¹ Mwakola kasanzi, Herodi ayunva emyanzi ya Yezu, ² Abwira abakozi bage: “Karhali oyo ye Yohaana mubatiza; afusire omubafire cocirhumire alyajira ebisomerine mukagarhi kage.”

³ Kulya kuba Herodi ali amagwarha Yohana n'okumushweka n'okumu kweba omumpamikwa ahanyanya za Herodiya muka mulumuna wage Filipo mwene wabo. ⁴ Omukuba Yohana amubwira: Erhi birhashinganini kuliwe' okuba mw'enoyo mukazi. ⁵ Akasanzi ali amalonza okumuniga, ayohoba akatu ka bantu, omukuba balibwine oku Yohana ali muleb.

⁶ Cikwone kolusiku lwoku kengez'okuburhwa kwa Herodi erhi luhika, mwali wa Herodi asama embere za bantu asimisa ishe Herodi. ⁷ Nantyo, mukushuza alaganya okundahiro okumuha ngai kantu koshi akahuna. ⁸ Erhyaba amahangulwa n'okutundirikwa na nina, adeha: Erhiompe bunolalira okusahani, ecirwe ca Yohana mubatza. ⁹ Mwami ababazibwa bwenene; cibulya omukuba endahiro zage, kuguma na balya bali damire oku oku cigo haguma naye, ahangula okulikula okobamuhe. ¹⁰ Arhuma, okutwa ecirhwe ca Yohana omumpamikwa. ¹¹ N'irhwe kage lyalerhwa oku sahani; omwananyere anacirihabwa, alilerha emwa nina mubusi wage. ¹² Abigirizibwa bage banaciisha, barhola omurhumba gwage n'okugubisha: Banagenda bajimanyusa Yezu. ¹³ Nantyo akasanzi Yezu ayunvagya, arhenga omubwarho kuhika ahantu homw'irungu: Nagomango olubaga lwabantu lwamukulikira namagulu kurhenga omubirungu. ¹⁴ Yezu ahuluka embuga abona akatu ka bantu banji, ababalira abafumiza abalwala babo boshi.

¹⁵ Nantyo erhi haciba kabijingwe, abigirizibwa bage bayisha emundali baderha: Hanola hali umwirungu, n'akasanzi k'a gezire, likula olubaga lucigendere omungo zabo bajicigulira ebyokulya.

¹⁶ Cikoki Yezu ababwira: Erhi barhacifinjiri okugenda ciru; Mwene nanene mubahe ebiryo balya.

¹⁷ Bamubwira: Rhugwerhe mikati irhanu yone ahala na nsamak'ibirhi.

¹⁸ Mubilehe emunda ndi ¹⁹ Arhegeka olubaga ludamale mubukere; arhola erya migat'irhanu na zirya nsamaki ibirhi, anagalamra empingu agisha, avuna anaha abigirizibwa impubagabire olubaga. ²⁰ Nanto boshi balya, bayigurha. Barholesa ebihimbi byasigalaga byayunjuza entanda ikuminazibirhi. ²¹ Nabo baliko babirya, bali balume inka bihumbi birhanu, buzir'okuganja abakazi n'abana.

²² Caligumiza aseza abigirizibwa bage baje omubwarho n'okushokola embere zage bagende ishiriza lye nyanja, oku ene alikula kalya katu kabantu. ²³ Nerhi aba amalikula lulya lubaga, ashona okuntondo, agendi salira. Erhyakajingwe kaba ali eyolalira ye. ²⁴ Akokasanzi obwarho bwalikola maja omukagarhi k'enyanja. Bwahangayisibwe bwenene ahanyana lya kalaba bulya empusi yabayishire emalanga gabo. ²⁵ Okumulanzi wa kani w'obudofu Yezu abagendera ajalambagira okuniana lye nyanja. ²⁶ Nakasanzi abigirizibwa bage bamubonaga aja alambagira okunyanya le nyanja, bajamwe coba n'oku derha: Muzimu, n'okuyama n; ecoba. ²⁷ Cikone Yezu abadesa okuliguma Mube n; obushagaluke niene nienanene murhayobohe.

²⁸ Petro amushuza. Aderha: Erhi, Nahamwirhu, erhya ngaba we' ondikule impike aho oli okunyanya lyamishi.

²⁹ Yezu aderha: erhi yisha Petro, ahonoka omubwarho, alambagira enyanya lye nyanja ajemunda Yezu ali. ³⁰ Cikoki erhi abana empusi, ayoboha, anarhondera okulohoma ayama bwenene aderha: erhi Nahamwirhu oncize ntagi lohoma; ³¹ Caligumuza Yezu alambula okuboko gwage amushumbirira, anacimubwira wenanene in'obwemere busungunu, carhumire oyunvaecoba oshugira? ³² Nantyo Yezu erhya shona omubwarho, empusi yagama.

³³ Nabalya bali omu bwarho barhondera okumuharamya banaderha kobinali oli mwana wa Nyamuzinda!

³⁴ Nerhi baba bamayikira enyanja bahika omu cihugo c'e Nazareti. ³⁵ Nakasanzi abantu baho hantu bamanyusagya okuye' abarhuma abantu omucihugo cali hofi nabo balerha emwage abalwala boshi baali lwazire.

³⁶ Bamuyinginga mpuba hasheokuhuma oku cishwinjiro comushangi gwag; na boshi abaguhumire ko bafumisibwa.