¹ Ou Mpepo atwalile u Yesu hwi jangwa huje ou Seetani aleinje. ² Ahafunjile einsiku amalongo ganei nousanya na nousiku pamandei einzala yaluma. ³ Ouwinjelo aheinza ahabhuula, “Ahaga awe nkashele ouli mwana wa Ngulubhi galuzanya amawe eiga gabhe makati.” ⁴ Lelo ou Yesu ahabhuula “zisimbilwe huje, ‘oumuntu sangakhala munsi oumu asubheile gamakati geene, lelo hwizwi lyolyonti lyelifuma hwa Ngulubhi.’” ⁵ Nantele Ou Seetani atwalile ou Yesu hunsi einfinjile na humweimishe pamwanya hani pansoundwe yei nyumba eiyishibhanza, ⁶ na hubhuuzye, huje nkashele awe ouli mwana wa Ngulubhi, hweiponye pansi, pipo eisimbilwe huje antumi bhabhahutonele aje ousahaboumile einama mu mawe.” ⁷ Ou Yesu ahabhuula, “husimbilwe aje ousaleinje ou Ngulubhi waho.”

⁸ Nantele ou Seetano watwaala pamwanya pigamba haani ahalanga oulongozi wonti nouwinza wensi ezyo. ⁹ Ahaga, “Einzahupele eivintu vyonti eivi nkawankupamila na humpuute anei.” ¹⁰ Ou Yesu waga eipa eipa, “Shetani! Pipo eisimbilwe huje tipuutaje yoou Ngulubhi mweene, ubhoombele yuoyo mweene.” ¹¹ Ou Shetani ahaleha, bheinza antumi humbhombele.

¹² Ou Yesu nawounvwa aje ou Yohana akheitwe, asoguye abhale hu Galilaya. ¹³ Asouguye Hunazareti abhalile akhale hu Kapernaumu, yeilimunsheinjei yei hu bahari ya hu Galilaya, mumpaho mmajimbo ga Zabuloni nou Naftali. ¹⁴ Eizi zyazyeizi zyayanjile oukuwe ou Isaya, ¹⁷ Ahwande oulyo ou Yesu ahandile alumbeilile aje, “Mulambe pipo oumweene ouwahumwanya bhusojeliye.”

¹⁸ Lwahajendaga munsheinji munsunbi eiya Hugalilaya, ahabhalola aholo bhabhili, ou Simoni yeibhahakwizyaga yu Petro, nou Andrea oukulu wakwe, bhahategaga inyonzelo mwusumbi pipo bhahonzaga einswi. ¹⁹ Ou Yesu ahabhabhuula ahaga, “Einzaji mundondozye, eimbabhabheishe mubhe bhoonzi bhabhantu.” ²⁰ Peipo bhahaleha oulwelo bhahalondoozya.

²¹ Ou Yesu ahabhalola abhantu bhabhili bhamwabho, Yakobo oumwana wa Zebedayo, nou Yohana oukulu wakwe. Bhahali mwitoli peka nou Zebedayo uyeise wabho bhahasonaga oulwelo lwabho. Ahabhakwizya, ²² peipo bhahalileha itoli nou yeise wabho bhope bhahalondoozya.

²³ Ou Yesu ahabhalile Mugalilaya yonti, ahamanyizyaga munyumba zyabho zya puutule, ahalumbililaga eibhangili oumweene aponie eimpungo nei mbina zyonti zya bhantu. ²⁴ Einongwa zyakwe zyahayenshile Isiria yonti na abhantu bhahaletaga abhabhinu bhabhali nei einpungo zinyinji, bhabhahali nei mpepo eizyeingwaa nei impungo einyuuma. OuYesu ahabhaponiizye. ²⁵ Eimpuga ya bhantu yahali ngosi abhantu bhabhalondozyaga afume hu Galilaya, na Dekapoli, na hu Yerusalemu na hu Yahudi na afume mwisyeila eilya hu Yorodani.