¹ Ou Yesu afumile mushibhanza na sogoole. Abhaazyi bhakwe bhabhaliye na hubhoonesye einyumba yeishibhanza. ² Lelo wabhabhoula waga, “eishi, sigamugaloola amambo gounti eiga? Lyoli eimbabhozya, nalimoo iwe lyalisagala pamwanya yeilyamwabho bila abhougulanye.”

³ Nakheiye mwingamba lyei Mizeituni, abhaazyi bhakwe bhabhaliiye palimweene bhaga, tibhouzye huje, amambo eiga gaifuma ndii? Hantu weilei, hahayibhonesya ahweinzei huliwena humalishilo weinsi?”

⁴ Ou Yesu abhabhoula ahaga, mubhanje maso huje oumuntu asabhakhopele. ⁵ Abhiinji bhayihweinza hwi tawa lyanei. Bhayiga, ‘Anei nei Klisiti,’ na bhayibhakhopela abhiinji. ⁶ Mwayihwonvwa eibho nei nongwa zyeibho. Enyaji muganjebhe nou woga, huje amambo eiga hadi gahafume; lelo oulumalishilo lwayibha luseile. ⁷ Einsi yaibhouha pansi yamwabho, ouwumweinei pa ouwumweinei wamwabho. Hwaibha nei nzala na mateinsya geinsi husehemu zyounti. ⁸ Lelo amambo gounti eiga huhwande abhe nou ouchungu wa paape oumwana.

⁹ Eipo bhayibhafumyaa humalabha na hubhabude. Einsi yaibhavitwa hunongwa yei tawa lyanei. ¹⁰ Eipo abhiinji bhayiboumeila na lehane nantele bhayivisanya bheene hwa bheene. ¹¹ Akuwe abhiinji bhei leinga bhayihweinza na bhakhopeile abhantu abhiinji. ¹² Eipo ouwumbibhi wayihwonjelela, oulugano gwa bhiinji gwaitega. ¹³ Lelo oumuntu yaijimba hadi humalishilo ouyo ayihokolewa. ¹⁴ Eili izwi eilya oumweinei lyailoumbeileilwa hunsi younti abhei keiti munsi zyounti. Eipo gula oumalishilo gwayifiha.

¹⁵ Eishi, eimbabhoula huje, namwayilola ou Yesu avitilwe humbibhi, lyalyayangwilwe nou kuwe ou Danieli (lyeimeileiye apafinjile), ¹⁶ Eipo bhabhali hu Yuda bhasheimbeileile humagamba. ¹⁷ Noula yalipamwanya yei nyumba asahwishe pansi ahweije ahantu hahouonti hahali munyumba yakwe, ¹⁸ Wope yalihugounda asahawuye ahweije amenda gakwe. ¹⁹ Lelo, bhaashela abhantu bhabhahwosya hunsikue eizyo! ²⁰ Eishi puutaji huje, anyile hwenyu huganjebhe hwisasa, awe isiku eilyei sabato. ²¹ Peipo einsiku eizyo zyaibha zyemalabha amagousi, gasiga gawayile abhei afume huwandilo weinsiafishe sanyounu, nantele, sigagayifuma nalumo amalabha nashi eiga. ²² Einsiku eizyo zigaapoungoushe, noumo oumuntu wayeinzaga ahokoshe. Lelo hunongwa yabhasalulwe bhakwe, ouNgouloubhei ayihounzya einsiku eizyo.

²³ Nantele nkashele oumuntu wowonti anzabhabhouzye huje ‘Einya, Klisiti ali eipa! Awe, ‘Uklisiti ali huula, musamweiteisheile lwounti. ²⁴ Amaklisiti bheileinga, na kuwe bheilenga bhayihweinza na bhonesye eimbonesyo eingosi na mayele, huje bhaleinje abhateizye, bhala bhabhasalulilwe nou Ngouloubhei. ²⁵ Eishi amwei mubhanje maso, sigaseile amambo eiga afume. ²⁶ Eishi, nkashele abhantu bhayibhabhouzya huje, einya ou Klisiti hujangwani. Awe einyaji, alimuhati yei nyumba,’ muganjehweiteishe einongwa eizyo. ²⁷ Nashi eiladi neikhozya afume humashaliki na khoole hadi humaghalibi, eisho sheishaibha nayihweinza oumwana wa Adamu. ²⁸ Poupounti papali nou ouwuvunzu, ouhwo hwazibhoungana eimpanga.

²⁹ Lelo nahwabha amalabha amagousi geinsiku ziila, eisanya lyayibheihwa ahisi, oumwezi sagagwayifumyaaoukhozyo gwakwe, einzotazyayigwa afume mwanya, na eikhone eilya humwanya lyaiyinga. ³⁰ Eipo eishimanyisyizyo eisha mwana wa Adamu shayibhouneha humwanya, na abhanti bheinsi zyounti bhayihwanda alile. Bhayihulola oumwana wa Adamu ahweinza mumabheingo hwikhone nou mwaamu ougousi. ³¹ Eipo nayibhasountelezya antumi bhanei, bhabhayikhoma eindudwe, bhoope bhayibhabhounganya pandweimo bhabhasaluliiwe bhounti afume eimbali zyounti zinei eizye nsi, afume eimbali yeeka eiye malishilo weinsi, afishe eimbali eiyeinjei eiyei malishilo weinsi.

³² Manyilaji eishifwanieishikou. Nkashele mwalola einsamba zyakwe zyadugula nafumyee amasoole, mumanyaje lwene huje, eisala yayabhile eipalamiye. ³³ Nantele namwayigalola amambo gounti eiga, mumanyaje huje apalamiye, apalamiye mundyango. ³⁴ Lyoli eimbabhouzya, eimpapo einei seiyaishila, had amambo gounti eiga nagayifuma. ³⁵ Eimwanya neinsi zyaishila, lelo izwi lyanei sigalyayishila namwaha.

³⁶ Lelo, hunongwa yei siku nei saala, noumo oumuntu wayimanya, bhoope antumi bha humwanya, awe oumwana, ou Ngouloubhei mweinei wazimeinye zyounti eizyo. ³⁷ Nashi shezyahali einsiku eizya Nuhu, eisho sheishaibha lwayihweinza ouMwana wa Adamu. ³⁸ Einsiku eizyo eighalika seiliseile ahweinze, abhantu bhamwelaga, bhahegaga na hweegwe paka isiku ou Nuhu nahinjiiye musafina, ³⁹ Abhantu sigabhameinye nkahamo, paka einsi younti nayameimile ameinzei agafume humwanya na pansi nazyoole abhantu bhounti nei vintu vyounti, eisho shashaibha nayeinza oumwana wa Adamu. ⁴⁰ Einsiku eizyo Abhantu bhabheilei bhahaibha humagounda- weka ayihwegwa, wamwabho ayilehwa. ⁴¹ Abhashe bhabheilei bhaibha bhasya, oumo ayihweegwa ouwamwabho ayilehwa, ⁴² Lelo eishi mubhe maso, peipo sigamulimeinye isiku lyayeinza ougousi weinyu. ⁴³ Mumanye huje, neinshi isiku lyahweinza oumwibha oumwanei nyumba handa sigayileishile einyumba yakwe aje eiwugulwe nou mwibha. ⁴⁴ Eishi namwei muhwanziwa ahwibheishe shinza huje, oumwana wa adamu ayeinza eisala yasigamuyimeinye.

⁴⁵ Eishi younanu oubhonvi oulounjeisu, nantele tengamazu, ouyo yayouyo ougousi wakwe yahubheha abhe mweimeileili wa bhamwaabho, huje nayishoula abhapeelaje eishalye husala yei khondeiye? ⁴⁶ Asayiwe ou bhounvi ouyo, ougousi wakwe yayihumwaga abhoomba eisho nahweinza. ⁴⁷ Eishi lyoli eimbabhoula huje, ayeihubheiha huje abhei mweimeileili wei vyouma vyakwe vyounti. ⁴⁸ Lelo nkashele oumweimeileili ouyo bhibhi, humwoyo gwakwe ayiga ougousi wanei sigahweinza lubhilo,’ ⁴⁹ Nantele wanda abhakhome abouyi bhamwabho nalye, akholwe, pandweimo na mweizi. ⁵⁰ Eishi ougousi wa mweimeileili oula ayeinza isiku lyasigalimeinye. ⁵¹ Ayihudumulanya, nahubheishe pandweimo na gulugulu, nahuponye ouhubhibhi whwabhazonda na zyeizyeigule amino.