¹ Peipo ou Yesu nawamala abhelekezye abhaazi bhakwe kumi na bhabhele asougouye hu plae abhale amanyizye na lombeileile mukhaya zyawo.

² Nou Yohana nahali mwigereza nahwounvwa nalihumwanya yimbombo zya Klisiti, atumile ouwujumbe ashilile abhaazi bhakwe, ³ na bhabhoozya, “Awe yayoula wahwenza awe ahweli wamwabho tihwanziwa ahumwenyelezye?”

⁴ Ou Yesu wajibu na yanje amwawo “Bhaji mumwazye ou Yohana gala gamugalola na gala gamugoumvwa. ⁵ Abhantu bhasabhalola, bhapata alole, aguuga bhajenda, bheinyouma bhapona, abhantu bhasaga bhahounvwa bhahounvwa nantele, abhantu bhabhafwiye bhavyouha napate ouwoumi, na abhantu bhabhahwanza bhaloumbeileiwa inongwa einyinza. ⁶ Na asayilwe uola wasagalola amashaka pamwanya yanei.

⁷ Eisala ya abhantu eibha nabhasogola, ou Yesu ahandile ayanje neimpouga pamwanya pa Yohana, “Mwabhalile ahwenye eiyenu hwijangwa—itete nkalyayinzanywa neihala? ⁸ Yeinu mwabhalile ahwenye—oumuntu wakweite amenda amololo? Lyoli, bhala bhabhakwata amenda amololo bhakhala munyumba zeishimweinei. ⁹ Ila mwasougouye alole eiyenu—Ukuwe? Ena, imbabhozya nei zaidi ya Kuwe. ¹⁰ Ouno yayounou wasimbililwe, ‘Enya, eihusontezya oujumbe wanei hwitagalila yeimaso gakwe, wayi lenganya eidala lyaho hwitagalila lyaho.

¹¹ Anei imbabhozya eilyoli, pangati ya bhapapweilwe na bhashe noumo waligousi ashiile ou Yohana oumwozyaji. Ila walidoudo hu umweinei wa humwanya gousi ashile oumweinei. ¹² Afume einsiku zya Yohana umwozyaji hadi eisalezi, oumweinei wa humwanya wali wengouvu, na bhantu bhabhali bhengouvu, bhahwega hungouvu. ¹³ Bhoope akuwe nei ndajizyo, bhakuwilwe hadi hwa Yohana. ¹⁴ Na nkashe mulitayari ahweteishe, ounou you Eliya, oula wahwenza. ¹⁵ Wali na makutu gahwonvwe na ayounvwaje.

¹⁶ Eileinganisye nei yenu eishimpapo eshi? Shileingeine nabhana bhabhahwanga mumaeneo gisoko, bhabhakhala na kwizanye ¹⁷ na yanje, ‘Tabhakhomeiye izomari na sagamwahanjile. Talilile na sagamwakholile.’ ¹⁸ Peipo ou Yohana ahenzeile bila alye amabumunda awe amwele eihombwa, na bhabha bhayanga, ‘Ali nei pepo.’ ¹⁹ Oumwana wa Adamu ahenzeile alya na mwele na bhayanga ‘Enya, oumuntu oulyafi na kholwe, wamwabho nasounvwa eisonko na bhala bheimbibhi!’ Ila einjele eiloleha humbombo zyakwe.”

²⁰ Ou Yesu ahandile aidamile eikhaya zyonti yimbombo zyakwe zimo zimayele zyabhombeishe, aje sagabhalambile, ²¹ Lweinyu, mu Kolazini, lweinyu mu Bethsaida! Nkashe eimbombo eingousi gagabhoumbeishe hu Tiro na Husidoni gala gagabhombeishe eipa, bhagalambile halei yakwate amagunila na ajipotozyee amalota. ²² Ila yayibha jinvii hu Tiro ni Sidoni isiku lyeilongwi ashilee huliwe. ²³ Awee, Kapernaum, oubheisheile wayibhouseiwa hadi humwanya? Ndaadi wayihwiswa hadi pansi hwilongo. Nkashe hu Sodoma hugabhoumbeishe eimboumbo eugousi, nkashe gagabhombeishe huliwe gagahali hadi sanyounou. ²⁴ Eishi eiyanga huliwe aje yaibha nyololo hunsi yei Sodoma ahweimeleile hwisiku lyeilongwi ashile awe.

²⁵ Husala eiyo ou Yesu ayanjile, “Ihutema awe, Baba, Gousi wahumwanya na pansi, huje wabhafisile amambo eiga bheinjele hwelewa, na hugigule hwabhasaga manyile, nanshi abhana adoudo. ²⁶ Baba huje yakhondeyi eisho pamaso gaho.

²⁷ Amambo gounti eimpeiwilwe anei afume hwa Baba. Na noumo wameinye ou Baba eila oumwana, na wawonti wanyile oumwana ali nei hamu ya ahumwagulile. ²⁸ Einzi hulinei, amwe mweinti mwamuyeimba na bhonelwe na mazigo amamwamu, nanei eimbabhatozye. ²⁹ Jiponyaji eijoko lyane na mumanyilaje afume huline, huje anei niwahweishe na poumu weimoyo na munza pate uloutouyo lwei nafsi zyeinyu. ³⁰ Huje eijoko lyane lyololo na izigo lyane lipoupousu.