¹ Lwahwasha, alongozi bha bhasayi bha Ngouloubhei na gousi bhounti bhahajehana hunongwa ya Yesu huje bhagoje. ² Bhapinyile ou Yesu, bhahatwala hwa Pilato, oulongozi wa bhaluumi.

³ Nantele ou Yuda, yahasambushiye ou Yesu, ahwiyounvwezye shibhibhi nawalola huje ou Yesu aloungwilwe agoogwe, aheega eimpeiyanzila amashomi gatatu, ahabhawezyezya abhalongozi bha bhasayi, na gousi abhei Uyahudi.

⁴ Wayanga waga, eimbombile eimbibhi ahubheishei munyobhei zyeinyu oumuntu wasagatulile ilando lyoulyounti. Lelo bhabhoula bhaga, eigo sagageitu atei nantele? Eigo gaaho humweene.” ⁵ Nantele wazitaga pansi ziila eimpeiya hushibhanza, ahasogola nabhale ahwinyonje.

⁶ Abhalongozi bha bhasayi bha Ngouloubhei bhahaseibha eimpeiya ziila, bhahayanga bhaahaga, “Saga eihwanziwa asanganye eimpeiya eizi nei zya munyumba einfinjile eiya Ngouloubhei, peipo zisoumbwilwe huje zigoje oumuntu.” ⁷ Eipo bhajehana, huzyeeje eimpeiya ziila na-kaliile ougounda ougwa bhoumbeile einsonta huje bhasyeilaje ajeenyi. ⁸ Eisho shasheisho ougounda ougwo itaawa lyakwe bhakwizya, ougounda ougwi daanda paka sanyounu.

⁹ Nantele eila einongwa lyayangwilwe nou kuwe ou Yeremia huje, “Bhaheijile eimpeiya amashoumi gataatu, eimpeiya eizyo abhaizilaeli bhaheiteiheine. ¹⁰ Bhahatumiye ougounda oubhoumba einsonta nashi oumweinei sha ndajiziizye.”

¹¹ Eishi ou Yesu aheimeileiye hwitagalila yei Liwali, na ouliwali abhouzya ahaga, “Awe ouli mweinei wei Bhayahudi?” Ou Yesu abhoula, “Awe ouyanga eisho.”

¹² Lelo nalongwaga na abhalongozi bha bhasayi bha Ngouloubhei na gousi bhounti, sigaahamuye izwi nkalimo.

¹³ Nantele ou Pilato ahaswiga tee. ¹⁴ Lelo sagagamuye izwi nkalimo, eipo eiliwali yaswiga tee.

¹⁵ Eishi pashikulkulu eishei paasaka, oulongozi ouyo ahali na miiho aga hubhigulile ounkoungwe weeka oula abhantu bhabhalabhaga huje ayigulilwe. ¹⁶ Husaala eiyo bhahali nou koungwe oumo, itawa lakwe ahali you Balaaba, Oukoungwe ouyo ahamanyishe tee humbibhi zyakwe zyabhoombaga.

¹⁷ Abhantu lwabhabhoungeine ou Pilato abhabhouzyeileleizya ahaga, weenu wamuhwanza huje eimbigulile mubhakoungwe eibha?” ou Balaaba awe ou Yesu yahweItwa Klisiti?” ¹⁸ Ahameinye hujeabhagousi bha bhayahudi bhaheinzeile hwa mweenenou Yesu hunongwa yei jeila.

¹⁹ Ou Pilate lwa akheuiye pitengo lyakwe eilya lonjele, oushe wakwe asontelezya einongwa huje, ousahabhoombe eimbibhi zyozyonti hwa muntu ounou sigali nilando nkalimo. Eindabhile tee nousiku hunoungwa yakwe.”

²⁰ Lelo abhalongozi bhabhasayi bha Ngouloubhei na gousi bhamo abhei Uyahudi bhayisooha eimpouga eiya bhantu huje, bhamwigulile ubalaaba na hubude ou Yesu. ²¹ Ouliwali abhabhouzya, “Younani kati ya bhabheilei yamuhwanza amwei eileshele?” Bhayanga bhahaga, “ou Baraba.”

²² Pilato ahabhabhouzya, “eibhoombe weile ou Yesu yahweitwa Klisiti?” bhounti bhahabhoula bhahaga, khomeele.” ²³ Wope ahayanga, “abhoombile yeenu eimbibhi huje tikhomeele pashikhobhehanyo,” Lelo abheene bhahonjela abwaje naje khomeele.”

²⁴ Eipo Upilato lwawalola huje saga wajiye abhoombe lyolyonti, na huje ouvwalanganowuhwanda, eipo aheega ameinzei na asanfye amakhono gaakwe pitagaalila lya bhantu bhounti. Eipo ahaga “Anei siga endi na malando gogonti hwi-indanda lya muntu ounou. Eiga gounti malando geinyu mweimwei.”

²⁵ Abhantu bhounti bhahaga, “Idaanda lyakwe libhei pamwanya yetu na bhaana bheitu” ²⁶ Eipo wamwigulila ou Baraba amwabho, leelo ahabhalajizya abhalwi bhakwe huje bhasheite ou Yesu nou chapo na hukhoomeile pashikhobhehanyo.

²⁷ Nantele abhalwi bhalongozi oula bhahamwega ou Yesu paka Praitorio nei eimpouga eingousi yei bhalwi. ²⁸ Bhamwaula amenda gakwe nahukwatizye igolole ishamwamu. ²⁹ Eipo bhahatabha einsushe eiyei minvwa, bhahakwatizya hwitwe na hubheisheile ilanzi hukhono gwakwe ouleilo huje aloleshe nashi oumweinei. Bhahasugamila pitagalila lakwe nashi aje bhahupuuta na hukenyensye, bhahaga tihulamuha mweinei wa bhayahudi? ³⁰ Na bhasweileiye amaate, na bhahega ilanzi nahukhome mwiitwe. ³¹ Lwahamala hunsoufwanye, bhahamwawula igolo ishamwamu liila na hukwatizye nantele amenda gakwe. Bhahafumya hwonzi nasogole nawo abhale hukhomele pa shikhobhehanyo.

³² Lwabhafuma hwounzei, bhahalola oumuntu afume hu Krene itawa lyakwe you Simeoni, ouyo bhasonshelezya huje anyetule eishikhobhehanyo sha Yesu. ³³ Bhafiha paala papahweitwa pa Goligota, (hwahuje pi- Ifupa-li Itwe).” ³⁴ Bhahapeila ou Yesu eidivaayi, yabhasangeinye nei nyoungo huje amwele. Lelo ou Yesu nawayileinga, ahakhaana amwele. ³⁵ Lwabhakhomela pashikhobhehanyo, bhagabhana ameenda gakwe eisha duunye einduunya. Huje weenu anzahweje ameenda weilei. Eipo lyahabhombeiha izwi lyayanjile oukuwe huje, bhagabheinei amenda ganei, lyope ikooti lyanei bhahalidunyiiye einduunya. ³⁶ Eipo bhahakhala papala huje bhadiime. ³⁷ Pamwanya pi-itwe lyake bhasimbile eisimbo huje, ounou youyesu oumweinei wa bhayahudi. ³⁸ Ankoonya bhabheilei bhabhakhomeileiye pandweimo nou Yesu, oumo oukhono ouleleo, wamwabho hukhono oumongo. ³⁹ Abhantu ashila li dala bhahaligaga nayinzye amatwe ga bho ⁴⁰ Nahubhoule huje, “Awe wahajile wahayisankula einyumba einei eiya puutile hwiyavwe teenye nkouli mwana wa ngouloubhei iha pa shikhobhehanyo eisho!”

⁴¹ Sheisho alongozi bha bhasayi bha Ngouloubhei, na manyizi bhei ndajizyo na gousi, bheinsi bhatona bhaga, ⁴² “Abhavwiizye abhanjei, lelo sigabhajiiye ahwiyavwe youyo. Oumweene mweinei wa bha Yahudi ayiishe pikhobhehanyo natei nkatimweiteishe. ⁴³ Ahumweiteiha ou Ngouloubhei. Eishi ou Ngouloubhei ouyo amwavwe, oumweene ajile anei eindi mwana wa Ngouloubhei.” ⁴⁴ Bhope bhaala ankoonya bhabhakhomeileilye pandweimo nou Yesu bhahanda hulije sheisho.

⁴⁵ Ahwande musasita paka musaatisa einsi younti yahali nkiisi. ⁴⁶ Nayafiha eisatisa ou Yesu wakhoola eiholo waliila waga, Eloi, Eloi, lama, sabakthani? Hwahuje Ngouloubhei wanei. Yeinu oundeishile? ⁴⁷ Abhantu bhabhaheimeileiye paala bhabhahounvwaga nakhoola bhahaga, ahukwizya ou Eliya.” ⁴⁸ Nanali oumo wabhaala wazubhiha isaula mudivayi eindozu, wayipinya mwilanzi. Nahupeele ou Yesu huje amweele.

⁴⁹ Bhamo bhaga leishi, teenye ou Eliya nkashele ahweinza ahumwavwe.” ⁵⁰ Ou Yesu wakhoola eiholo pamandei waafwa. ⁵¹ Lwoulwou, ouwizigo wigolole, wazeimbuha afume pamwanya paka pansi. Einsi yahayinga namalawe gabazuha. ⁵² Einkoungwa ziiguha, na mabeilei ga goulousu bhabhafwiye gazyouha. ⁵³ Bhafuma munkoungwa, nawzyouha ou Yesu, bhiinjila mukhaya einfinjikle, bhabhoneha wabhantu abhiinji.

⁵⁴ Eishinoulongozi wa bhalwi, pandweimo neibho bhabhadiimaga ou Yesu, nabhalilola lila itensya, nagala gagabhombeishe oaala bhahogope nayanje huje, lyoli ounou aali mwana wa Ngouloubhei.”

⁵⁵ Bhahali abhashei bhabhahenyaga sapatali eibha bhabhala bhalondozyaga ou Yesu afume shabhaali hu Galilaya, nahumwanvwe neivintu vyabho. ⁵⁶ Abhashei eibho ahali ou Mariamu Magdarena nou maliya ounyina wabho ou Ykobo nou Yosefu, nou nyina wa bhaana bha Zebedayo.

⁵⁷ Nahwafiha lyabheila, ahenza oumuntu oumo ahali tabhazi afume Arimathaya, itawa lyakwe you Yosefu ouyo ahali bhaazyi wa Yesu, ⁵⁸ Abhalile hwa Pilato alabhei oubeilei gwa Yesu. Ou Pilato waga apeelwe. ⁵⁹ Ou Yusufu wagwega oubeilei gwa Yesu, wagupinya mumwenda, ougwinza, ⁶⁰ wagusyeila munkoungwa yakwe eimpya yagweinyile mwilyalawe. Eisho waungulusya iwe igousi wakwinshila mundyango gwei nkoungwa nasogole. ⁶¹ Ou Mariamu Magdalena nou Maria oula wamwabho bhakheiye paala ambali pankoungwa.

⁶² Shandabho lwakwe isiku lyei sabaato na hwasha, alongozi bha bhasayi na Mafalisayo bhabhala hwa Pilato. ⁶³ Bhaga, “wee gousi, tizuushe huje oula oumuntu wilenka nahali shamwoumi ajile isiku eilya tatu eihayizyoha,’ ⁶⁴ Eishi oubhalajizye abhalwi huje, bhaileindeileile einkoungwa afishe isiku eilya tatu huje abhaazyi bhakwe bhasashele humwibhe, nahubhabhouzye abhantu huje azyousheile. Ilenga eili eilya malishile lyayibha ligousi ashile liila eilya hwande.”

⁶⁵ Ou Pilato waga, amwei mulinabho abhalwi bhaleindeileile. Bhalaji mubhatwale bhayileindeile einkoungwa shabhabhajiye abheene.” ⁶⁶ Bhabhala ayileindeileile einkoungwa, nabheishe eishimanyilo mwiiwe liila nabheishe aleindeileili.