¹ Akola kasanzi Yezu erhi aba amayusi derha eyomyanzi yoshi, anaci babwira abagirizibwa bage. ² Kamumanyire oku enyuma lya insku ibirhi basaka aba, mwene muntu ahanwa ababwa.

³ Nantyo bacihera haguma na bakulu baba dahwa na bashosi babantu omulugo lomujinji mukulu, waderhagwa okwizino lya Kayafa. ⁴ Banamujirira ihano lyokumugwarha Yezu okubunywesi n'okumuniga. ⁵ Cikone baderha: Arhali omukasanzi kolusiku lukulu ly'olubi lurhaji ciba mukagarhi kabantu.

⁶ Yesu amango ali e Betaniya omu nyumpa ya Simoni mushomyo, ⁷ Erhi Aba âli alya, mukazi muguma anacija emunda âli, erhi anagwerhe icupa lya mafurha g'ecishingo, anagabulagira okwirhwe ly'age. ⁸ Abigiribwa bage babona ntyo, bagwarhwa n'omutula, banaci derha erhi: bulya gurhi ogumuhona guli nkogu? ⁹ Karhali'aguza aga mavurha g'ecishingo cinene gagabirwe aba galanganda? Bagalaganda ¹⁰ Yezu ayunva oku bali baciduduma, abadosa bulya gurhi muli mwa libuza oyo mukazi, n'obo ajijire ecijiro cinja kuli nie cinsimisize. ¹¹ Bulya mulamire n'abagalaganda ensiku zoshi ciniehe rhurhali rhweshi esiku zoshi. ¹² Kulya kuba okukumbulagirako aga mavurha ahanyanya ly'omubiri gwani, abijijre omukuyalagaza okubishwa kwani. ¹³ Imbabwizire okuli, ngasi hoshi ogumwanzi mwinja gwana yigirizibwe omukarhi kigulu lyoshi, eci cijiro ajizire oyu muzire ca ishi derhwa omuku mukengera.

¹⁴ Omuntyo muguma wabalya ikumi nababirhi izino lyage lidesirwe Yuda isikariyote agendera abakulu babadahwa. ¹⁵ Anaderha: Bici mwakamankampa imbahise koye omumaboko ginyu? Bamupimira bihimbi makumi asharhu bya faranga. ¹⁶ Kurhenga mwakola kasanzi enjira yokumu heba omumaboko gabo.

¹⁷ Nantyo okulusiku lwa burhanzi lwe migati erhali mwe ngezo, abigirizibwa baj'emunda Yezu ali, mpubajimubwira ngahi rwarheganyiza ebilyo bya basaka?

¹⁸ Abashuza: Gendi omulugo ahamwamuntu mulebe mumubwire oku mwigiriza wirhu adesire akasanzi kani kalihofi. N'onzize indye basaka nabigirizibwa bani hamwawe. ¹⁹ Abigirizibwa bage bajira nkoku Yezu abarhumaga bana rheganya ebilyo bya basaka.

²⁰ Erhi akasanzi kebijingo kayegerera admala okucibo na balya ikuminababirhi. ²¹ Erhi aba akola adwirhe alya, anaciderha: Imbabwizire okuli, muguma muli mwe' ampeba omumaboko g'eshumusi.

²² Banai babala bwenene, barhondeza bamudosa muguma muguma, ka nie, ka nie' Nahamwirhu.

²³ Anabashuza, erhi ngasi oyu rhugwerhe rhwadubiza naye insihani ngumayoyo ye wampana. ²⁴ Omwana womuntu aci gendire, ngokulya byana yandisirhwe kuli ye'. Ci buhanya bwage owahana mwene muntu, byali shinganine kulimye' okurhaburhwa. ²⁵ Yuda wamuhanaga ashuza ana ciderha: indigi, Rabi? Wenana werhi waderha amushuza.

²⁶ Nerhi baba bakola bali balya, Yezu arhola omugati, agugisha N'okuguvuna bihimbi bibirhi, anaha abigirizibwa bage, anaderha: Yanki mulye ogu guli mubiri gwani. ²⁷ Arhola ecikombe naco avugomunkwa, anabaha anaderha: Munywe ko mweshi; ²⁸ Kulya kuba oggu guli muko gwani gwe ciragane ahanyanya lyabanji lyo bakulirwa ebyaha byabo. ²⁹ Cikone mbabwizire mwe, ntakacinwa agamalehe gomu zabibu haguma ninyu kuhika olo lusiku nanywa amahyahya kuguma naninyu omukagarhi kobwami bwa Larha wani.

³⁰ Nakasanzi baba bamayimba, banarhenga embuga, baja oku ntondo y'Emizetuni.

³¹ Na ntyo Yezu ana ci babwira: erhi mweshi mwa hirima ahanyany liani obudufu bwene: Bulya biyandisirwe okunashurha omwengere, n'obuso bwe bibuzi bwa shandazwa. ³² Cikoki enyuma zokufuka kwani, nabashokolera oku hika Egalilaya.

³³ Cikone Petro ashuza erhi amubwira: ciru abandi boshi bahirima ahanyany liawe, niehe ntahirime; ³⁴ Yezu anacimubwira okuli okuli inkubwizire, omwobu budufu bwene, embere oluhazi lubike, waba wamacindahira kasharhu.

³⁵ Petro amushuza: bika huna okufa rhwa fa haguma rhwembi ntaka kulahira, nabigirizibwa boshi ko banaci desire.

³⁶ Ahanyuma Yezu agenda haguma nabo kuhika ahantu haguma izino lyage Gestemani, abwira abigirizibwa bage damali aha, oku na gendi huna. ³⁷ Aheka Petro na bana babirhi ba Zebedayo haguma naye. Arhondera ababala arhi emisisi bwenene. ³⁸ Nantyo anaci babwira bira bani, omumu rhima gwani imbabire kuhik'okufa mubere aha muyize haguma nanani. ³⁹ Obo anaci tunda embere hitya, agwishirira enda ahirimira amalanga, arhondera ahuna: Larha wani, akaba byahashikana eci cikombe ci gerere kuli nanie, cikoki arhabaga bulonza bwani, ci inkuwalonza. ⁴⁰ Anaci shubira emunda abigirizibwa bage bali ashigana bali iro, Kokasanzi abwiraga Petro, kamurhaka lolereza haguma nanani cili ensa nguma? ⁴¹ Mube masu n'okushenga, murhagishi hirima omwirhangulo: omurhima guci rheganyize cikoki omubiri guli muzamba.

⁴² Ashubi genda bwakabirhi n'okugendi shenga: Larha wani akaba birhashinganini eci cikumbe cigere hali nanie ci kone incinywe okubuhashe bwawe bujirikane.

⁴³ Ashubi yisha, arhigane inkabajiri iro, omukuba amasu gabo galizidohirwe. ⁴⁴ Intyo abarhenga ho aciyegula, kuli nabo, agendi shenga obwakasharhu; agalukira bilya binwa byonanene. ⁴⁵ Ashubira, ayisha emunda abigirizibwa bage bali anaci babwira erhi gwishiragi murhamuke, bulya akasanzi kakola kahika, na mwene muntu ahanwa omumaboko gabanyabyaha. ⁴⁶ Muyimuke rhugende langiragi olya wampana ali hofi.

⁴⁷ Nerhi aba ali aderha, Yuda muguma wabalya ikumi nababirhi ayisha, haguma n'olubaga lunji na emigushu na nabagula barhenzire emwabakulu ba badahwa na bashosi ba bantu. ⁴⁸ Noyo wamuguzagya erhi anahanyire ecimenyeso, oyonka hoberho yenoyo nanene mumugwarhe. ⁴⁹ Nantyo agenda emunda Yezu ali caligumiza: Anaci derha erhi musingo Rabi; anamuhubira.

⁵⁰ Yezu amubwira: mwira wani, hikiriza ecijiro oyishire okujira. Nantyio balambulira amaboko kuli Yezu bamugwarha. ⁵¹ Nantyio muguma wabo owali haguma na Yezu, alambula okuboko kwage arhola engorho yage ayishurha mwambali womudahwa mukulu, amutwa okurhwir. ⁵² Yezu amubwira erhi mwira wani, galula akere kawe omulubarhi bulya ngasi yeshi wana yirhe okukere, anafe naye kuli ecoji co nanene. ⁵³ Erhi kocikebirwe oku niene nanene ntaka hashire oku yinginga larha wani anantumire bonabuno okusharungu ikumi nababirhi baba malaika. ⁵⁴ Ci gurhagi ebyayandisirwe byaka hikiriramo?

⁵⁵ Mwakola kasanzi Yesu anaci bwira gulimwandu gwa bantu: Ci mwalonza okungwarha nkamunyazi? Mudwirhe orwere nabagula> Ngasi lusiku nadamire omu ishengero kuguma nainyu nalingwerhe nabayigiriza maurhana ngwarhaga. ⁵⁶ Cikone eyimyanzi yoshi ehisire lyo ebya yandisirwe n'abalebi bihikirire. Honaho, abigirizibwa boshi bamusiga banaci libirha.

⁵⁷ Abagwarhaga Yezu banacimuheka ebwa nyumpa ya Kayafa ho abagula na bandisi bali dahire. ⁵⁸ Petro amushimbaeyomunda kuli, kuhika omucogo comujinji mukulu. Adahalahaguma nabo okulola obuzinda bwa byoshi.

⁵⁹ Nantyo abakulu ba badahwa na bahanuzi boshi balonza okuhamiriza emyanzi yobunywesi kuli Yezu lyo babona oku bamwirha. ⁶⁰ Kobarhana bana bici ciru baderha, ciru akaba bwesi bunji baishire. Ci kone ahanyuma babirhi bayisha. ⁶¹ Banaciderha erhi: oyu muntu anaderha erhi niehe nanaci shabula akaNyamuzinda nokushubi kayubaka kayurhe oku nsiku isharhu.

⁶² Omudahwa mukulu ayimuka anacimubwira; korhasuzizi ogu mwanzi? Oku abantu bahamirizize hanyanya zawe? ⁶³ Yezu anacihulikira. Omudahwa anaci mu bwira erhi inku hangwire okwizino lya Nyamuzinda ozine, orhubwire erhi wene we kristu mwene Nyamuzinda.

⁶⁴ Yezu amubwira wene nanene okudesire. Cikone mbabwizire kurhanga buno mwabona mwene omuntu adahire ebwa kuboko kulyo k'obuhashe anayisha okunyanya lye bibungu bye mpingu.

⁶⁵ Honaho Mudahwa mukulu abera omushangi gwage ana derha erhi amalogorha bici ruci lonzize ko obundi buhamirize bwage? Lolagi mwakano kasanzi mweshi mwaynvire okulogorha gwage. ⁶⁶ Bici mugererize? Baci derha: ashinganine okuyirhwa. ⁶⁷ Barhondera okumutwira kwa marhi ebusu, n'empi namaboko gabo. ⁶⁸ Banaci mubwira, erhi Kristu. Lebaga indi muguma murhwe okushusire?

⁶⁹ Nantyo Petro alidahire embuga omukagarhi kengoo, mujanyere anacija emunda ali anaderha: Erhi we, wali kuguma na Yezu weyimunda e Galilaya.

⁷⁰ Kobinali alahira embere za boshi anaciderha ntamanyiri iyimyanzi ojire waderha.

⁷¹ Na mukasanzi arhengaga embuga aja okucicaniro, mujanyere wundi amubona naye amubwira konakulya, erhi oyu muntu ananali bona Yezu we Nazareti.

⁷² Ana lahira bwenene n'okucigasha erhi okuli ntamumenyiri oyu muntu.

⁷³ Enyuma lya kasanzi kasunguni, balya nali yimanzire banaciyisha nokubwira Petro, erhi kobinali we oli muguma wabo bulya ciru n'oluderho lwayerekine nobwalagale.

⁷⁴ Arhondera okuheherera n'okucigasha erhi “ntamanyiri oyo muntu.” Naligumiza olugazi lwabika.

⁷⁵ Petro akengera akanwa Yezu aderhaga: “Embere olu gazi lurha cibika, erhi wana ndahire kasharhu.” Anayimuka aja alaka n'amababale manene.