¹ Yezu ashubiza ababwira okumigani aderha intya: ² Obwami bwe m'pingu bushushine na mwami muguma wajiriraga omugala wage obuhya. ³ Arhuma abambali bage bahamagale abali laliire okubuhya, ci barha simaga okuyisha. ⁴ A cibi rhuma abandi bambali, aderha: mu mbwirire abonalalisire okunkola rheganyize idinye lyani; enkafu zani, n' ebilyo binunu byabazirwe, binakola birheganye. Yishagi okubuhya. ⁵ Cikone barhakengaga, baci gendera. Baguma baja e bwishwa, n'o wundi eburhunzi bwage. ⁶ Naba sigalaga bagwarha balya bakozi ba mwami, baba hira ko babarhindibuza n'okubayirha. ⁷ Oyo mwami, ababurhe arhuma engabo zage baji yirha abobanizi; ayocha ecihugo cabo. ⁸ Buzinda abwira abambali, obuhya bukola burheganye: Ci abalalike barhakenzire. ⁹ Itya mugende omunjira, ebwamihanda yoshi, nabo mwabona boshi mubalerhe omw'idinye lyobuhya. ¹⁰ Abobakozi bagenda omumihanzi yoshi, baheba haguma ngasi yeshi babwine. Natyo obuhya bwayunjula balalike. ¹¹ Cikone erhi oyo mwami adahala alola mpu abone abalalikwa bage, abana muntu muguma arhayambirhi omulondo gwidinye. ¹² Amubwira erhi mwira wani; gurhi wadahire mo buzira mushangi gw'idinye? N'olya mulume arhaderhaga kanwa. ¹³ Mwami abwira a bakozi bage erhi mumushweke amaboko na magulu mumulengeze mumu kwebe omumwizizi, hwa ihi laka n'okushigisha amino. ¹⁴ Bulya abahamalwa bali banji, ci abashinganyanya bali banyi.

¹⁵ Agomango abafarisayo bacigenera, baji jira eci gamba cokumu rhega okubinwa byabo. ¹⁶ Bamurhumira abigirizibwa babo, haguma nabene Herodi. Bamubwira erhi Yezu, mwigiriza. Rhumanyire okuli muntu oderha okuli nenjira ya Nyamuzinda onamanyire okuli. Naorhalola bukulu bwa muntu yeshiyeshi orhana lola inshushano yamuntu mukagarhi kamuntu yeshi. ¹⁷ Rhubwire' gurhi obwine, kakuli kwinja olyalira; okulipa kahizari ikoli erhi nanga.

¹⁸ Cikone Yezu amanya amabi gabo. Aderha ci mwantangula; Ezindyalya. ¹⁹ Munyereke olufaranga lwibarati. Bamuhekra olufaranga. ²⁰ Yezu anacibwira, erhi: “Ya ndi eyi nshushano n'aga mandiko?”

²¹ Bamushuza, mpu: “Bya Sezari.” Yezu anacibabwira, erhi: “Ahoo! Ebya Sezari bigaluliragi Sezari, n'ebya Nyamuzinda mubihe Nyamuzinda.” ²² Erhi bayumva ntyo, basomerwa, bamuleka, bagenda.

²³ Olo lusiku abasandukayo baderha mpu ntabufuke erhi baja emunda ali, bamudosa. ²⁴ Mpu mwigiriza, Musa adesire mpu omuntu nkakafa aranaburhaga, omulumuna anarhola olya mukazi; aburhire mwene wabo abana. ²⁵ Hali misole inda banabanda nguma. Omurhanzi ayanga anafa, arhana ci burha mwana. Omulumuna asigalana mukage. ²⁶ Konoko owakabirhi, n'owakasharhu, kuhika oku wakalinda. ²⁷ Buzinda bwaboshi, olya mukazi naye afa. ²⁸ Ler'obo, rhuderhage, akasanzi abafire banafuke, oyu mukazi anabe wandi mukagarhi kaba baguma; bulya boshi bamurhozire?

²⁹ Cikone Yezu abashuza, ababwira: Ci mwana here bulya murha manyiri amandiko erhi, obuhashe bwa Nyamuzinda. ³⁰ Bulya, omukufuke, murhali kusheba erhi kushebwa. Bulya abantu boshi banabe nkabamalaika bempingu. ³¹ Ci kandi okumyanzi yobufuke bwabafire, kamurha somaga ebyo Nyamuzinda aderhaga: ³² Nyene nie Nyamuzinda wa Abrahimu, na wa Isaka na Yakobo? NTali Nyamuzinda w'emifu, ci indi Nyamuzinda wabazine.

³³ N'olubaga erhi luyunva ebilalira binwa, lwayoboha nezonyigirizo.

³⁴ Abafarisayo erhi bayunva oku Yezu amayigala orhunwa rhwa basandukayo, bajirigi haguma. ³⁵ Muguma wabo balimo birhegeko amudosa; mpu amurhangule: ³⁶ Mwigiriza, omukagarhi kamarhegeko lihi likulu?

³⁷ Yezu amushuza: Osime Nahano Nyamuzinda wawe okumurhima gwawe goshi, n'okubwenge bwawe boshi, n'emisi yawe yoshi. ³⁸ Eli lyoliri irhegekolikulu kandi lyaburhangiriza. ³⁹ N'elyakabiri lishushine nelyolira nalyo: Osime mulungu wawe nkoku oci sima. ⁴⁰ Omukagarhi kaga marhegeko gabirhi gogafundisire amarhegeko goshi n'abalebi.

⁴¹ Nankokwo abafarisayo baciri haguma, Yezu aba dosa. ⁴² Aderha: Gurhi mumanyire enyanya za Kristu? Ali mugala ndi? Bamushuza: “mugala Daudi.”

⁴³ Yezu ababwira: Kurhi byankaba Daudi, oyunjuzibwe n'omuka akamuhamagala Nahamwirhu, akasanzi aderhaga: ⁴⁴ Nahano abwizire Nahamwirhu: Dahala omukuboko kwani kwelulyo, kuhika impire abashombani bawe idako lyamagulu gawe. ⁴⁵ Kurhigi obo Daudi ahamagire Kristu, “Nahamwirhu”, Kurhagi aligi mugala wa Daudi? ⁴⁶ Ago mango ntaye muntu waci mushuzize akanwa koshikoshi. Nakurhenga ololusiku ntaye waci mudosize idozo lyoshilyoshi.