¹ Ou Yesu ahinjila mwitoli, walobhoha nafishe hounsi yakhalaga ahafiha. ² Eipo bhaleitile, oumuntu wahomeile agounile musheileilei. Pawaloola oulweitiho lwabho ou Yesu abhuuzya oumuntu wayoumeile, “wee Mwanawanie oushanje, eimbibhi zyaho zikhobhosheliilwe.”

³ Amanyizi abhendajizyo abhilenga bhahayanjizanya bheene bhibho bhahaga, “oumuntu ounou ahuliga aliiga ou Ngulubhi” ⁴ OuYesu ahamanya einseibho zyabho naje yeenu museibha eimbibhi mu mooyo geinyu? ⁵ Ei lyenou lyalili lipoupousou huje eimbibhi zyahozikhobhoshiilwe, awe hubhuuzye huje eimeileila, bhaalaga?’ ⁶ Eishi leelo mumanyei huje anei neimwana wa Adamu alineikhone abhakosheiilwe eimbibhi...” Agayanjile eiga hwoula yahoumeile, “Eimeileila ouyeje eishilili shaho ubhalaje akhaya yaho, ⁷ Oumuntu oula aheimilila nasogole abhale hukhaya yakwe. ⁸ Eimpuga ya bhantu lwe bhahalola eigo, bhahaswijile na huntime ou Ngulubhi, yabhapiye einguvu eizyo abhantu.

⁹ OuYesu lwahashilaga afume eipo ahalola oumuntu yahwitwa eitawa Mataayo, yahakheiye pabhabhasovyaa ousongo. Wope ahabhabhuzya, aje mundondozyer anei Wope ahimeileila nahulondozye. ¹⁰ Ou Yesu lwahakheiye alye eishalye munyumba, bhaheinzeile bhabhasovyaa ousongo bhabhinji na bhantu abheimbibhi bhaliye peka eishalye nou Yesu peka abhasundwe bhakwe.

¹¹ Afalisayo na bhalola eisho bhabhabhuzya abhasundwe bhakwe, yeenu ou Yesu alya eishalye na bhantu bhabhasovyaa ousongo na bhantu abhibhi?”

¹² Ou Yesu na hwovwa eigo, wope ahayanga “Abhantu bhasabhabhinile sabhahumwanza ouganga, ila bhabhabhinile. ¹³ Eihwanziwa huje mubhale mumanyile eingalulanyo yakwe, “Eisoungwa einkumbu ashile eisangu zyaloungouleizye.” Anei seinaheinzeile hwabhantu bhabhahwilola bhagoulousu, ndaadi lyoli eineinzeile abhakwizye bhabhabhomba eimbibhi.

¹⁴ Eipo abhasundwe bha Yohana bhaheinza akhaya yakwe aje, “Yeenu atei na mafalisayo tifunga, abhasundwe bhaho seibhafunga?”

¹⁵ Ou Yesu ahabhabhuzya ahaga, Je abhalolezi bhaweijei bhagawezya azugumile pabhali peka nuo gosi wabho? Leelo einsiku zihweinza ougosi pabhaihumwega afume amwabho eipo pabhayeifunga.

¹⁶ Noumoo oumuntu yabheiha eishipande shimwenda oumpya humwenda gwimwaha, eishibadiho shibhazebushe afume humwenda na abazushe haani na gwaibhafuma. ¹⁷ Nabhamo abhantu bhabhabheiha eihombwa musheileilou sheihombwa einkoulou, nkashele bhabhomba, eikwembe eibhazembushe eihombwa eibhananjishe. Eipo, oubhiha eihombwa eimpya mukwembe eimpya vyonti vibhabhe shinza.

¹⁸ Ou Yesu lwahabhabhuzya amambo eiga, ahali, ougosi oumo ahamwinamila hwitagalila lyakwe ahaga, “ouleindu wanei afwiye sheishi einza oupone abhaponie abhabhe mwoomi. ¹⁹ Ou Yesu aheimeileila na huusojelele na bhasundwe bhakwe. ²⁰ Ahali, oushi yahafumaga amadanda amalongo kumi na mbili ahasoujelela peipei nou Yesu wakhata einkanzu lya Yesu.

²¹ Pipo ahajile, “Nkashele oubhukhate oumwenda gwa Yesu eimbapone.”

²² Ou Yesu ahagaluha na humwenye na hubhuzye, “oulendu oula ouhwipele oumwoyo, nou oulwitiho lwaho lubhoumbile aje oupone,” Eisala yeiyo hiniho oulendu oula ahapona.

²³ Ou Yesu lwahafiha hukhaya ya gosi, ahabhalola bhabhakhoma eimpeeta na eimpuga ya bhantu yahakhomaga eiholo. ²⁴ Wope ahaga, “Eipi eipa, ouleindu saafwiye agonile. Lelo abheene bhaseishile haani. ²⁵ Abhantu bhala lwabhafuma hounzi, wope ahinjiye ampaandi na hunkhate einyobhe ouleindu hwadamuha. ²⁶ Einongwa zyahanyampanaeinsi yonti.

²⁷ Ou Yesu nashilaga afume pala, alume bhabheili bhasebhahwenya amaso bhalondozya. Bhahendeleiye akhole bhahaga, “Tilabha outiponye, Mwana wa Daudi.” ²⁸ Ou Yesu nawafiha munyumba, bhala bhasabhahwenya amaso bhaheinza hwamwene. Ou Yesu ahabhabhuzya, “Muhwitiha huje eingabhaponya?” Bhope bhahaga “Ena, Gosi.”

²⁹ Ou Yesu ahakhata amaso gabho naje zibhombeshe eisho hulimwe nashei ulweiteiho lweinyu sheluli” ³⁰ Na amaso gabho gahanda ahwenye. Pepo ou Yesu ahakhajilizya hwiekhone na yanje “Mwenyaje oumuntu wowonti asahamanye einongwa eizi.” ³¹ Lelo abhantu bhabheili bhasogoye alumbilile einongwa eizi munsi zyonti.

³² Pepo alume bhala bhabheili nabhabhalaga, ahali, oumuntu oumo wasagayangaga eimpepo zyahamwinjiye bhahaleta hwa Yesu. ³³ Eimpepo nazyamwepa oumuntu waanda ayanje. Eimpuga yahaswiga naje seitilolile nkalumo einongwa nashei eizi mu Israeli.

³⁴ Lelo afalisayo bhagaga hwa gosi weimpepo agabheinga amampepo.”

³⁵ Ou Yesu ahabhalile eikhaya zyonti. Ahendeliye amanyizye munyumba zyapuutile, alumbeileiye izwi eilyahumweene na ponie eimpungo zyonti nabhinu bhonti. ³⁶ Lwa ahenya eimpuga, abhalouleiye einkumbu, pipo bhayeimbeile nabudushe mumwoyo. Bhahali neishi eingole zyesazili nou wazidime. ³⁷ Wope ahabhabhuzya abhasundwe bhakwe ahaga, “Eiviyabho vinji, abhavune bhali bhashe. ³⁸ Eishi lubhilo tilabhe ougosi hwei viyabho, nkabhasontezye bhembombo mugounda gwakwe.”