pilato arhegeka mpu bamuhe gwo. ⁵⁹ Yozefu arhoola gulya murhumba, aguboha omu mushangi guderwa chitaani. Gwaali mushangi muhyaahya. ⁶⁰ Agu rherekeza omu mwina gwaageachihumbiisagya ntya omu lwaala. Enyuma ly'aho, ahirika ibuyee linene bweneene mpu afuunike mwo oluso lw'echuusho (shinda), abul'igenda. ⁶¹ Maria w'e Magadala n'owundi Mariya baali aho, baali batamiire emalanga g'echo chuusho.

⁶² Erhi bucha, kwo kuderha oku lwo lusiku enyuma ly'amarheganyo g'oluzira lw'Abayahudi, abakulu b'abajinji n'Abafarisayo baja emwa pilato kuguma, ⁶³ baderha mpu: “waliha mukengwa, rhwamaakengeera oku olya munyweesi, amango achiri aziine, adesire erhi: Enyuma lya nsiku isharhu nafuuka. ⁶⁴ Orhegekage balange echo chuusho (shinda) kuhika oku lw'ensiku isharhu, lyo abigirizibwa baage barhag'iyiish'izimba omurhmba gwaage, barhag'inayiish'ihasha okubwiira olubaga mpu anafuusire. Obwo bunyweesi bwanaba bwo bushub'ibiiha kulusha oburhanzi.”

⁶⁵ Pilato abashuza erhi: “Abasoda b'okuja izaamu aba. Gendi muhire abazaamu oku chuusho, muchilange bwinja nk'oku munahashire.” ⁶⁶ Ago mango bagenda, baseeza olumvi lw'echusho nk'oku banali bahashire, bajira ntyo omu kushuurha ibuye akashe n'omu kuhira kw'izaamu ly'abasoda.