¹ Ou Yesu abhakwizya abhaazi bhakwe amalongo kumi na bhabheilei peka nahupele eikhone amapepo amagwenyu, agalajile na gatanje aponie ouwaje wounti weimbina nouwaje weimpoungo zyonti. ² Amatawa kumi na gabhele gabouyei. Gageiga ou Simeoni (wabhahukwizya you Petro), nou Andrea oukoulo wakwe, ou Yakobo oumwana wa Zebedayo, nou Yohana oukoulo wakwe: ³ Ou Philipo, nou Bartelemayo, Thomaso, nou Mathayo ousovya sonko, ou Yakobo oumwana wa Alfayo, nou Tadeo, ⁴ Ou Simoni mkananayo, nou Yuda Iskariote, wasambushie ou Yesu.

⁵ Eibha kumi na bhabhele ou Yesu abha sontelezezye naje. Mganje abhale hwamwabho hwabhakhala bhaseibhaisilaeri.” ⁶ Leelo mubhale hungole zyazitejile zyenyumba yei Israeli. ⁷ Na lwamubhala lumbililaji na yanje ouwumweene wa humwanya upalamiye.’ ⁸ Bhaponyaji abhinu, zyousyaji abhafwe, safisyaji bhempoungo einyouma na sheimbeizyaji eimpepo. Mwejile wene fumyaaji wene. ⁹ Musaheje iwee lyeihela, eialmaasi au eishaaba munyambe zyenyu. ¹⁰ Ousaheje eimbuguulu husafari yenyu, awe amenda gagaluzanye, eindatu au eindeisa, pepo oumubhomvi ahwanziwa eishalye shakwe. ¹¹ Ikhaya yoyonti awe eishipanga shamwayeihwinjila, anzi pamupageenei na mukhale epo hadi lwamwayisogola. ¹² Lwamwahwinjila munyumba mlamushe, ¹³ nkashee einyumba nyinza, ouweteo wenyu isagale eipo, eila nkashe einyumba saganyinza, oulweiteho lwenyu lusogole peka namwe, ¹⁴ Na bhala bhasaga bhaposhela amwe awe atejelezye amazwi geinyu, eisala zyamusogola munyumba awe eikhaya eiyo, mkunyunte amankoundi geilwayo lweinyu eipo. ¹⁵ Lyoli eimbabhozya, gayibha gajimbe hani einsi zya Sodoma nei Gomorah eisiku lalongwe hunsi eiyo.

¹⁶ Einya, imbatuma nashei eingole pangati yeimbwalonde, eishi mubhanje nouwelewa nanshi einzoha na bhapoumakati nanshi einjebha. ¹⁷ Mubhanje maso na bhantu, bhaibhatwala mumakoloti, na bhaibhakhoma munyumba zya puutile. ¹⁸ Na mwayiletwa pitagaalila lya gousi na mweene hunongwa yaane, nanshi usimisizyo wabho na hunsi. ¹⁹ Neibhaivitwa mwaganjebhe nouwouga, gwagwonti gula awe yenu lyayanje, huje ayanje mwayipewa husala eiyo. ²⁰ Huje agayanje sagamweimwei mwayeiyanga, lyori eimpepo ya Daada wenyu aiyanga muhanti yeinyu. ²¹ Ouholo ayihumwinushila ouholo wakwe ahugoje, oubaba hwamwana wakwe. Abhana bhayeihweemeleila pa paafi bhabho, huje bhafwe. ²² Namwe mwayeivitilwa nou muntu ashile hwitawa lyane. Eila wowonti waijimba afishe humwisho oumuntu uoyo aifyoulwa. ²³ Eisala yabhaibhhatesa mwibooma eili, sheimbeileilaji ibooma lyamwabho, lyoli eimbabhouzya, zyonti huje seimwaibha mubhalile hunsi ya hu Israeli saseilei oumwana wa Adamu aweele.

²⁴ Oubhaazi saga gousi ashile oumanyizi wakwe, wala oubouyi walihumwanya ya Gousi wakwe. ²⁵ Ubhaazi abhanje nanshi umanyizi wakwe nou bouyi wope abhanje nanshi ougosi wakwe. Nkashe bhakwizizye uogosi weinyumba Belzabuli, weile hani bhanzabhavitwe bheinyumba yakwe!

²⁶ Eisho leelo musabhogope abhene, huje sabhali neinongwa yasayaihwiguliwa na, nalimo lifisilwe lyasagalyaimanyiha. ²⁷ Shila sheibhabhozya muhisi, sheiyanga oumuzelu na shamushouvwa munyololo mumakutu geinyu mugaloumbeileile namuli pamwanya yeinyumba. ²⁸ Muganjeabhogope bhala bhabhagouga oubeilei sagabhalinouuwezo wagoje oumwoyo. Pepo ntele ola wawezya angamizye oubeilei nou mooyo hula whilongooi. ²⁹ Eshi eintoundoulou seizikaziwa humpeiya eindoudo? Hwope noumo yawezya agwe pansi bila Udaada weinyu amanye. ³⁰ Leelo hwope ouwinji yinsisi zeizyenyu zibhaziwe huje. ³¹ Muganje abhe nouwoga, huje amwee mukhoundiye ashile eikasuku ienyinji. ³² Esho basi kila weka wayinieteiha hwitagalila lya bhantu, nanei nayihumweiteiha hwitagalila lya Baba wanei walihumwanya. ³³ Eila oumwene wayikhana hwitagalila lya bhantu, nanei nayihukhana hwitagalila lya Baba wanei walihumwanya.

³⁴ Musahaseibhe aje eeneinzeile alete ouwinza pansi. Saganaheinzeile alete ouwinza, ila ipanga. ³⁵ Nantele naheinzeile ahubheishe oumuntu abisanye noubaba wakwe, nou mwalei pamwanya ya ya nyina wakwe, oukhouyi pamwanya ya khamwana wakwe. ³⁶ Oubhibhi wa muntu bhanzabhe bhabhala bha munyumba yakwe. ³⁷ Oumwene wageine oubaba awee oumaye hani ashile anei ouyo saga eihumwanza. Nou mwene wageine ouvweile awee oumwalei hani ashilee anei ouyo sagaeihumwanza. ³⁸ Oumwene wasagainyemula ikhobhehanyo na ndoundozye anei sagaeihumwanza. ³⁹ Oumwene wayihwanza oukhalo ayigatezya. Peipo oumwene wayitezya oukhalo hunongwa yanei ouyo aigaga.

⁴⁰ Oumwene wayibhakaribisya ankalibizizye neinei, nou mweine wayinkalibisya anei ankalibizisye oumwene wantumile anei. ⁴¹ Nou mwene wayihukalibizya ukuwe aje kuwe ayiposhela eipesya ya kuwe. Noumwene wayihukalibisya weilyori hwa muntu weilyori ayiposhela eimpesya ya muntu hwei lyori. ⁴² Wowonti ayihupela weka wadoudo eibha, hata eishikombe sheimeinze gamwele gagakhateiye, huje oumwene yuobhaazi, lyoli eimbabhozya, oumwene sagayiweizya akose hwidala lyolyonti eimpesya yakwe.”