¹ Einsiku zila ou Yohana Oumwoziwa aheinzeile alumbeilile hunyika eiya hu Yuda ahaga, ² “Mulambe peipo oumweinei ouwahumwanya wusojeileiye.” ³ Peipo ounu yayangwilwe nou kuwe ou Isaya ahaga, “Izwi lya muntu ya kwizya afume hujangwani; ‘mubheishe hanii idala lya gousi, mugagolosye amashilo gakwe.’”

⁴ Eishi ou Yohana akweite ameenda gei amawooya gei ngamia neilampa eilyeinsounga musana gwakwe, eishalye shakwe shahali nzije nou woushi ouwa mwisengo. ⁵ Nantele mu Yerusalemu, Yuda younti, nei einsi zyounti zyazyazyungouleile isoho lyei yordani bhahabhalila. ⁶ Bhahoziwaga mwisoho mu Yordani bhalaambaga hwaNgouloubhei eimbibhi zyabho.

⁷ Leelo nahabhalola abheinji amafalisayo na masadukayo bhahweinza ahwouziwe, “abhabhola huje amwe mwamuli mpapo yei nzoha weinu yabhasundile asheimbeile einkuni yeihweinza? ⁸ Mubhonesye amadoundo gagahwanziwa aje mlaambile. ⁹ Msahasiibhe na hwiyanjizanye huje tilinouiseweitu ou Ibrahimu.’ Peipo eimbabhoula aje ouNgouloubhei agamweimeiseizya ou Ibrahimu abhana afumilane na mawe eiga. ¹⁰ Eintwanga eibheibheilwe mumakholo gei makwi. Eishi ikwi lyolyonti lyasigalipapa amadoundo lidumulwa na pounywe mu mwoto.

¹¹ Lyoli ane Eimbozya na meinzei hubhonesye aje mlambile. Lelo ahweinza ougosi mwisalo lyane waseimbweizizye anyemule eivilato vyakwe. Oumweinei aibhozya hu mpepo oumfinjile na humwoto. ¹² Na upetelo lwakwe lulimunyobhe zyakwe apeeta ziila na hwozye na abhunganye eingano zyakwe mushanga. Nantele abhapeembe amansyoya mumwoto gwaseeguzima.

¹³ Ulwo ou Yesu aheinza afume hu Galilaya paka mwisoho Iya yorodani ahooziwe nou Yohana. ¹⁴ Ou Yohana ahandaga akhane aje, “Asahamwozye pipo ou Yesu gousi ashile ou Yohana” ¹⁵ Ou Yesu ahayanga ahaga, “Nanei eihurusu awe ounozye, enei eihwanziwa aje zyazihwanziwa zyonti.” Ou Yohana pa ahamwozya ou Yesu.

¹⁶ O u Yesu nawozeiwa wafuma mumeinzi ahenya eimwaaya zyamwigushiye, nantele ahalola oumpepo wa Ngulubhi ahwiha hushifwani shinjibha nakhalile pashipungo shakwe. ¹⁷ Izwi, lyahafumile humwanya lyahaga, “Ounou mwana wanei ouganwa. Eindi nei einsungwo nawo hani.”