¹ Ago mango obwami bw'empingu bwayumanana na bananyere ikumi barholaga amatara gabo, baji shimana n'omuhya mulume. ² Barhanu mulibo byali binganyi, n'abarhanu baligwerhy'obwenge. ³ Ebinganyi byarhozire amatara ci barha hekaga mw'amavurha haguma nabo. ⁴ Ci koki abenge barhol'amatara gabo haguma n'amvurha ⁵ Nabulya omuhya mulume arhindire, bagwishira banaj'iro.

⁶ Ahakagarhi k'obudufu, banayamiza lolag'omuhya rhuji mulnga! ⁷ Abona nyere boshi bana zuka, bana rheganya amatara.

⁸ Abahwinja babwir'abenge: Rhuhe nirhu kwago mavurha ginyu bulya amatara girhu gazimire. ⁹ Balya benge babashuza: Garharhuyenere rhweshi, mujire mugende duba emwabarhimbuzi, mujigula aginyu. ¹⁰ Amango bagendaga okugula, Omuhya mulume anahika, balya bali cirheganyize, banayinjira haguma naye omunyumpa yobuhya n'olunvi lwa na yigalwa.

¹¹ Akasanzi erhi kagera, balya bandi bananyere banahika baderha. Waliha wliha, orhuyigulire. ¹² Anabashuza: Okuli mbabwizire ntabamanyiri.

¹³ Muyize: mukuba murha manyiri olusiku n'amago.

¹⁴ Byanabe nkolya muntu wabalamaga, ahamagala abakozi bage abagabira ebirugu byage. ¹⁵ Anahereza muguma intalanta irhanu, owundi zibirhi n'owakasharhu inguma. Aha ngasi muguma nkokubuhashe bwage buli. Anacigendera. ¹⁶ N'olya walihabirwe entalant'irhanu, anagenda anayunguka izindi zirhanu. ¹⁷ Kwonakulya, n'olya wa habagwa ezibirhi anayunguka ezindi zibirhi. ¹⁸ Nolya wahabagw'oluguma, anagenda aji yaya omwina afulik'olugeshe lwanahamwabo.

¹⁹ Erhi hager'ensiku nahamwabo anashubuka, ana bahamagala ajire omubale nabo. ²⁰ Olya wa habagwa entalanta zirhanu anahika, anayerekana zindizirhanu, anaderha: waliha, korhampaga ntalanta zirhanu, lolaga nayungusire zindi zirhanu.

²¹ Nahamwabo anamushuza: kwokwo mukozi mukubagirwa namushinganyanya, wali mukubagirwa okubintu bisungunu, nanakuh'ebinji ishaga oshagaluke nanahamwinyu.

²² OLya wahabagwa entalanta ibiri naye ayisha, anaderha: wampire entalanta zibirhi nazirhimbula z'unguka zindi zibiri.

²³ Nahamwabo ana mubwira: kwokwo, mukozi mukubagirwa omubintu bisunguli nana kuheba omubinene. Yisha rhushagaluke nana hamwinyu.

²⁴ N'owa habagwa lutanlanta luguma ahnyuma anyegra, anaderha: Nahamwirhu, imba menyire okw'oba muntu mulangi, oku yimbula aho arharhweraga, n'okurhologola eby'orha shandazagya. ²⁵ Nayoboha, nana genda lufulika olwo lutalanta lwawe omubudaka; lolag, lurholage wenalo.

²⁶ Nahamwabo amushuza: mukozi mubi na molo, wamenyire okwo na sarure ahontarhweraga, n'okurhologola aho nta shandazagya; ²⁷ Ko rhaka jijire olugalule olwali lwani omumbiko, n'oku galuka kwani, nalinajilurhola n'obunguke. ²⁸ Mumunyage olwo lutalant lwani, muluhereze olya ogwerh'ikumi. ²⁹ Bulya bana hereze ogwerhe, n'oku muyushulira, n'orha gwerhi, ananyagwa coli n'ehyagwerhe. ³⁰ Nomukozi orha shinganin, mumu kabulire omumwizizi gwembuga, emunda yaba okulaka kugurha amino.

³¹ Amang'omwana womuntu anagaluke omubukuze bw'ishe, haguma na bamalaika boshi anabwarhale oku cirhi cage cakanabwami. ³² Olubaga lwoshi lwana lwana cilunda haguma embere zage. Anasebanule baguma omu bandi, nkokwo lungere asebanula ebibuzi omu mpene. ³³ Ana heb'Ebibuzi ekulya kwage n'empne ekulembe kwage.

³⁴ Agomango omwami anababwire balya bana b'ekulyo kwage: Muyishe mwe mwali gishirwe na Larha, mudahale omubwami mwarheganyizibwe kurhangir'okubumbwa kwigulu. ³⁵ Bulya n'ali shalisire, mwanampa ebyokulya, nali gwerhi enyorha mwanampa eco kunywa, ni mubunga wana nyegereza. ³⁶ Nali bushunzi, mwana nyambika, Nali lwazire, mwana ishi ntangula nali shwesirwe mwana ntangula.

³⁷ Abasinganyanya bana bana mushuze: Nahamwirhu, mango kasanzi kaci rhwa kubwine, oshslaisire, rhwa na h'ebilyo? Wali nyorhirwe, rhwa na kuh'amishi g'okunwa? ³⁸ Mango maci rhwa kubwin'oyasire, rhwa na kuh'ecigolo; erhibunzi, rhwa na kuyambika? ³⁹ Mango maci rhwa kubwine olwazire, erhi oli mumpamiko rhwana yish'emunda wali?

⁴⁰ Na mwami anabashuze: Okuli mbabwizire, ngasi hyo mwajirire mwabalya basungunu babene winyu, nie mwajirire.

⁴¹ Buzinda ana bwire balya banabe omu kuboko kw'ekulembe: murhenge embere zani mwe mwa hehelirwe muyinjir'omumuliro gw'emyaka ne myakula gwarheganyizibagwa Lyangombe nabamalaika bage. ⁴² Bulya nili gwerh'ishali, murhamp'ebyo nalya, Nanyorhirwe, murha nywesagya. ⁴³ Nali yasire, murhana'mpage cigolo; Nali bushunzi, murhanyambikaga, nali lwazire nanali omumpamiko murhantangulaga.

⁴⁴ Nabo bana mushuza: Nahamwirhu, mango maci rhwa kubonaga oshalisire erhi wali nyorhirwe, erhi wali yasire, erhi bushunzi, kand'erh'omumpamikwa rhurhana yishagi kurhangula?

⁴⁵ Anayishi bashuza: Okuli mbabwizire, ngasi cintu coshi murha mukoleraga muguma wolya musungunu mulimwe' erhyali nie mwabijirire.

⁴⁶ Aba bagenda emunda baji hanwa emyaka n'emyakula, cikone abashinganyanya, omukalamu k'emyakula.