Ulyango 23
1
Ou Yesu ahayanga neimpouga ziila zya bhantu na bhaazyi bhakwe ahaga,
2
“Amanyizi bhei ndajizyo na bhakhaliila itengo eilya Musa.
3
Eishi gakhataji na gabhoombele eimbombo eiga gounti gabhabhabhouzya. Lelo muganje alondolezye eimboombo zyabho, peipo abheene sagabhalondoozya na bhoombe eigo gabhayanga.
4
Abheene Lyoli, bhapinya amazigo amamwamu, na hubhatweinshei abhantu abhanje muvipoungo vyabho. Lelo abheene bhakhana asojelezye ayoobhe heikhono gwabho huje bhanyeemule.
5
Eimboombo zyabho zyounti, bhabhomba huje abhantu bhabhalole. Bakwata humaaso na munyoobhe eivipatiho eivyei nkwembe vya visimbiilwe eindajizyo eingousi ashile zya bhantu abhanji. Nantele bhahwonjezya oulupinto oulwe menda gaabho agei mpuuto ashile abhanji.
6
Einsiku eizyei shikulukulu, bhasoungwa tee akhale mumatengo gei nshinshi, na munyumba zyabho eizya puutile na manyiilile bhasoungwa akhale mumatengo geinshinshi ga hwitagalila,
7
Nanteele bhangwa huje abhantu bhabhalamuhaje hunshinshi mulembuka na akwiziwe wee manyizi, wa bhantu.
8
Lelo amwei mugandi hweiteishe, nkashele bhabhakwizya bhayiga, “wee manyiizi.” Huje peipo muli nou manyizi weeka, na mwenti amwe muli bhaholo.
9
Muganje hukwizye oumuntu wowonti munsi oumu huje Daada weinyu, huje amwe muli nou Daada weeke, yali humwanya.
10
Nantele msahashele akwiziwe ‘bhamanyizyi.’ Amwe mweenti muli nou manyizyi oumo you Kilisti.
11
Ouyo yali gousi hulimwe, aibha bhoomba mbombo weinyu.
12
Oumuntu Wowonti yahwizuvya ou Ngouloubhe abhahumwisye, nou muntu wowonti yahwiyisya ou Ngouloubhei abhahuzuvye.
13
Lelo palwwenyu amwe mwa manyizyi bhei ndajizyo namwei mwa Mafalisayo, amwe mwagulugulu, mubhagalilila abhantu amandyango gei wumweinei wa humwanya. Amwe namwei sigamuhwinjila, bhabhahwanza mubhadindizya aje bhasahinjile.
14
15
Palweinyu amwei mwanyizi bhei ndajizyo na Mafalisayo, amwe mwagulugulu, mulobhoha mwisyila na hwanze abhantu abhabhamanyizye, nkamwabhaga mubhabheiha huje bhabhale humwoto neishi amwei.
16
Mwashela amwei mwalongozi mwamuli bhafwe amaso amwei muiga oumuntu yalapa hunyumba eiya puutile muiga eishilapo eisho sigahantu: lelo oumuntu nkalapa huzahabu yei nyumba ya puutile, ouyo afungwilwe mshilapo shakwe.
17
Amwei mwafwe maso mwaalema, henu ahagousi ashile hamwabho, zahabu awe einyumba eiya puutile yei hwozya eizahabu aje eibhe nfinjile?
18
Nantele muiga oumuntu nkalape pashipuuto, muiga ouyo seihantu, lelo oumuntu nkalape husangu eizya loungouleizye zya zibha pashipuuto, ouyo ahwanziwa abhoombe nashi shalapile.
19
Amwei mwafwa maso, henu hagousi ashile ahanjei, eisangu awe eishipuuto shashihwozya eisangu huje eibhe nfinjile?
20
EIsho, oumuntu yalapa pashipuuto, abha alapile hwa vyounti vyavili pashipuuto.
21
Wope oumuntu yalapa hunyumba ya puutile abha lapile nahwamwaneinsho nyumba eiyo.
22
Wope yalapa humwanya abha alapile hwitengo lya Ngouloubhei na hwoula yakhaliiye itengo eilyo.
23
Mwashela amwei mwamanyizi bhei ndajizyo na Mafalisayo, mwagulugulu! Mufumya musaluye eivintu eividoodo abhe vifinjile neishi bizali, eisalwa nei, muvileishile eivintu eivigousi nvyavili mundajizyo zya Ngouloubhei neishi, ougoulousu, einkoumbou, nou lounjeisu. Lelo eivintu eivyo vyavihwanziwa avikhate nei vyamwabho eivyo muganjevileshe.
24
Amwei mwalongozi mwafa maso, amwei mwamusouya eivintu eividoodo lelo mumila eingamiya!
25
Mwashela amwei mwaminyizi bhei ndajizyo na Mafalisayo, mwagulugulu, muhwozya eivikombe nei nsahani hwounzei lelo muhati mumemile ouwibha, nou oubhibhi.
26
Amwei Mwafarisayo mwamuli bhafwe amaso, mwozye nasooti eivikombe nei nsahani muhati, eipo hwounzei hwope hubhabhe shinza.
27
Mwashela amwei, mwaminyizi bhei ndajizyo na Mafalisayo, mwagulugulu, muleingeine nei nkoungwa zyabhazyeimile eichokaa hwounzi, lelo muhati gali mafupa ga bhantu nei vintu eivibhibhi.
28
Eisho shamuli amwei, namwei hwounzei mubhoneha muli bhinza lelo muhati mumoyo geinyu muli bhabhibhi.
29
Mwashela amwei, mwamanyizi bhei ndajizyo na Mafalisayo, mwagulugulu, muleinganya einkoungwa zya kuwe nei zya bhantu abhinza,
30
Namwei muyanga, huje, tigali tikheiye nashi shabhakheiye amaama bheitu, handa sigatavweine ahwiite amadanda ga kuwe.
31
Eisho mwahwiyaazya mweimwei huje mulibhana bhabho bhala bhabhahiitile idanda lya kuwe.
32
Eishi hwahuje shimeimyii eishipimo shei mbibhi zya yise bheinyu.
33
Amwei mwamuli mizoha, mubhana bhei nzoha, mwaiseiguha weilei alongwe humwoto?
34
Eishi, einyii anei eimbatuma akuwe na bhantu agoulousu na manyizi hulimwe. Lelo bhamobhamo mubhabhabude, nahubhakhobhehanye, nantele bhamo mubhabhakhome nei nsanzou munyumba zyeinyu eizya puutile, nabhalondozye afume eikhaya nei khaya.
35
Ni danda lila lya bhantu agoulousu lyamwahitile, pansi eipa, ahwnde eidanda lya Abeli yasigatule nkazimoo paka eidanda eilya Zakalia oumwana wa Barakia yamwabudile apafinjile na pashipuuto lyabheinzeila nabhaloonjea.
36
Eimbabhoula huje eiga gounti gaiyenza humpampo einei.
37
Awe Yerusalemu, Yerusalemu, awe woubhabuda akuwe nabhakhome namawe bhabhatumwilye huliwe! Haleinga einzilishe abhabhonganye abhana bhaho pandweimo, neishi eikuku sheibhonganya outwaana twaakwe mumapiho gakwe, lelo awe ouhakheine!
38
Einya einyumba zyeinyu zigalushe magweila.
39
Anei eimbabhoula ahwande sanyounu sigamwaindola, paka namwayiyanga huje asayiwe ouyo yahweinza hwiitawa eilya gousi.”