¹ Lonolo lusiku, Yezu anahuluka omu nyumpa omw'okagi yigiriza anabwarhal'ahaburhambi bwe nyanja. ² Ecigugu ca bantu canamuyegerera n'oku muzunguluka baja genda mubwarho badamire. Eci gugu coshi ca nadamala bwe nyanja. ³ Ana kaj'ababwira omumigani oku binti bi anaderha: ⁴ omu rhwezi anahuluka ajirhwera. Akasanzi akgi rhwera, emburho nguma zanahirimira ahaburhambi lye njira o'rhunyunyi rhwa n'isha, rhwana zilya. ⁵ Ezindi nazo zana hirimira omumabuye, aharhali budaka bunji: ⁶ Erh'izuba libasha, zahya n'okuyuma, hanyanya z'okubul'idaho lyo kuzez'emizi. ⁷ Ezindi zana hirimira ekagarhi ke migenge: Emigenge yanamera, yanazihula. ⁸ Ezindi zana hirimira omubudaka bwinja: Zanalerha amalehe, inderhere nguma yanaburha igana, neyindi galindarhu, ne yindi makumya shsrhu. ⁹ Ogwerhi amarhwili g'okuyunva ayunve.

¹⁰ Entumwa zana zana muyegera, zana mubwira: Bulya gurhi onakarhu bwira omumigani?

¹¹ Yezu abashuza: Bulya mwahabirwe okumanya ebyafulisirwe by'obwami bw'empingu, ebyo abo barha habagwa. ¹² Bulyalira bayishi h'ogwerhe, anayushulirwe. Ci n'orha gwerhi, anaa nyagwe coli n'ehisunguli anaciri gwerhi. ¹³ Co ca rhumire akazagi babwira omumigani, bulyomu kulola barhabonaga, n'omukurheg'amarwili barha yunve erh'okuhugukirwa. ¹⁴ Na kulibo bw'ashi hikirira obulebi bwa Isaya: Mwayunva n'amarhwiri ginyu, ci murha menyuse, mwalangira n'masu ginyu munabe ngabarha bwine kantu.

¹⁵ Bulya emirhima yabo bantu yali hwinjagizibwe; n'amarhwiri gabo galishwesirwe, n'amasu gali zibire. Hanyany lyo bwoba barha langire n'amasu gabo. Barhana yunvagya n'amarhwiri gabo, barhana yuguliragwa omumirhima yabo, Barha cilege, mpulya mbaciza.

¹⁶ Ci kone iragi lya masu ginyu, bulya gabona, n'amarhwiri ginyu ga yunva. ¹⁷ Okili mbabwizire okuli abalebi banji n'abashinganyanya balilonziz'okubona ebyo muli mwa bona, barhanabibonaga; n'okuyunva ebyomuli mwa yunva barhanabiyunvagya.

¹⁸ Naninyu mu yunvirhiz'okwogu mugani gw'omurhwezi. ¹⁹ Akasanzi omwana w'omuntu ayunv'omwanzi gwobwami arhana bunvirize, Omulyalya anacirhenza ebyali rhwesirwe omumurhima gwage: Oyo muntu yolya wali rhwezire emburho ahaburhambi ly'enjira. ²⁰ Noyo wa rhwerag'emburh'omu mabuye, yolya'okayunviriz'omwanzi anaguyankirire n'obushagaluke. ²¹ Ci gurhagwerhi mizi muli bo, bulya gurha gwer'insimiko mulibo, amango akalaba n'amarhindibuko gabahikira, hanyanya lyo mwanzi, hanarhenger'okuhirima kwage. ²² Ne zilya mburho zahirimiraga ekagarhi ke migenge, yoyolya muntu oyunva omwanzi, camalibuko g'igulu n'obwinja bwebyenigulu, bibulis'ogwo mwanzi omurhula. ²³ Zilya mburho za rhweragwa omubudaka bwinja, guli mugani gw'omuntu okayunva omwanzi, anagusegereze, naye anaburh'emburho higuma igana, n'ehindi makumikali ndarhu, n'ehindi makumi gasharhu.

²⁴ Anabayerekez'ogundi mugani ababwira: Obwami bwembingu, bishushine n'omuntu muguma warhw'eragemburho nyinja omwishwa lyage. ²⁵ Ci, akasanzi bali hunire omugoma ana yisha, anarhwera ecibala cibi omumburho anacigendera. ²⁶ Amang'emburho zamerega n'ecibala cibi naco canamera. ²⁷ Abakozi b'anishwa banayishi mugendera n'okumudosa korha rhw'erag'emburho nyinja omwishwa lyawe? Ibi byasi bibi, ngahi bya rhenzire?

²⁸ Ana bashuza: Olya mwanzi y'ewabijijire. Abakozi b'aanishwa bamubwira: k'olonzize rhuji shingul'echocibala?

²⁹ Nanga abahanza, hanyanya lyo b'yobwoba mukashingula ebyobyasi bibi, mwanahikir'okushingula emburho haguma n'ebyobyasi. ³⁰ Mubileke bikulire byoshi haguma, kuhik'amango gokusarula, nanabwir'omusaruzi: Murhangi shogola ebyasi bibi munabishweke marhumarhu murangi biyoca. Mubulihak'engano omunguli.

³¹ Kandi anababwir'ogundi mugani, anaderha: Obwami bw'empingu bushushine n'emburho yo bulo omuntu arholaga n'okuji rhwera omwishwa lyage. ³² Hyo hisunguni omu mburho zoshi hyamamera hinahinduke hinene kulushezindi mburho zoshi gunahinduke murhi, kuhik'akashanzi orhunyunyi rhwemalunga rhuniishi lama omu marhaji gago.

³³ Ana shubi ba bwira ogundi mugani: Obwami bw'empingu bushushine n'engezo y'omukazi muguma ahebag'omunamaha zisharhu z'enshano kuhika akasanzi obuntu buheme.

³⁴ Yezu anashambala n' cigugu ngasi bintu omumigani, arhanashambalaga n'abo buzira migani. ³⁵ Byayosire intyo kuhikira ebyadrhwagwa n'omulebi: Nanabumbule akanwa kani omumigani, nabashambalira ebintu byali fulisirwe kurhenger'okubumbwa kw'igulu.

³⁶ Kandi anabon'ecigugu ca bantu, anayinjira omunyumpa. Entumwa zanamuyegerera, zanamubwira: Orhu hugulire omugani gw'ebyasi bibi by'omwishwa.

³⁷ Anabashuza: Omurhwezi w'emburho nyinja, ali mwana w'omuntu. ³⁸ Ishwa liri'igulu; n'emburho nyinja bo banabo bwami. N'ebyasi bibi balya bana b'omulyalya. ³⁹ Omwanzi wazi rhweraga, lyangombe, omwimbu bulibuzinda bwigulu. N'abimbu bali bamalaika. ⁴⁰ N'kokwo, bashugul'ebyasi bibi n'okubikweba omumuliro, kwo bya ishi ba obuzinda bwigulu. ⁴¹ Mwana w'omuntu anarhume bamalaika bage baishi shogola omubwami balya bagoni n'enkola mabi. ⁴² Ana bakwebe omucibeyu comuliro mwo balaka n'okushw'amino. ⁴³ H'obashinganyanya baishi langashana inkizuba. Omubwami bwa larha wirhu. Ngasi ogwerhe amarhwiri goku yunva ayunvirize.

⁴⁴ Obwami bw'empingu bushushire kandi nka muhako gufulisirwe omwishwa muntu mugma agufukula, anashubi gufulika; hanyanya z'omwishingwe anagenda anaguza ngasi byoshi aligwerhe anajiligula.

⁴⁵ Kandi obwami bw'empingu bushushine n'omurhimbuzi wagagilonz'amagerha minja. ⁴⁶ Erhyabon'igerha lyeci shingo cinene; anagenda ajiguza ngasi hyoshialigwerhe, analigula.

⁴⁷ Obwami bw'empingu bulinganeni n'akeshe kakwebirhwe omunyanja karholohol'endugu zangasi lugero. Inkolweshe lwakayunjula, omudubi analukululir'eburhambi. ⁴⁸ Gomango bakadamala, bana rhologol'ecigabi cinja mulurhanda, cikon'endugu mbi zinakabulirwe. ⁴⁹ Kw'obyanishiba obuzinda bw'igulu bamalaika banayishi berula abashinganine n'ababi. ⁵⁰ Ana bakwebe omucibeyi comuliro, omobalakan'okushw'amino.

⁵¹ Kamwayunvirhe bw'inja eyo myanzi yoshi? N'eci banayemera: ⁵² Anababwira: co cirhumire ngasi mwandisi wayigirizibagwa ebiyerekire obwami bw'empingu ashushi n'omwen'enyumpa ohebire omunguli yage ebintu bihyahya n'ebyamira.

⁵³ Erhi Yezu ayusa ogumugani, anarhengeyo. ⁵⁴ Anayerekera omucihugo cage anayigiriza omucishagala, abakazagi muyunviriza barhangala banaderha: Ngahi hahahubusire obu burhimanya n'ebi bimeza? ⁵⁵ Karhali mwana w'omubinji? Karhali maria ye nina? Na Yakobo, Yozefu, Simoni, na Yuda ci benewabo? ⁵⁶ Nabali babo, karhali babano bali mukagarhi kirhu? Ebibyoshingahi abirhenzize?

⁵⁷ Nakwehyo ana ishi ba ci sarhazo emwabo, ci Yezu anababwira arhaka hashwa okukengwa ngarhali omumulala gwage coli n'omunyumpa yage. ⁵⁸ Arhanacijiraga ebisomeza binji mweyo ntambi, ahanyanya lyokubulikana kw'obwemere bwabo.