¹ Erhi bacihika hofi h'e Yerusalemi, oku ntondo y'Emizeti, e Betefaje, Yezu arhuma baganda bage babiri. ² Ababwira, erhi: “Jimwo cira cishagala cimmuyerekire: ho n'aho mwashimana endogomi nshweke n'omucukà gwayo haguma nayo; muyishwekûle, mubinderhere. ³ Hakayish'ijira owammubwira, mpu: “Kurhi oku?” munamubwire oku Nyakasane abilonza; ho n'aho anabirika.”

⁴ Ebyo byoshi byanaciba ntyo mpu lyo kulya kwaderhagwa n'Omulebi kuba, erhi: ⁵ “Mubwire omunyere w'e Siyoni, erhi: Lola oku Mwami wawe ayshire emunda oli: Ayishire mutûdu, abwarhire oku ndogomi n'omucukà gwayo.

⁶ Obwo abaganda bagenda, bajira okwo Yezu âli arhegesire. ⁷ Banacilerha erya ndogomi n'omucukà gwayo. Babibambakwo ebishuli byabo, bamuburhamazakwo. ⁸ Engabo y'abantu yakabamba ebishuli byabo omu njira; n'abandi bakaz'itwa amashami g'emirhi, banagabamba omu njira. ⁹ Orhutu rhwâli rhushokwire n'orhwâli enyuma rhwakaz'ibanda orhuhababo, rhwanaciderha, mpu: “Aganze Mwene Daudi! Agishwe oyu oyishire oku izino lya Nyakasane! Hazanna omu mpingu enyanya!”

¹⁰ Erhi acija omu Yeruzalemi, ecishagala coshi cageramw'omusisi. Bakacidosa, mpu: “Ye ndi oyu wa?”

¹¹ Olubaga nalo lwakaz'ishuza, mpu: “Oyo ye Yezu, mulebi w'e Nazareti omu Galileya.”

¹² Obwo Yezu anacija omu ka-Nyamuzinda, anacika hulusa abakag'ikaguza n'abâli badwirhe bagulira omu nyumpa ya Nnâmahanga: anacikulumbya oburhalule bw'abakag'ikâba amagerha, anahirimya entebe z'abarhunzi b'engûku. ¹³ Anacibabwira, erhi: “Kuyandisirwe ntya: Enyumpa yani yaderhwe nyumpa ya kushenga; ci mwehe mwamayijira lukunda lwa bishambo!”

¹⁴ Emihurha n'ab'amagulu gahozire bamushegeraho omu ka-Nyamuzinda; anacibafumya.

¹⁵ Erhi abakulu b'abadahwa n'abashamuka b'ihano babona ebisomerine amajira, n'abana badwirhe bayamira omu ka-Nyamuzinda, banaciderha, mpu: “Aganze Mwene Daudi!” bagwarhwa n'obumvu.

¹⁶ Banacimubwira, mpu: “K'oyumvirhe ebi aba badwirhe baderha?” Yezu naye anacibashuza, erhi: “Neci! Ci nkaba nta mango muzig'isoma ezi nderho: Omu kanwa k'abana barho n'orhubonjo, mwo wakûzire obukuze?”

¹⁷ Okubundi, anacibaleka, arhenga omu cishagala, acijira e Betaniya, atwayo icumbi.

¹⁸ Lero erhi kuba sezi, akola ashub'igaluka omu cishagala, anacishalika. ¹⁹ Erhi acibona omurhi gw'amalehe eburhambi nw'enjira, agujaho; ci arhagushimanagakwo bici, agarhali mâsi gône. Anacigubwira, erhi: “Mâshi irhondo orhacifaga wayanyirekwo irehe!” Ho n'aho gulya murhi gw'anaciyûma.

²⁰ Abaganda erhi babona okwo, banacisomerwa, banakaz'iderha, mpu: “Kurhi gulya murhi gw'amalehe gwamayûma bunobuno wani?”

²¹ Yezu naye abashuza, ababwira, erhi: “Okuli, mmubwizire, nka mugwerhe obuyemere na nka murharhindiri, arhali okwo njirire omurhi gw'amalehe kwône mwankajira; ciru erhi mwankanabwira eyi ntondo, erhi: “Yimuka, ocikwebe omunyanja, kwanaba.” ²² Na ngasi coshi mwahûne n'obuyemere omu nsengero zinyu mwahâbwe.”

²³ Erhi acihika omu ka-Nyamuzinda, arhondera okuyigiriza. Lero abakulu b'abadahwa n'abagula b'olubaga bamujaho; banacimubwira, mpu: “Oku buhashe buhi ojiramwo ebi byoshi? Na ndi wakuhaga obu buhashe?”

²⁴ Yezu ashuza, ababwira, erhi: “Nani nammudosa kanwa kaguma kône! Mukakambwira, nani nammubwira oku buhashe buhi njiramwo ebi. ²⁵ Obubatizo bwa Yowane ngahi bwarhengaga? K'empingu erhi emwa abantu?” Obwo bacijamwo, bakaderha, mpu; rhukaderha nti empingu, akola arhudosa, erhi: “Carhumaga murhacimuyemera?” ²⁶ Rhukaderha nalyo nti emwa abantu, aba bantu barhuyirha, bulya boshi kwo bakag'ilola Yowane Mubatiza nka mulebi!” ²⁷ Lero erhi bacishuza Yezu, bamubwira mpu: “Rhurhamanyiri là!” Naye anacibabwira, erhi: “Nani ntacimmubwira oku buhashe buhi njiramwo ebyo.”

²⁸ Yezu ayushuula erhi: “kurhi mugereerire kuli ebi? Muntu muguma aali agweerhe bagala babiri. Abwira omukulu erhi: mwaana waani, ene oj'ikola omu ishwa lyaani ly'emirhe y'idivayi.

²⁹ Oyo mwaana ashuza erhi: ntaalonza; chikwone buzinda achiija emirhima, aja muli eryo ishwa.

³⁰ Enyuma ly'aho, isha abwira olya wundi mugala kulya kwo na nneene. Oyo yeehe amushuza erhi: neechi lârha, chikwone arhaiyijaga ³¹ Muli abo bana bombi, nndi wajijire uko ishe ali lonzize? Bumushuza mpu: “kwo binali, bubwizire nndi abuvurhisa b'ikoli n'embaraga bamurhanga umu bwami bwa namuzinda. ³² Bulya namuzinda amuyishire oku muyereeka injira ishinganine, murha yemeraga oku adesirhe chikwone abavurisa b'ikoli n'embaraka bayemire oku adesire. Naciru erhi muba mwamabonaa ebyo, murhachideraga mpu leka mukorere emurhima, muyemere oku adesire.”

³³ Yumvi ogundi mugani. Alinahano muguma wali rhwezire ishwa y'emirhi y'idivayi; alizungurusa olugurhu, abinjira mwo omikenzi g'okukandira mo amalehe, anayubaka izaamu. Enyuma lyaho, alihandisa mwo abahinzi mpu bakahingira abul'ibalama. ³⁴ Erhi amango g'okuhumbula amalehe kahika, balya bahinzi abarhumira abambali mpu bamuhage agage malehe. ³⁵ Chikwone abo bahinzi bagwarha abo bambali, bamushuurha muguma, n'owundi bamuyiirha n'owa kashurhu babubanda amabuye. ³⁶ Ago mango oyo nnahano ashub'irhuma abandi bambali, bo bali bandi kulusha abarhanzi, chikwone abo babajira nka kulya banajiraga abarhanzi. ³⁷ Lero kuba buzinda abarhumira mugala, aderhera emurhima erhi: bakenga mugala wani!

³⁸ Chikwone erhi abo bahinzi babone oyo mugala, babwiirana mpu: Oyo ye waish'iba nn'ishwa buzinda. Mwe! Rhumuhirhe, ne bwage rhubihime mwo. ³⁹ Aa, bamugwarha, bamukweba enyuma ly'eryo ishwa ly'emirhi y'idivayi, bamuhirha. ⁴⁰ Yezu amudosa erhi: “Amango nn'eryo ishwa ayisha, kurhi ajira abo bahinzi obo?

⁴¹ Bamushuza mpu: “ayiirha abo bantu be mirhima mibi buzira kubabera obwonjo, n'eryo r'ishwa alihandisa mu abandi bahinzi, balya bahiishikamuwa agaage malehe amango ganayezire.”

⁴² Enyuma lyaho yezu ababwirha erhi: “ka murhasaag'isoma ibi amaandiko gadesire mpu: “lire ibuye abuubasi balahiraga lyo lyabiirage lya kusikira kwo. Ebi byo nnahamwirhu anajijira kuli rhwe ciricisomerine okubona ebyo!

⁴³ Yezu ayushula erhi: “Co cirhumire mmubwizire nti mwanyagwa Obwami bwa namuzinda, babuhe ulundi lubaka, lulya lya lehekera obo bwaami amalehe gabwo. ⁴⁴ Owa nnahirime kuli eryo ibuye, ajonjolekaana, n'oyo lyanahirime kwo, lymujira vunguvunyungu.

⁴⁵ Abakulu babajinji n'abafarisayo bayumva eyo migani yezu aderhaga, bamanya oku bwo anaderhaga. ⁴⁶ Ago mango balonza uku bakamugwarha mw, chikone bayooboha abantu. Abobantu banyakuyooboha bakaag'ibona yezu oku ali murhonzi wa namuzinda.