¹ Nantele Ou Yesu ahayanga nabho hushifwani, ahaga, ² “Ouwumweinei wa humwanya guleingeinei nou mweinei waleingeinye eisikulukulu yei weiji wa mwana wakwe. ³ Wabhasonteilezya abouyi bhakwe abhakaribisye bhala bhabhahanilwe ahweinzei husikulukulu yei weiji, lelo seibhaheinzeile. ⁴ Nantele oumweinei abhasonteilezya abouyi bhamwabho, waga. Bhabhouzyi bhounti bhabhaniilwe, einyi eindeingeinye eishalye. Einsinzile eihampoko zyanei zyazinonile nei ndama zyanei, shila hantua habhoumbeishe, einzaji husikulukulu yei weiji.” ⁵ Lelo abhantu sagabhasaaga, bhabhalile humbombo zyabho zye magounda, bhamo bhaweilile abhombe ouchuluuzi. ⁶ Abhamwabho bhabhakheite abouyi bha mweinei bhakhabhavitililwe abhawomba mbombo wa mwene na hubhasosye na hubhabude. ⁷ Lakini umwene akhavitilwe. Akhatumile abhalungu wakwe akhabhabuda bhala abhabudi na hubhalongolezye nu moto peka ni khaya yao. ⁸ Nantele wabhabhoula abouyi bhakwe, huje ouweiji ulii tayari, lelo bhala bhabhahanilwe sigabhakhoundeiye ahweinze nantele. ⁹ Eishi bhalaji humadala amalehano mubhane abhantu bhounti bhamubhabhalolei. ¹⁰ Bhala abouyi bhabhala mumadala amalehano, bhabhaana bhounti bhabhaabhalolile, abhinza na bhabhibhi. Einyumba yei sikulukulu yei weiji yameimile ajeinyi. ¹¹ Lelo oumweinei natousheile ahwenye ajeinyi, alolile oumuntu oumo sigakweite amenda gei weiji! ¹² Oumweinei wabhouzya huje, ouyinjiye weilei oumu sigaoukweite amenda gei weiji?’ oula oumuntu sigagamuye nazimoo. ¹³ Oumweinei wabhabhoula abouyi bhakwe huje, pinyi amakhono na manama mutwaale hwounzei huhisi, hwahuli nei hoolo na zyeizyeigule amino. ¹⁴ Sheisho bhabhakwiziwe bhiinji lelo bhabhasalulwe bhali bhashe.

¹⁵ Eipo Amafarisayo bhafuma hwounzei bhayangana eishahukhate ou Yesu, na huteje hunongwa zyakwe youyo. ¹⁶ Bhabhasontelezya abhaazyi bhabho, hwa Yesu pandweimo na nabhounvi bha Herode, bhayanga bhaga, wee manyizi, timeinye huje awe ouli muntu mwinza nantele oumanyizya izwi lya Ngouloubhei hwidala eilinza. Sigaousaaga einongwa zya bhantu nantele sigaoupendelela abhantu. ¹⁷ Oulola weilei shinza asoombe eisongo hwa kaisali awe sigashinza?”

¹⁸ Ou Yesu ahameinye ouwubhibhi wabho waga, yeenu munjeela, amwei mwagulugulu? ¹⁹ Ndoleisyi eimpeiya yamusoombile eisongo. Eipo bhaletela eidinali eimo. ²⁰ Ou Yesu abhabhuola, “shanaanu eisheeni, nitawa eili?”

²¹ Bhabhoula bhaga, vya kaisali.” Peipo ou Yesu abhabhouzya huje, mupelaje oukaisali vyavili vya kaisali, nantele mupelaje ou Ngouloubhei vyavili vya Ngouloubhei.” ²² Bhaswiijile nabhounvwa eisho, eipo bhahaleha papaala, abheene bhahasoogola.

²³ Eisiku liila Amasadukayo bhamo bhaheinzeile hwa Yesu, bhaala bhabhayanga aje nahwumo azyoushe hwa bhafwe, bhabhouzya. ²⁴ Bhaga, wee manyizi ou Musa ajile oumuntu nkafwiiye sigapeipe abhaana, ouholo wakwe agaale oushe ouyo apapile abhaana ouholo wakwe yafwiiye. ²⁵ Amweitu hwahali abhantu saba bhounti bhaali bhaholo, ouwahwande aheijile oushei sigaapeipe nawo, wafwa, ouholo wakwe wagaala oushei oula, ²⁶ Wope oula wabheilei yagaalile sigapeipe nawo, ouwatatu wope sheisho, bhounti saba bhagaalile oushei oula noumo yapeipe nawo. ²⁷ Pamandei wope oushei oula wafwa. ²⁸ Eishi oula oushei aibha shei wanaanu hwabhala saba? Afwaneje bhounti bhamweijile.”

²⁹ Ou Yesu wabhabhoula huje, muteega hunongwa huje sigamuzimeinye zyazisimbilwe ni khone lya Ngouloubhei lyope sigamulimeinye. ³⁰ Huzyouho sigabhahwega nantele sigabhahwegwa, bhaibha nashi antumi bha humwanya. ³¹ Aje ouluzyouho lya bhafwe sigamubhazizye shayanjile ou Ngouloubhei aje, ³² Anei nei Ngouloubhei wa Ibrahimu, nou Isaka, nou Yakobo? Oumweene siga Ngouloubhei wa bhafwe, Ngouloubhe wabhoumi.”

³³ Abhantu nabhounvwa eisho, bhaswijile tee humanyizyo zyakwe.

³⁴ Amafarisayo nabhonvwa aje ou Yesu abhapoumeizezye Amasadukayo, bhakwizanya na hwibhounganye peka. ³⁵ Bhasalula oumo, wahubhouzye iswali eilya hujele waga, ³⁶ Wee manyizi, ndajizyo weilei yeili ngousi ashile eindajizyo zyounti?”

³⁷ Ou Yesu wabhoula waga, ougane ou Ngouloubhei waho humwoyo gwaho gwounti, hunjeele zyaho zyounti, ³⁸ Eindajizyo einei yei ngousi ashile eindazyo zyounti nantele yei ya hwande. ³⁹ Eiya bheilei eileingeine neiyo, eiyiga, ougane oupalamani waho nashi shouhwigana awe. ⁴⁰ Eindajizyo eizi zibheilei zyazisoubheilwa nei ndajizyo zyonti na kuwe.”

⁴¹ Amafarisayo nabhabhoungana ou Yesu abhabhouzya huje, ⁴² Muhulola weilei ou Kilirisiti? Oumweene mwana wa nanu? “Bhabhoula huje, mwana wa Daudi.”

⁴³ Ou Yesu waga, shibhaweilei huje ou Daudi nalongozeiwe nou mpempo oumfinjile na hukwizwe ou Klisti huje gousi? Eipo ayanjile huje ⁴⁴ ‘Ou gousi abhouleile ou gousi wanei huje, khala hukhono gwane ouleilo paka lwanaibhabheiha abhibhi bhaho munyayo zyaho. ⁴⁵ Eishi ou Daudi nkashele ahukwizya ou Yesu huje, gousi abhabhe weilei abhe mwana wakwe? ⁴⁶ Eipo sigabhayanjile nkazimo, nantele ahwande isiku eilyo noumo oumuntu yabhouzeizye einongwa nkazimo.