¹ Ago mango yeah abwira abantu n'abigirizibwa bâge erhi: ² Abalimu b'amarhegeko n'Abafartisayo bahirwe akâsi k'okuhugula amerhegeko ga musa. ³ Aa, mugwasirwe mujira munashibulire ebi bàli bamubwîra byôshi; chikône murhajirhanga nk'oku mubwine balîbajira. Bulya ebi baderha arhali byo bajira. ⁴ Banashane emizigo mizirho babul'iyibarhuza abantu, chikwone banalahire okubarhabâla omu kuyihuma kwo chiru n'olûnu. ⁵ Ebi bakola byôshi biba bya kuchiyerêkana oku bantu. Ntyo kwo bagalihya mwo enshanga zabo ziba mwo enkere z'omu bibliya. Baqziyambalira emalanga n'emaboko, banalîhye n'emishumi y'emishangi yâbo. ⁶ Amango g'okulya idinye, basîma ebirhi birhya binja we n'okukamarha ahaboneka omu mashengero g'abayahudi. ⁷ Basime okulamusibwa n'obukenge omu byambu n'okubwira n'abantu mpu mwalimu. ⁸ Chikwône mwehe murhazigaga bakaamuderha mpu “mwalimu,” bulya muli baguma mweshi, mugwere na mwalimu muguma. ⁹ Murhaderaga omuntu w'er'igulu mpu “Lârha” bulya mugwere Sho muguma, y'ola oba enyanya emwage. ¹⁰ Murhanayemeraga mwaderhwa mpu: “mukulu,” bulya mugwerhe mukulu muguma yeene, ye masiya. ¹¹ Omukulu kulusa muli mwe, aagwaasirwe abe mwambali wiinyu. ¹² Ochikuza arhôhibwa, n'ochîrhohya azuzibwa.”

¹³ “Muli bahanya mwe balimu b'amarhegeko nînyu mwe bafarisayo, ezi ndaalya munaigalire abantu Obwami bw'enyanya emwa namuzinda; oku mweene murhamuja mubul'ihanza abalonzize okumuja. ¹⁴ “Muli bahanya mwe balimu b'amarhegeko, niinyu mwe bafarisayo, ezi ndaalya! Munakaanyaga abana ngasi ehi bagwerhe na ago mango go na nneene mubul'ikaashenga kuliri mpu lyo mubonekane nka munaligi bantu ba morning minja. Cho chirhumire mwahanwa bweene kulusha.

¹⁵ “Muli bahanya mwe balimu b'amarhegeko, niinyi mwe bafarisayo, ezi ndyaaala! Ntaaho murhasaag'ibanda okugulu umu bihugo n'omu nyanja okuja alonza erhi mwabona muntu muguma wayemêra okuja omu chaama chiinyi. Nahano muba mwamaamuhisa, munamujire abe akola ashinganine okuja omu ilibukiro kabiri kumulusha.

¹⁶ “Muli bahanya mwe birongozi by'emmihuurha! Munaderhe mpu erhi hankajira owachiingashira oku nyumpa ya namuzinda y'abayahudi, erhi buli busha; chikwône erhi ankachikashira oku nn'oro z'eyo nyumpa, ogwo mwiigasho gwanamugwaarha. ¹⁷ Aba bahwinja, eyi mihuurha! Bichi bikulu kulusa: ka nn'oro, niisi erhi nyumpa ya namuzinda echeesa ezo nn'oro? ¹⁸ Munashub'iderha mpu erhi buli busha; chikwone nka ankachiingashira oku h'okudererekeera, erhi ah'okurherekeerera, ogwo mwîgasho gwanamugwagwarha. ¹⁹ Eyi mihuurha! Bichi bikulusa: ka ntuulu erhi ah'okurherekeerera hajira eyo ntuulu pokuba nyimana? ²⁰ Aa, ochiigashira oku h'okurherekeerera erhi ho anachiishire kwo, n'ebikuli byôshi. ²¹ Ochîgashire oku nyumpa ya namuzinda, erhi yo achiigashiire kwo, na kuli namuzinda oyiba mwo; ²² Ochiigashiire emwa namuzinda achiigashiire oku oku ntebe ya namuzinda na kuli namuzinda oyintamala kwo.

²³ “Muli bahanya mwe balimu b'amarhegeko, niinyu mwe bafarisayo, ezi ndyaalya! Munaye namuzinda echiguma ch'ikumi ch'emburho y'omurhi gw'omunanaa, n'ech'ebizari, n'ech'ejira, chikwone munaleke enyigirizo nkulu kulusha ezindi zôshi z'omu marhegeko: nk'obushinganyanya n'omurhima mwinja n'okucikubagira namuzinda. N'obwo ebyo ebyo byaali bikwanine okujirwa buzira okuleka ebisigire. ²⁴ Ebi birongozi mihuurha! Munashôle ebi munywa okuula mwo omugu, chikwone munamiragusa engamiya!

²⁵ “Muli bahanya mwe balimu b'amarhegeko, niinyu mwe bafarisayo, ezi ndaalya! Munashuke emugongo gw'echikombe ndalaala, birya obushambo bwînyu bwaburhanga na zirya nyifinjo zînyu mbi. ²⁶ Ogu muhuurha gw'omufarisayo! Orhang'ishuka omu ndalala y'echikombe, na buzinda bw'aho emugongo nayo yanacha.

²⁷ “Muli bahanya mwe balimu b'amarhegeko, niinyu mwe bafarisayo, ezi ndaalya! Mushushire ebyuushui bushiige engwa, binaboneke binja embuga, chikwone omu ndaalala biyunjwire rhuvuha rhwa mifu n'ebibologokeza byôshi bya ngasi lubero. ²⁸ Niinyu ntyo kwo muyoorha, emalanga g'abantu munabonekana nka munaligi ba mirhima minja, chikwone omu mirhima muyunjwîre bulyaalya n'obubi.

²⁹ Muli bahanya mwe balimu b'amarhegeko, niinyu mwe bafarisayo, ezi ndaalya! Munayubakire abarhonzi ba Namuzinda ebyuusho binja, munataake embyuusho by'abaali bagweere obulamu bushinganine, ³⁰ mubul'ikaderha mpu: Acibaaga omu mango ga bashakuluza ho rhwaali rhukola rhuli, rhinga rhurhakajire omu by'okuyiirha abo barhonzi. ³¹ Ntyo kwo muyemiire mwo mweene oku muli b'oku buuku bwa balya bayiirhaga balya barhonzi ba namuzinda. ³² Ahoo! Mugendereraage muyuuse ebi bashakuluza wiinyu barhondeeraga. ³³ Ezi njoka, eyi mirhwe y'enjoka! Kurhi muciikeebiragwe mwayaaka mwo okuja omu ilibukiro? ³⁴ Cho cirhumire, muyumvagye: nkolaga na namurhumira abarhonzi ba namuzinda, n'abantu b'obukengukwe n'abasomire. Mwabahira mwo baguma, n'abandi, mwababamba oku misalaba, n'abandi mwabashurira orhunyuri omu mashengero giinyu, n'okubashimba kurhenga muli eci cishagala kuja muli eci. ³⁵ Ntyo kwo mwahanwa mwo bulya buhane bukwaniine balya bôshi bayiirhanga abarhaali bagwerhe mabi, kurhenga okuyiirhwa kw'abeli mushinganyanya kuhika okuyiirhwe kwa zakariya, mwene barashiya, mwayiyiraga ekkhari k'olutari n'ah'imaana. ³⁶ Okuli mwebwiizire nti obuhane abo biisi bôshi baala bakwasnine, abantu b'ene bo bakola babuhanwa!

³⁷ Yerusalemi, yerusalemi, oyu oyiirha abarhonzi na namuzinda, n'okuyiira aba namuzinda akurhumiraga omu kubabanda amabuye! Yajeewe, oku nali lonzize okushunuuza abantu baawe hali nie nka kula engoko eshubuuza abanagoko baaya n'okubayuubarhira, chikwone murhakulonzagya! ³⁸ Ahoo! Enyumpa yiinyu, ekola yajandwa lwooshi. ³⁹ Bulya mmubwiizire nti kurhenga buno murhaciimboone kuhika amango mwaderha mpu: “Mâsha, namuzinda àgishe owayiisha oku iziino lya Nnahamwîrhu!”