Ulyango 5

1 OuYesu lwahayilola eimpuga, ahasoguye abhale hweigamba. Lwahakheiye pansi asambeileizi bhakwe bhaheinza. 2 Ahigula eilomu lyakwe ahabhamanyeizya, ahaga,

3 “Hwashei apeina bhahumwoyo peipo oumweene uwahumwanya wabho.
4 Hwashei azugumizu peipo bhahayeisoubheizwa.
5 Hwashi ahoogowe, bhahayeibha bhapyanei bhei insi.
6 Hwashi abheinzala nei shoumweilwa sheilyoli pipo bhayeikuta.
7 Hwashi abheinkumbu pipo bhayeibha nei nkumbu.
8 Hwashi abheimwoyo ougwinza pipo bhaihulola oUngulubhi.
9 Hwashei akoundanyi, pipo bhaikwiziwa bhana bha Ngulubhi.
10 Hwashi bhabhayeimba hunongwa yeilyoli oumweene ouwahumwanya wabho.
11 Hwashei amwei namwailigwa na wunwe na bhabhombele eimbibhi na bhayanjile eilenga hunongwa yanei.
12 Mushanje na lulutile pipo eimpesya yenyu ngosi humwanya. Eisho shabhabhabhombeiye akuwe bhabhali bhatagaalizi bhenyu.

13 Amwei mulii libheya lyeinsi eishi ibheya nkalitezizye ouwinza wakwe libhajiye abhe libheya hwelei? Seligabha lyeinza habheili hu hantu hohonti, hulitaje hwounzi nakhanywe nei vinama vya bhantu. 14 Amwei muli lukhozyo lweinsi. Eikhaya yeizengwilwe pamwanya pi gamba seihwifisa. 15 Abhantu sebhakhozya oulukhozyo pansi yeishikapu, leelo bhabheiha pamwanya aje eikhozezyaje bhonti bhabhali muhati munyumba. 16 Muleshe oulukhozyo lweinyu lukhozye hwilongolela hwa bhantu eihwanziwa huje abhantu bhazilole eimbombo zeinyu einyinza na huutinishe ou Ngulubhi uwahumwanya.

17 Msahaje eininzile ananganye eindajizyo zya akuwe. Seineinzile ananganye eininzile alounjeishe. 18 Amba lyoli eimbabhuzya huje imwanya neinsi zyonti zishile. Nahamo ahantu hahaiyepa 19 Eishi yaisyobha eindajizyo nkamba yeka nabhamanyizye abhanje eisho ahwitwa doodo huumweene uwahumwanya. Leelo wowonti wakhata na manyizye abhanje aibha gousi huumweene wahumwanya. 20 Lyori eihubhabhouzya huje nkashele ouwinza weinyu nkasaga woubhashila uweinza wamafalisayo nouwamanyizi bhendajizyo zya Moose sagamwaitouha huumweene wahumwanya.

21 Mwounvweizye gagayangwilwe iemandi aje, “usahagoje” ‘wowonti yagoga aibha ouhwalongwe. Wahuwhogofyaa.’ 22 Leelo eimbabhuzya wowonti yahuviitwa uholo wakwe aibha ouhwalongwe wahuwhogofya. Na wowonti wahubhouzya ouholo wakwe aje sagoufaa aibha ikoloto lyalihogofya. Nayeyonti waeiga awe oulilemaa aibha mumwoto gwahogofye gwasagaguzima nalumoo. 23 Nkoufumya einsangu yaho pashiputo oukumbuuha huje ouholo waho alineinongwa nawe, 24 yileshe einsangu paushiputo oubhale oukundane nawo ouholo waho nkuyeinze ufumyee eisangu yaho. 25 Mkoundane nouloungwi waho lubhilo peka nawo mwidala lwemubhala hwalounzi, mukoundane aje usaakoungwe muhati. 26 Mweitishe eibabhuuzya seiwaibha hinza paka musoombe amalando geimlongwa.

27 Mwounvweizye aje eiyandihwee aje ‘ouganje agonane.’ 28 Leelo eimbabhouzya wowonti ya humwenya ounshei na husuungwe ouyo agouneine nawo humoyo gwakwe. 29 Lyopee eiliso lyaho eilya huleilo nkashele lihuhwalanganya abumeile, oulisenye, oulitaje apatali nawe. Hwashi abhe neishipela ashile oubeilei gwounti aje gutagwe humwoto. 30 Hwopee oukhono gwaho ouleilo nkashele guhuhwalanganya abhombe eimbibhi, oudumule gwoonti ougutaaje apatali nawe. Hwashi ahwinjile neishipela ashile oubili gwoonti aje gutagwe humwoto.

31 Ziyangwilwe huje oumuntu nkalehana noushei wakwe asimbile eitalaka.’ 32 Leelo anei eimbabhoula huje oumuntu yahuleha ounshi wakwe hunongwa yei kenke ouyo abheiha aje abhe kenke. Wopee yabhahumweje oushei ouyo abhabhe kenke.

33 Nantele mwounvweizye shabhayanjile akoulou msahalape eilenga, lelo mtwale eindapo zyenyu hwa Ngulubhi.’ 34 Leelo anei eimbabhuzya musahalape ata hashee msahalape humwanya ouhwo hwalili itengo lya Ngulubhi.

35 Msahalape hunsi eipo pakheinye amanama gakwe, ata hu Yerusalemu eiyo khaya ya mweene ougosi.

36 Ousahalape hwitwe lyaho sougahabhiha asisi hamo habhe hazelu awe hilu. 37 Leelo einongwa zyinyu zibhanje, ‘Ena, ena, Ndali, ndali.’ Pipo nkegonjela eipo gafuma hwa oubhibhi.

38 Mwounvweizye huje eiliso hwiliso, eilino hwilino.’ 39 Leelo anei eimbabhuzya mugandemenane noumuntu oubhibhi; Lelo oumuntu nkahukhoma eibuguzi lya houlilo oumpele nei lya humongo. 40 Oumuntu wowonti yasoungwa ahutake na fyule inkanzu lyaho leshele nei neikouti lyaho. 41 Oumuntu yayonti yahulazimisya abhale eimaili yeka bhalaga nawoo eimaili zibheili. 42 Wowonti yahulabha oupelaje, yakhopa oukhopelaje.

43 Mwounvweizye shaziyangwilwe huje, ougane oupalamani waho, ounvitwe oubhibhi waho.’ 44 Lelo eimbabhuzya huje mubhaganaje abhibhi bheinyu nantele mubhaputilaje bhabhabhavisya, 45 Nkamubhe bhana bha Ngulubhi ouwahumwanya. Pipo alamya isanya libhakholela abhibhi na bhinza, eimvula eibhatonyela abhibhi na bhinza. 46 Nkemwabhagana bhebhabhagana amwei, mubhahwambeileile mpesyanshii? Asonvya songo bhabhomba zyezyo. 47 Nkashele mubhalamuha aholo bheinyu bheene mupata henu ashile abhanjei? Eishi! Abhantu bheinsi sebhabhomba eisho? 48 Eishi eihwanziwa huje mubhe bhagoulosu neishi Udaada weinyu ouwahumwanya shali golosu.